Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⴷⵓ ⴰⵎⴰⴷⴷⵓⴷ ⵏ ⵓⵙⴳⴳⵯⴰⵙ ⴰⵙⴳⵎⴰⵏ 2019-2020 ⴷ ⴰⵙⵎⵏⵉⴷ ⵏ ⵉⵙⴼⴽⴰⵏ ⵉⵣⵍⵉⵏ ⵅⴼ ⵜⵎⴰⵖⵓⵏⵜ ⴷ ⵜⵎⴰⵢⵏⵓⵏ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ 
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⴷⵓ ⴰⵎⴰⴷⴷⵓⴷ ⵏ ⵓⵙⴳⴳⵯⴰⵙ ⴰⵙⴳⵎⴰⵏ 2019-2020 ⴷ ⴰⵙⵎⵏⵉⴷ ⵏ ⵉⵙⴼⴽⴰⵏ ⵉⵣⵍⵉⵏ ⵅⴼ ⵜⵎⴰⵖⵓⵏⵜ ⴷ ⵜⵎⴰⵢⵏⵓⵏ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ 

12 ⵛⵓⵜⴰⵏⴱⵉⵔ 2019 Version Imprimable
ⵜⵎⴰⵔⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵓⵎⵎⴰⵙ ⵏ ⵜⵣⵣⵓⵍⵉⵏ ⵏ ⵜⵉⵙⵙⵓⵏⵙⴰ ⴷ ⵜⴰⵎⴰⵍⵍⴰⵢⵜ ⵉⵍⵍⴰ ⴳ ⵜⵙⵓⴽⵜ ⴽⵉⵛ ⵍⵓⴷⴰⵢⴰ ⴳ ⵜⵎⴰⵔⴰ, ⵍⴱⴷⵓ ⴰⵎⴰⴷⴷⵓⴷ ⵏ ⵓⵙⴳⴳⵯⴰⵙ ⴰⵙⴳⵎⴰⵏ 2019-2020 ⴷ ⵉⵙⵙⵉⵅⴼ ⵜⴰⴼⵓⴽⵍⴰ ⵏ ⵓⵙⵎⵏⵉⴷ ⵏ ⵉⵙⴼⴽⴰⵏ ⵉⵣⵍⵉⵏ ⵅⴼ ⵜⵎⴰⵖⵓⵏⵜ ⴷ ⵜⵎⴰⵢⵏⵓⵏ ⵏ ⵉⵚⵍⴰⵃ ⵏ ⵓⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ , ⵙⴰⵍⴰⵡⵏ ⴰⴽⴽⵯ ⵏⵎⵉⴽⴰⵏⵉⵣⵎ ⵏ ⵓⵙⵡⴰⵍ ⵉⵎⴰⵢⵏⵓⵏ ⵓⵖⵣⵉⵏ ⴳ ⵓⵙⴳⴳⵯⴰⵙ ⴰⴷ ⵍⵍⵉ ⵢⴰⵎⵣⵏ ⵏ ⵜⴰⵏⴰⵢⵜ ⵜⵉⵥⵥⵉⴹⵕⴰ ⴷ ⵎⴰⴷ ⵉⵔⴰⵏ ⵉⵏⵍⵎⴰⴷⵏ.

ⵉⴳⴰ ⵡⵎⵓⵙⵙⵓ ⴰⴳⵍⴷⴰⵏ ⴰⴷ , ⵉⵏⵉⴳ ⴰⴷⴷⵓⵙ ⴷ ⴰⵏⵙⴰ ⴰⴷⵍⵙⴰⵏ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ  ⵢ ⵉⴳⵔ ⵏ ⵓⵙⵍⵎⴷ , ⴷ ⵜⵉⵔⴰⵜ ⵏⵏⵙⵏ ⴰⴷ ⵉⵙⴷⵓⵙ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⴰⵏⵏⴰⵍ ⵏ ⵉⴳⵔ ⵏ ⴰⵙⵎⵓⵜⵜⴳ ⴰⵣⵣⵓⵍⴰⵏ , ⵎⴰⵢⴰⴷ ⵉⴳⴰⵏ ⵉⴱⵉⴷⴷ  ⵏ ⵜⴳⵎⵉ , ⴷ ⵙⵙⵔⵇⴱ ⵏ ⵓⵏⵕⵥⵓⵎ ⴷ ⵓⵍⴰⵢ ⴰⵏⴰⵎⵓⵏ , ⴷ ⵜⵏⴼⵓⵔⵜ ⵏ ⵓⵔⴰⵢ ⵏ ⵓⴼⵔⵉⴷⵙ ⴷ ⴰⵎⵓⵏ ⵙⴳ ⵜⵉⵎⵓⴽⵔⵉⵙⵉⵏ ⵏ ⵜⵇⵓⴱⴱⴰⵏⵉⵜ ⴷ ⵓⵣⵍⴰⴹ.

ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵣⵎⵎⵣⵓ ⴷⵖ , ⵢⴰⵏ ⵓⵔⵣⴰⴼ ⵏ ⵜⵙⴰⵡⵔⵜⵉⵏ ⵏ ⵜⴰⵣⵣⵓⵍⵉⵏ ⵏ ⵜⵉⵙⵙⵏⵓⵙⴰ ⴷ ⵜⴰⵎⵍⵍⵍⴰⵢⵜ , ⵍⵍⵉ ⵢⵜⵜⵓⵙⴽⴰⵔ ⵙ ⵜⴷⵔⴰⵡⵜ ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵙⵎⵎⵓⵙⵜ ⵏ ⵜⴱⴷⴰⴷⵜ ⴷ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ 15 ⵢⵓⵍⵢⵓⵣ 2014.

ⴳ ⵓⵣⵎⵎⵣⵓ ⴷⵖ ⵉⵙⵎⵏⵉⴷ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ ⵉⴳⴰ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ ⵜⴰⵎⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵎⴰⵖⵓⵏⵜ ⴷ ⵜⵎⴰⵢⵏⵓⵏ ⵏ ⵉⵚⵍⴰⵃ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ , ⴷ ⵉⵣⵎⵎⵓⵎ ⵎⴰⵙ ⵉⵖⴰⵡⴰⵙⵉⵏ ⴷ ⵓⵙⵡⵓⴷⴷⵓⵏ ⵔⴰⵏ ⴰⴷ ⵉⵜⵜⵓⵣⵣⴳⵉⵔ ⴳⴰⵏ ⵉⴼⵓⵍⴽⵉⵏ ⴱⴰⵀⵔⴰ ⵙⴰⵍⴰⵡⴰⵏ ⴰⴽⴽⵯ ⵅⴼ ⵓⵏⵏⴰⵍ ⵏ ⵓⵏⵎⵍⴰⵏ ⴷ ⴰⵙⴱⴷⴷⵉ ⵏ ⵓⵣⵍⴰⴹ ⴷ ⵓⵣⵣⴳⵉⵔ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⴳⵎⵉ ⵉⵙⴷⴼⵏ ⴷ ⴰⵙⵔⵙ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵡⴰⵍ ⵣⵉⴽⴽ .

 ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵣⵎⵎⵣⵓ ⴷⵖ , ⴰⵕⵥⵥⵓⵎ ⵏ ⵜⵙⵏⵜⴰⵢⵜ ⵜⴳⵍⴷⴰⵏⵜ ⵏ "ⵎⵍⵢⵓⵏ ⴰⵇⵔⴰⴱ " ⵍⵍⵉ ⵢⵙⴱⵖⵔⵏ ⴳⵉⵙ ⴳ ⵓⵙⴳⴳⵯⴰⵙ ⴰⴷ 4 ⵓⵎⵍⵢⵓⵏ ⴷ 463 ⵉⴼⴹ ⵏ ⵉⵏⵍⵎⴰⴷⵏ ⴳ ⵓⵙⵙⴰⵔⵓⵏ ⵃⴰⵡⴰⵍⵉ ⵏ 484 ⴰⵎⵍⵢⵓⵏ ⵏ ⴷⴷⵔⵀⵎ .

ⵉⵙⴱⵖⵔⵏ ⵙⴳ ⵜⴰⵙⵏⵜⴰⵢⵜ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⴷⵓ ⵏⵙ ⴳ ⵓⵙⴳⴳⵯⴰⵙ 2008, ⵍⵍⵉ ⵢⵜⵜⵓⵙⵏⵎⴰⵍ ⴽⵓⵍ ⵓⵙⴳⴳⵯⴰⵙ ⵉⵏⵍⵎⴰⴷⵏ ⵏ ⵓⵙⵍⵎⴷ ⵓⵎⵏⵣⵓ ⴷ ⴰⵙⵉⵏⴰⵏ ⵏ ⵓⵙⵎⵓⵜⵜⴳ ⴳ ⵓⵎⴰⴹⴰⵍ ⴰⴼⵔⴰⵏ (63%).

Dernière modification : 16 ⵛⵓⵜⴰⵏⴱⵉⵔ 2019
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B1%E2%B4%B7%E2%B5%93-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%99%E2%B4%B3%E2%B5%8E%E2%B4%B0%E2%B5%8F-2019-2020-%E2%B4%B7-%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%89%E2%B5%99%E2%B4%BC%E2%B4%BD%E2%B4%B0%E2%B5%8F