Published on MAPNews (https://www.mapnews.ma/am)

Accueil > ⵙ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵜⵙⵎⵏⵉⴷ ⵜⴼⵏⵉⵇⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ ⵙ 2 ⵓⵎⵍⵢⴰⵕ ⵏ ⴷⴷⵔⵀⵎ ⴰⵎⵎ ⵓⵏⵙⵎⴰⴷ ⵏ ⵓⵖⴰⵡⴰⵙ ⵉⵙⵉⴷⴼⵏ ⵓⵏⴰⵍⵍ ⴷ ⵓⵥⵕⴼ ⵏ ⵜⵎⵙⵙⵏⵜⵉⵏ
  1. Accueil
  2. Activités royales

ⵙ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵜⵙⵎⵏⵉⴷ ⵜⴼⵏⵉⵇⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ ⵙ 2 ⵓⵎⵍⵢⴰⵕ ⵏ ⴷⴷⵔⵀⵎ ⴰⵎⵎ ⵓⵏⵙⵎⴰⴷ ⵏ ⵓⵖⴰⵡⴰⵙ ⵉⵙⵉⴷⴼⵏ ⵓⵏⴰⵍⵍ ⴷ ⵓⵥⵕⴼ ⵏ ⵜⵎⵙⵙⵏⵜⵉⵏ

31 ⵉⵏⵏⴰⵢⵔ 2020 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵣⵇⵇⴰ ⵏ ⵓⴷⴰⴱⵓ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵖ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵅⴼ ⵙⵉⵏ ⵜⵎⵢⴰⵇⵇⴰⵏⵉⵏ ⵉⵥⵍⵉⵏ ⵙ ⵜⴷⵔⴰⵡⵜ ⵏ ⵜⴼⵏⵉⵇⵜ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ ⴳ "ⵓⵖⴰⵡⴰⵙ ⵉⵙⵉⴷⴼⵏ ⵏ ⵓⵏⵏⴰⵍ ⴷ ⵓⵥⵕⴼ ⵏ ⵜⵎⵙⵙⵏⵜⵉⵏ", ⵎⴰ ⵢⴰⴷ ⵉⵙⵎⴰⵏⵏ ⵢⴰⵜ ⵜⴱⵔⴰⵜ ⵏ ⵉⵇⵇⴰⵕⵉⴹⵏ ⵉⵍⴽⵎⵏ 2 ⵓⵎⵍⵢⴰⵕ ⵏ ⴷⴷⵔⵀⵎ, ⵓⵕ ⵉⵟⵟⴰⴼⵏ ⴽⵔⴰ ⵢⴳⴰⵜⵜ ⵜⵎⵉⴹⵉ ⵏ ⵓⵙⴱⵖⵔ.

ⴳ ⵍⴱⴷⵓ ⵏ ⵜⴼⵓⴳⵍⴰ ⵢⴰⴷ, ⵜⵙⵎⵏⵉⴷ ⵜⵏⵙⵙⵉⵅⴼⵜ ⵏ ⵓⵏⴳⵔⴰⵡ ⵏ ⵜⵎⵙⵙⵓⴳⵓⵔⵜ ⵜⴰⴳⵔⴰⵡⵏⵜ ⵏ ⵜⴼⵏⵉⵇⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ, ⵎⴰⵙⵙⴰ ⴷⵓⵏⵢⴰ ⴱⵏ ⵄⴱⴱⴰⵙ ⵟⵟⵄⴰⵕⵊⵉ, ⴳ ⵢⴰⵜ ⵜⵙⴳⵓⵔⵉ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵙⵡⵓⴷⴷⵓⵏ ⵍⵍⵉ ⵢⵜⵜⵢⴰⵎⴰⵥⵏ ⵙⴳ ⵜⴼⵏⵉⵇⵜ ⵍⵃⴰⵙⴰⵏ ⵡⵉⵙⵙ ⵙⵉⵏ, ⵙ ⵓⵣⵣⵉⴳⵔ ⵏ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⴱⵖⵔⵏ ⵉ ⵜⵎⵙⵙⵏⵜⵉⵏ ⴳ ⵓⵎⴰⴹⴰⵍ ⴰⴼⵔⴰⵏ.

