ⵉⵙⴽⵔⴽⵉⵙⵏ ⵏ "ⵀⵉⵙⴱⵔⵉⵙ" : ⴰⵔ ⵜⵢⴰⴽⴽⴰ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵎⵏⵏⴰⵡ ⵏ ⵜⵏⴰⴼⵓⵜⵉⵏ ⵏⵏⵙ ⴼⴰⴱⵓⵕ ⵉ ⵡⴳⴷⵓⴷ ⵙⴳ ⵍⴱⴷⵓ ⵏ ⵜⵙⴰⵙⵙⵜ ⵏ ⵜⴷⵓⵙⵉ

10 ⵉⴱⵔⵉⵔ 2020 Version Imprimable

ⵕⵕⴱⴰⵟ - ⵉⵙⴽⵔⴽⵙ ⵓⵙⵉⵜ ⵉⵍⵉⴽⵟⵕⵓⵏⵉ "ⵀⵉⵙⴱⵔⵉⵙ.ⴽⵓⵎ" ⵍⵍⵉ ⵢⵏⵏⴰⵏ ⵎⴰⵙ ⵜⵔⵏⴰ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ) ⴰⵔ ⵜⴹⴰⵍⴰⴱ ⵉ ⵢⵎⴰⵙⵙⵏ ⵏ ⵜⵏⵖⵎⴰⵙⵜ ⵉⵎⵖⵔⴰⴱⵉⵏ ⴰⴷ ⴼⴽⵉⵏ ⵉⴷⵔⵉⵎⵏ ⵏ ⵜⵎⴷⵔⴰⵡⵜ ⵏⵏⵙⵏ ⵎⵔⴰ ⴰⴷ ⵙⴱⵖⵔⵏ ⵙ ⵜⵏⴰⴼⵓⵜⵉⵏ ⵏⵏⵙ.

ⵜⵏⵏⵙ ⵜⵙⵏⵓⵔⴰⵢⵜ ⵉ ⵜⵏⴰⵢⵜ ⵜⴰⵎⴰⵜⴰⵢⵜ ⵎⴰⵙ ⵙⴳ ⵍⴱⴷⵓ ⵏ ⵜⵙⴰⵙⵙⵜ ⵏ ⵜⴷⵓⵙⵉ ⵉⵣⴷⵉⵏ ⵙ ⵓⴼⵉⵔⵓⵙ "ⴽⵓⵕⵓⵏⴰ ⴽⵓⴼⵉⴷ-19", ⵜⵓⵎⵥ "ⵍⴰⵎⴰⴱ" ⵎⵏⵏⴰⵡ ⵏ ⵉⵎⴰⴽⵏ ⴰⴼ ⴰⴷ ⵜⵢⴰⴽⴽⴰ ⵜⵏⴰⴼⵓⵜ ⵏ ⵜⵏⵖⵎⴰⵙⵜ ⴼⴰⴱⵓⵕ ⵉⵟⵟⴰⴼⵏ ⵜⵖⵔⴰ ⵉⵙⴱⵖⵔⵏ ⵉ ⵡⴳⴷⵓⴷ.

ⵔⴰⵏ ⵉⵎⴰⴽⵏ ⴰⴷ ⴰⴷ ⵙⵎⵏⵉⴷⵏ ⵉⵏⵖⵎⵉⵙⵏ ⵉⵙⴷⴷⵉⴷⵏ ⵢⵓⵛⴽⴰⵏ ⵙⴳ ⵉⵙⴰⴳⵎⵏ ⵉⵜⵜⵢⵓⵎⴰⵏⵏ ⵅⴼ ⵓⵙⵙⴱⵉⴷ ⵏ ⵉⵏⵖⵎⵉⵙⵏ ⵓⵔ ⵉⵖⵥⴰⵏⵏ.

ⴳ ⵓⵣⵎⵎⵣⵓ ⴷⵖ, ⵜⵓⵎⵥ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵎⵏⵏⴰⵡ ⵏ ⵉⵎⴰⴽⵏ, ⵣⵓⵏⴷ ⴰⵙⵙⵓⴼⵖ ⵏ ⵓⵙⵉⵜ (mapanticorona.ma) ⵉⵥⵍⵉⵏ ⵙ ⵉⵏⵖⵎⵉⵙⵏ ⵏ "ⴽⵓⴼⵉⴷ-19" ⵍⵍⵉ ⴳⵉⵜ ⵉⵜⵜⵓⵙⵎⴰⵏⵏ ⴰⴽⴽⵯ ⵉⵏⵖⵎⵉⵙⵏ ⵉⵙⴰⵡⵍⵏ ⵅⴼ ⵜⵙⴰⵙⵙⵜ ⴳ ⵍⵎⵖⵔⵉⴱ ⵏⵖⴷ ⴳ ⴱⵕⵕⴰ ⵙ ⵜⵓⵜⵍⴰⵢⵉⵏ ⵜⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ, ⵎⴰ ⵢⴰⴷ ⵉⴳⴰⵏ ⵜⴼⵓⵍⵜ ⵜⵎⵇⵔⴰⵏⵜ ⵏ ⵓⵙⵢⴰⴼⵓ ⴰⵡⵡⴰⵙⴰⵏ ⵏ ⵜⵙⵏⵓⵔⴰⵢⵜ.

ⴰⵎⵎⴰⵙ ⵏ ⵜⵏⴰⴼⵓⵜⵉⵏ ⴰⴷ, ⵍⵍⴰⵏ ⵉⵙⵉⵜⵏ "mapexpress.ma", ⴷ "Maroc Le Jour (MLJ)" ⵉⵍⵍⴰⵏ ⴳ ⵓⵙⵉⵜ "www.mlj.ma", ⴷ ⵓⵙⴰⵔⵓ ⵏ "ⵍⴰⵎⴰⴱ" "M24", ⴷ "ⵔⵉⵎ ⵕⴰⴹⵢⵓ", ⴷ ⵜⵙⵖⵓⵏⵜ "ⴱⴰⴱ", ⴷ 12 ⵓⵙⵉⵜ ⴰⵏⵎⵏⴰⴹ ⵍⵍⵉ ⵥⴹⴰⵕⵏ ⵎⴷⴷⵏ ⴰⴷ ⵙⵔⵙ ⴽⵛⵎⵏ ⴼⴰⴱⵓⵕ, ⴷ ⵜⵙⵏⴰⵡⵉⵏ ⵜⵉⵎⴰⴷⴷⵓⴷⵉⵏ ⵏ "ⵍⴰⵎⴰⴱ" ⵏ ⵉⵥⵟⵟⴰⵏ ⵉⵏⴰⵎⵓⵏⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%99%E2%B4%BD%E2%B5%94%E2%B4%BD%E2%B5%89%E2%B5%99%E2%B5%8F-%E2%B5%8F-%E2%B5%80%E2%B5%89%E2%B5%99%E2%B4%B1%E2%B5%94%E2%B5%89%E2%B5%99-%E2%B4%B0%E2%B5%94-%E2%B5%9C%E2%B5%A2%E2%B4%B0%E2%B4%BD%E2%B4%BD%E2%B4%B0-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%9C%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%8F-%E2%B5%89%E2%B5%8F%E2%B5%96%E2%B5%8E%E2%B5%89%E2%B5%99%E2%B5%8F-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%9C%E2%B5%8F%E2%B4%B0%E2%B4%BC%E2%B5%93%E2%B5%9C%E2%B5%89%E2%B5%8F-%E2%B5%8F%E2%B5%8F%E2%B5%99