ⵜⴰⵎⵜⵜⴰⵏⵜ ⵏ ⵓⵏⵙⵙⵉⵅⴼ ⵛⵉⵔⴰⴽ: ⵉⵙⵎⵖⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⴽⵜⵉ ⵏ ⵢⴰⵏ ⵓⵔⴳⴰⵣ ⵏ ⵓⵡⴰⵏⴽ ⴰⵎⵇⵔⴰⵏ

26 ⵛⵓⵜⴰⵏⴱⵉⵔ 2019 Version Imprimable

ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⴰⴱⵔⴰⵜ ⵏ ⵓⴼⵛⴰⴷ ⵉ ⵡⵏⵙⵙⵉⵅⴼ ⴰⴼⵕⴰⵏⵚⴰⵡⵉ, ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ, ⴷⴼⴼⵉⵔ ⵍⵍⵉⵖ ⵉⵎⵎⵓⵜ ⵎⴰⵙⵙ ⵊⴰⴽ ⵛⵉⵔⴰⴽ, ⴰⵏⵙⵙⵉⵅⴼ ⵉⵣⵔⵉⵏ ⵏ ⵜⴳⴷⵓⴷⴰⵏⵜ ⵜⴼⵕⴰⵏⵚⵉⵚⵜ, ⵉⵙⵎⵖⵔ ⴳⵉⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⴰⵙⴽⵜⵉ ⵏ ⵢⴰⵏ ⵓⵔⴳⴰⵣ ⵏ ⵓⵡⴰⵏⴽ ⴰⵎⵇⵔⴰⵏ ⵍⵍⵉ ⵢⴼⴽⴰⵏ ⵜⵓⴷⵔⵜ ⵏⵏⵙ ⵉ ⵜⵙⵔⵜⵉⵜ ⵙ ⵢⴰⵜ ⵜⵡⵍⴰⴼⵜ ⵜⴰⴷⵓⵙⵜ ⴷ ⵉⴼⵓⵍⴽⵉⵏ ⴷ ⵜⴰⵡⵓⵔⵉ ⵜⴰⵙⵓⵍⴰⵏⵜ ⵅⴼ ⵜⴰⵅⴰⵜⴰⵔⵜ ⵏ ⵜⵓⴷⵔⵜ ⵏ ⵉⵏⵎⵓⵔⵉⵏ ⵏⵏⵙ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ ⵎⴰⵙ ⵜⵎⵜⵜⴰⵏⵜ ⵏ ⵓⵏⵙⵙⵉⵅⴼ ⵛⵉⵔⴰⴽ ⵓⵔ ⵉⴳⵉ ⵉⵅⵛⵏ ⵉ ⴼⵕⴰⵏⵚⴰ ⴽⴰ, ⵎⴰⵛ ⵉ ⴰⴽⴽⵯ ⵓⵎⴰⴹⴰⵍ ⵍⵍⵉ ⴳⵉⵜ ⵉⵙⵙⵏ ⵢⴰⵏ ⵓⵔⴳⴰⵣ ⵏ ⵓⵎⵙⴰⵡⴰⵍ, ⵍⵍⵉ ⵢⴱⵉⴷⴷⵏ ⵅⴼ ⵜⵡⵍⴰⴼⵜ ⵜⴰⴷⵓⵙⵜ ⵅⴼ ⵓⴼⴰⵔⴽ ⵏ ⵓⵙⵍⴳⴰⵏ ⴰⵎⴰⴹⵍⴰⵏ ⴷ ⵜⵣⵔⴰⴼⵜ ⴳ ⵓⵙⵡⵉⵔ ⴰⵎⴰⴹⵍⴰⵏ.

ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵙ ⵉⵙⵏⵓⴱⴳ ⵓⵏⵖⵎⴰⵙ ⵏ ⵜⵎⵜⵜⴰⵏⵜ ⵏ ⵓⵏⵙⵙⵉⵅⴼ ⵛⵉⵔⴰⴽ ⵙ ⵢⴰⵜ ⵜⵡⵍⴰⴼⵜ ⵉⵛⵇⵇⴰⵏ ⵎⴰⵙ "ⵓⵔ ⵔⴰⴷ ⵉⵜⵜⵓ ⵍⵎⵖⵔⵉⴱ ⴰⵙⴽⵜⵉ ⵏ ⵢⴰⵏ ⵓⵎⴷⴷⴰⴽⴽⵯⵍ ⴰⵎⵇⵕⴰⵏ ⵍⵍⵉ ⵢⴷⵔⴰⵏ ⴳ ⵜⴷⵓⵙⵉ ⴳ ⵓⵙⴷⵓⵙ ⵏ ⵜⵓⵇⵇⵏⵉⵏ ⵏ ⵜⵉⴷⴷⵓⴽⴽⵯⵍⴰ ⴳⵔ ⵙⵏⴰⵜ ⵜⵎⵉⵣⴰⵔ ⵏⵏⵅ, ⵎⴰ ⵔⴰⴷ ⵢⴰⵊⵊ ⵜⴷⵔⴰⵡⵜ ⵜⵎⵢⵉⵡⴰⵏⵜ ⴰⴷ ⵜⴳ ⵉⵎⴰⵍ ⴰⵙⵏⵓⴱⴳ ⵏ ⵜⵎⵖⵓⵏⵜ ⵏ ⵓⵎⵢⴰⵡⴰⵙ ⵏⵏⵖ".

Dernière modification : 26 ⵛⵓⵜⴰⵏⴱⵉⵔ 2019

Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%8E%E2%B5%9C%E2%B5%9C%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9B%E2%B5%89%E2%B5%94%E2%B4%B0%E2%B4%BD-%E2%B5%89%E2%B5%99%E2%B5%8E%E2%B5%96%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%99%E2%B4%BD%E2%B5%9C%E2%B5%89-%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B5%94%E2%B4%B3%E2%B4%B0%E2%B5%A3-%E2%B5%8F-%E2%B5%93%E2%B5%A1%E2%B4%B0%E2%B5%8F%E2%B4%BD