ⴷⴼⴼⵉⵔ ⴰⴷ, ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴼⵓⴳⵍⴰ ⵏ ⵓⵙⴳⵎⴹ ⵅⴼ ⵜⵎⵢⴰⵇⵇⴰⵏⵉⵏ, ⵜⵥⵍⵉ ⵜⵎⵣⵡⴰⵔⵓⵜ ⵅⴼ ⵜⴷⵔⴰⵡⵜ ⵏ ⵜⴼⵏⵉⵇⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳ ⵓⵥⵕⴼ ⵏ ⵜⵎⵙⵙⵏⵜⵉⵏ ⴳ ⵓⵎⴰⴹⴰⵍ ⴰⴼⵔⴰⵏ, ⵍⵍⵉ ⴼⵍⵍⴰⵜ ⵙⴳⵎⴹⵏ ⵓⵎⴰⵡⵙⴰⵙ ⵏ ⵜⴷⵍⵙⴰ ⴷ ⵓⵥⵕⴼ ⴷ ⵍⵉⵚⵍⴰⵃ ⵏ ⵜⵎⵙⵙⵓⴳⵓⵔⵜ, ⵎⴰⵙⵙ ⵎⵓⵃⵎⵎⴷ ⴱⵏ ⵛⵄⴱⵓⵏ, ⴷ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ, ⵎⴰⵙⵙ ⵄⴱⴷ ⵍⵍⵟⵉⴼ ⵊⵊⵡⴰⵀⵔⵉ, ⴷ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵜⵎⵙⵙⵓⴳⵓⵔⵜ ⵜⴳⵔⴰⵡⵜ ⵏ ⵜⴼⵏⵉⵇⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ, ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵣⵣⵓⵍⴰⵏⵜ ⵏ ⵉⴱⴰⵏⴽⵉⵏ ⵏ ⵍⵎⵖⵔⵉⴱ, ⵎⴰⵙⵙ ⵄⵜⵎⴰⵏ ⴱⵏ ⵊⵍⵍⵓⵏ.

ⵜⴰⵎⵢⵢⴰⵇⴰⵏⵜ ⵜⵉⵙⵙ ⵙⵏⴰⵜ ⵜⵥⵍⵉ ⵅⴼ ⵓⵣⵣⵉⴳⵔ ⵏ ⵓⵥⵕⴼ ⵏ ⵜⵎⵙⵙⵏⵉⵜ ⴳ ⵓⵎⴰⴹⴰⵍ ⴰⴼⵔⴰⵏ "ⵍⵎⵓⵙⵜⴰⵜⵎⵉⵔ ⵍⵇⴰⵕⴰⵡⵉ", ⵍⵍⵉ ⴼⵍⵍⴰⵜ ⵙⴳⵎⴹⵏ ⵎⴰⵙⵙ ⵎⵓⵃⵎⵎⴷ ⴱⵏ ⵛⵄⴱⵓⵏ, ⴷ ⵎⴰⵙⵙⴰ ⴷⵓⵏⵢⴰ ⴱⵏ ⵄⴱⴱⴰⵙ ⵟⵟⵄⴰⵕⵊⵉ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵓⵕⵟⵟⴰⵍ ⴰⵏⴼⵍⴰⵃ ⵏ ⵍⵎⵖⵔⵉⴱ, ⵎⴰⵙⵙ ⵟⴰⵕⵉⵇ ⵙⵙⵉⵊⵉⵍⵎⴰⵙⵉ, ⴷ ⵓⵏⵙⵙⵉⵅⴼ ⵏ ⵜⵎⵙⵙⵓⴳⵓⵔⵜ ⵏ ⵍⴱⴰⵔⵉⴷ ⴱⴰⵏⴽ, ⵎⴰⵙⵙ ⵏⴰⵊⵎ ⴷⴷⵉⵏ ⵕⴹⵡⴰⵏ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴼⵏⵉⵇⵜ ⵏ ⵜⴼⵓⵔⵜ ⵜⴰⴷⵍⵙⴰⵏⵜ, ⵎⴰⵙⵙ ⵀⵉⵛⴰⵎ ⵣⵣⵏⴰⵜⵉ ⵙⵙⵔⵖⵉⵏⵉ.

ⵃⴰⴹⵕⵏ ⴳ ⵜⴼⵓⴳⵍⴰ ⵢⴰⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵉⵎⵛⵛⵉⵡⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ. 

Dernière modification : 31 ⵉⵏⵏⴰⵢⵔ 2020
Source URL: https://www.mapnews.ma/am/activites-royales/%E2%B5%99-%E2%B5%89%E2%B5%A1%E2%B5%89%E2%B5%A3-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%9C%E2%B4%BC%E2%B5%8F%E2%B5%89%E2%B5%87%E2%B5%9C-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%89%E2%B5%8F-%E2%B5%8F-%E2%B5%9C%E2%B4%B3%E2%B5%8E%E2%B5%89-%E2%B5%9C%E2%B4%B0%E2%B4%B7%E2%B5%8E%E2%B5%99%E2%B4%B0%E2%B5%8F%E2%B5%9C-%E2%B4%B7