Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴰⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵉⵙⵍⴰⵎⵉ ⵡⵉⵙⵙ ⵜⴰⵎ ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴰⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵉⵙⵍⴰⵎⵉ ⵡⵉⵙⵙ ⵜⴰⵎ ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ

02 ⴽⵟⵓⴱⵕ 2019 Version Imprimable
ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⴰⴱⵔⴰⵜ ⵉ ⵢⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵉⵙⵍⴰⵎⵉ ⵡⵉⵙⵙ ⵜⴰⵎ ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ ⵍⵍⵉ ⵢⵕⵥⵎⵏ ⴰⵙⵙ ⵏ ⵓⴽⵕⴰⵙ ⵖ ⵕⵕⴱⴰⵟ ⴷⴷⵓ ⵏ ⵓⴱⵓⵔⵣ "ⵜⵉⵍⴰⵍⵜ ⵏ ⵉⴼⵔⴷⵉⵙⵏ ⵉⴷⵍⵙⴰⵏⵉⵏ ⴷ ⵉⵙⴳⴷⵏ ⴳ ⵓⴼⴰⵔⴽ ⵏ ⵓⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ".

ⴰⵎⵎⴰⵙ ⵏ ⵜⴱⵔⴰⵜ ⵜⴰⴳⵍⴷⴰⵏⵜ ⵍⵍⵉ ⵢⵖⵕⴰ ⵡⵎⴰⵡⵙⴰⵙ ⵏ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵎⴰⵙⵙ ⵎⵓⵃⵎⵎⴷ ⵍⵄⵕⵊ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⵉⵡⵉⵣ ⵢⴰⵜⵜⵓⵢⵏ ⵍⵍⵉ ⵢⴼⴽⴰ ⵉ ⵡⴳⵔⴰⵡ ⴰⴷ ⵉⴳⴰ ⴰⵏⵣⴰ ⵏ ⵓⴼⴰⵔⴽ ⴰⵅⴰⵜⴰⵔ ⵉ ⵜⵖⴰⵡⵙⵉⵡⵉⵏ ⵏ ⵓⵡⵏⴰⴹ.

ⴳⴰⵏⵜ ⵜⵎⵓⴽⵔⵉⵙⵉⵏ ⵏ ⵓⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ ⵜⴰⵏⵥⵕⵜⵉⵏ ⵜⵉⵎⵇⵇⵓⵕⵉⵏ ⵉⵍⵍⴰⵏ ⴷⴰⵜ ⵏ ⵓⵎⴰⴹⴰⵍ, ⴰⵛⴽⵓ ⵎⵍⴰⵏⵜ ⵎⵏⵏⴰⵡ ⵏ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵏ ⵉⵎⴰⴹⵍⴰⵏ ⴰⵙⵢⴰⴼⵓ ⵓⴳⴳⵓⵜⵏ ⵓⵔ ⵊⵊⵓ ⵉⵣⵔⵉⵏ ⵣⵓⵏⴷ ⵏⵜⵜⴰⵏ ⵏ ⵓⴳⵍⵉ ⴰⴳⴰⵎⴰⵏ, ⵓⵍⴰ ⵡⵖⵍⵉ ⵏ ⵓⵙⵖⵍ ⵏ ⵜⵎⵔⴽⵉⵜ ⴷ ⵜⵎⵓⴽⵔⵉⵙⵉⵏ ⵜⵖⴱⵉⵏ ⵏ ⵓⵎⵢⴰⵙ ⵏ ⵓⵡⵏⴰⴹ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵎⴰⴷ ⵢⵉⵡⵉⵏ ⵢⴰⵏ ⴰⴷⴷⴰⴷ ⴰⵎⵏⵓⵙ ⴷ ⵉⵎⵉⵣⵉ ⵍⵍⵉ ⵢⵙⵙⵏ ⵓⵜⵔⵉ ⵏⵏⵅ, ⴷ ⵜⵉⵍⴽⴰⵎⵉⵏ ⵓⵔ ⵉⴼⵓⵍⴽⵉⵏ ⴳ ⵓⵙⵡⵉⵔⵏ ⵉⴷⵎⵙⴰⵏⵉⵏ ⴷ ⵉⵏⴰⵎⵓⵏⵉⵏ ⵓⵍⴰ ⴳ ⵜⴷⵓⵙⵉ, ⵎⴰ ⵢⴰⴷ ⵢⵉⵡⵉⵏ ⵉⵎⵉⵣⵉⵏ ⵅⴼ ⵉⵡⴰⵏⴽⵏ ⵏ ⵓⵎⴰⴹⴰⵍ, ⵙⵍⴰⵡⵏ ⴰⴽⴽⵯ ⵉⵥⵍⴰⴹⵏ, ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.

