ⵉⴷⵔⴰ ⵡⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴳ ⵜⴼⵏⵉⵇⵜ ⵉⵥⵍⵉⵏ ⵙ ⵓⴱⴰⵢⵢⵓⵕ ⵏ ⵓⴼⵉⵔⵓⵙ "ⴽⵓⵕⵓⵏⴰ"

15 ⵉⴱⵔⵉⵔ 2020 Version Imprimable

ⵕⵕⴱⴰⵟ - ⵉⵙⴳⵓⵔⴰ ⵡⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⵉⴹ ⵍⵍⵉ ⵏ ⴰⵙⵙ ⵏ ⵓⵙⵉⵏⴰⵙ, ⵜⴷⵔⴰⵡⵜ ⵏⵏⵙ ⵙ ⵡⴰⵜⵉⴳ ⵏ 2 ⵓⵎⵍⵢⵓⵏ ⵏ ⴷⴷⵔⵀⵎ ⴳ ⵜⴼⵏⵉⵇⵜ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⴼⵉⵔⵓⵙ "ⴽⵓⵕⵓⵏⴰ" ⵉⵜⵜⵓⵙⴽⴰⵔⵏ ⵙ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵉⴼⵔⴰ ⵢⵏⵏⴰ ⵡⵙⵉⵏⴰⴳ, ⴳ ⵢⴰⵏ ⵓⵙⵉⵡⴹ, ⵎⴰⵙ ⵉⵖⵜⵙ ⴳ ⵓⵙⴰⵜⵉ ⵏ ⵓⵍⵜⵖ ⵏⵏⵙ ⴳ ⵓⵎⵓⵙⵙⵓ ⵍⵍⵉ ⵜⵙⵙⵏ ⵜⴳⵍⴷⵉⵜ ⴷⴰⵜ ⵏ ⵜⵍⴽⴰⵎⵉⵏ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ" ⴰⵎⴰⵢⵏⵓ (ⴽⵓⴼⵉⴷ-19) ⴷ ⵙ ⵓⵏⵏⴰⵍ ⵏ ⵜⴼⵏⵉⵇⵜ ⵉⴼⴼⵖⵏ ⵙ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⴰⴷ, ⴰⴷ ⵉⴷⵔⵓ ⵙ 2 ⵓⵎⵍⵢⵓⵏ ⵏ ⴷⴷⵔⵀⵎ ⴳ ⵜⴼⵏⵉⵇⵜ, ⵓⵍⴰ ⵉⵙ ⴷⵔⴰⵏ ⵉⵎⵙⵜⴳⴳⴰⵔⵏ ⴷ ⵉⵙⴰⵜⵉⵏ ⴷ ⵉⵎⵙⵖⴰⵏⵉⵏ ⵏ ⵓⵙⵉⵏⴰⴳ ⵙ ⵜⴼⵓⵍⵜ ⵏ ⵜⵡⵓⵔⵉ ⵏⵏⵙⵏ ⵏ ⵡⴰⵢⵢⵓⵔ ⵏ ⵉⴱⵔⵉⵔ 2020.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵜⵙⵏⵜⴰⵢⵜ ⴰⴷ ⵜⵙⴷⴷⵉⴷ ⵜⵉⵔⴰⵜ ⵏ ⵓⵙⵉⵏⴰⴳ ⴳ ⵓⵙⴷⵓⵙ ⵏ ⵜⵓⴳⴳⴰⵣ ⵜⵉⵏⴰⵎⵓⵔⵉⵏ ⵎⵔⴰ ⴰⴷ ⵉⵍⵉⵏ ⵉⵜⵉⴳⵏ ⵏ ⵜⴱⴷⴰⴷⵜ ⵍⵍⵉ ⵢⵍⵍⴰⵏ ⴷⴰⵔ ⵉⵎⵖⵔⴰⴱⵉⵏ ⴷⴰⵜ ⵏ ⵜⵙⴰⵙⵙⵉⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B4%B7%E2%B5%94%E2%B4%B0-%E2%B5%A1%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B3-%E2%B5%9C%E2%B4%BC%E2%B5%8F%E2%B5%89%E2%B5%87%E2%B5%9C-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%93%E2%B4%B1%E2%B4%B0%E2%B5%A2%E2%B5%A2%E2%B5%93%E2%B5%95-%E2%B5%8F-%E2%B5%93%E2%B4%BC%E2%B5%89%E2%B5%94%E2%B5%93%E2%B5%99-%E2%B4%BD%E2%B5%93%E2%B5%95%E2%B5%93%E2%B5%8F%E2%B4%B0