ⴰⵙⴱⵉⴷⴷ ⵏ ⵜⵎⵓⴽⵔⵉⵙⵉⵏ ⵏ ⵓⵡⴰⵏⴹ ⵉⵖⴰⵡⵍⵏ ⵎⵇⵇⴰⵕ ⵍⵍⴰⵏ ⵉⵡⵜⵜⵓⵏ ⵉⵙⵔⵜⴰⵏⵉⵏ ⴷ ⵉⵊⵓⵖⵕⴰⴼⵉⵏ ⴷⴰⵜ ⵏ ⵜⵍⴽⴰⵎⵉⵏ ⵓⵔ ⵉⴼⵓⵍⴽⵉⵏ ⵓⵔ ⵉⵎⴽⵉⵏ ⴰⴷ ⵉⵜⵜⵓⵙⴽⴰⵔ ⵖⴰⵙ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⴷⴷⵓⵙ ⴳⵔ ⵉⵡⴰⵏⴽⵏ, ⵓⵍⴰ ⵓⵔ ⵉⵥⴹⴰⵕ ⴽⵔⴰ ⵢⴳⴰⵜⵜ ⵓⵡⴰⵏⴽ ⵖⴰⵙ ⵏⵏⵜⴰⵜ, ⵎⵇⵇⴰⵕ ⵉⵖ ⵉⵟⵟⴰⴼ ⵜⵥⴹⴰⵕⵉⵏ, ⴰⴷ ⵉⵙⴱⵉⴷⴷ ⵜⴰⵎⵓⴽⵔⵉⵙⵜ ⴰⴷ, ⵎⴰ ⵢⴰⴷ ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴼ ⵖⵉⴽⴰⵏⵏ, ⵉⴳⴰ ⵡⴳⵔⴰⵡ ⴰⴷ ⴰⵣⵎⵣ ⵉ ⵢⵡⴰⵏⴽⵏ ⵏⵏⵅ ⵎⵔⴰ ⴰⴷ ⵙⵓⵜⴳⵏ ⵜⵓⴳⴳⴰⵣⵏ ⵉⵜⵜⵓⴼⴽⴰⵏ ⴳ ⵉⴳⵔ ⴰⴷ, ⴷ ⵓⵣⴷⴷⵓⵢ ⵏ ⵓⵎⵢⴰⵡⴰⵙ ⴷ ⵜⴷⵔⴰⵡⵜ ⴳⵔ ⵉⵎⵙⴽⴰⵔⵏ, ⴰⴼ ⴰⴷ ⵥⴹⵉⵕⵏ ⴰⴷ ⵙⴽⵔⵏ ⵉⵡⵜⵜⴰⵙⵏ ⵉⵔⵣⵣⵓⵏ, ⴷ ⵜⵉⵍⴽⴰⵎⵉⵏ ⵜⵉⴼⵓⵍⴽⵉⵏ ⵍⵍⵉ ⵔⴰⴷ ⵉⴼⴰⵍⴽⵉ ⵉⵡⴰⵏⴽⵏ ⴷ ⵉⴳⴷⴷⵓⴷⵏ ⴽⵓⵍⵍⵓⵜⵏ, ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.

ⵖⵓⵔⵅ ⵜⴰⴼⵍⴰⵙⵜ ⵏ ⵡⴰⴷⴷⵓⵔ ⵏ ⵜⵡⵓⵔⵉ ⵏ ⵓⵡⵏⴰⴹ ⵉⵙⵎⴰⵏⵏ ⴳ ⵓⵙⴷⵓⵙ ⵏ ⵉⵍⵓⴳⵏ ⵏ ⵓⵎⵢⴰⵡⴰⵙ ⵉⵙⵍⴰⵎⵉ ⵉⵛⵛⴰⵔⵏ ⴳ ⵓⵎⵎⴰⵙ ⵏ ⵓⵙⴷⴷⵓⵙ ⵏ ⵉⴱⵔⵉⴷⵏ ⵏ ⵓⵣⴷⴷⵓⵢ ⴷ ⵉⵙⵏⴼⵍⵏ ⵏ ⵉⵔⵎⵉⵏ ⴷ ⵜⵎⵓⵣⴰⵢⵉⵏ ⴳⵔ ⵉⵡⴰⵏⴽⵏ ⵉⵎⵓⵙⵍⵎⵏ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴷ ⵖⵓⵔⵅ ⵜⴰⵡⵍⵉⴼⵜ ⵎⴰⵙ ⵉⵎⴹⴰⴽⴰⵕⵏ ⵉⵎⴰⵙⵙⵏ ⵏ ⵜⵓⵚⴽⴰ ⴷ ⵜⵙⵓⵎⵔⵉⵏ ⴷ ⵉⵙⵖⵍⴼⵏ ⵍⵍⵉ ⵔⴰⴷ ⵉⵙⵙⵓⴼⵖⵏ ⵙⴳ ⵓⴳⵔⴰⵡ ⴰⴷ ⵉⴷⴷⵓⵔⵏ, ⵔⴰⴷ ⴷⴰⵔ ⵜⵏ ⵉⵍⵉⵏ ⵉⵍⴽⴰⵎⵉⵏ ⵉⴼⵓⵍⴽⵉⵏ ⴳ ⵜⵏⴽⵔⴰ ⵙ ⵜⵖⴰⵡⵙⵉⵡⵉⵏ ⵏ ⵓⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵓⵎⴰⴹⴰⵍ ⵏⵏⵅ ⵉⵙⵍⴰⵎⵉ, ⵉⵇⵇⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⵔⴰⵜ ⴰⴷ.

Dernière modification : 02 ⴽⵟⵓⴱⵕ 2019
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A2%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%89%E2%B5%99%E2%B5%8D%E2%B4%B0%E2%B5%8E%E2%B5%89-%E2%B5%A1%E2%B5%89%E2%B5%99%E2%B5%99-%E2%B5%9C%E2%B4%B0%E2%B5%8E-%E2%B5%8F