ⵉⵙⵔⵙ "ⵍⴱⴰⵏⴽ ⵏ ⵍⵎⵖⵔⵉⴱ" ⵢⴰⵏ ⵓⵙⵖⵉⵡⵙ ⵏ ⵓⵥⵕⴼ ⵏ ⵉⵕⵟⵟⴰⵍⵏ ⵉⵎⴰⵢⵏⵓⵏ ⵉⵜⵜⵢⴰⴽⴽⴰⵏ ⵉ ⵜⵎⵙⵙⵏⵜⵉⵏ ⵜⵉⵎⵥⵢⴰⵏⵉⵏ ⴱⴰⵀⵔⴰ ⴷ ⵜⵉⵎⵥⵢⴰⵏⵉⵏ ⴷ ⵜⵉⵎⵊⴰⵀⴷⵉⵏ

16 ⵉⴱⵔⵉⵔ 2020 Version Imprimable

ⵕⵕⴱⴰⵟ - ⵉⵙⴳⵓⵔⴰ "ⵍⴱⴰⵏⴽ ⵏ ⵍⵎⵖⵔⵉⴱ" ⵎⴰⵙ ⵉⵙⵔⵙ ⵢⴰⵏ ⵓⵙⵖⵉⵡⵙ ⵏ ⵓⵥⵕⴼ ⵏ ⵉⵕⵟⵟⴰⵍⵏ ⵉⵎⴰⵢⵏⵓⵏ ⵉⵜⵜⵢⴰⴽⴽⴰⵏ ⵉ ⵜⵎⵙⵙⵏⵜⵉⵏ ⵜⵉⵎⵥⵢⴰⵏⵉⵏ ⴱⴰⵀⵔⴰ ⴷ ⵜⵉⵎⵥⵢⴰⵏⵉⵏ ⴷ ⵜⵉⵎⵊⴰⵀⴷⵉⵏ ⵉⵃⴱⴰⵏ ⵙⵉⵏ ⵉⵙⴳⴳⵯⴰⵙⵏ, ⵍⵍⵉ ⵓⵔ ⵙⴱⵖⵓⵔⵜⵏⵜ ⵙⴳ ⵓⵥⵕⴼ ⵏ ⵍⴱⴰⵏⴽ ⴰⵎⴰⵙⵙⴰⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵓⵏⵏⴰⵍ ⴷ ⵓⵥⵕⴼ ⵏ ⵜⵎⵙⵙⵏⵜⵉⵏ.

ⵉⴼⵔⴰ ⵢⵏⵏⴰ ⵍⴱⴰⵏⴽ ⴰⵎⴰⵙⵙⴰⵏ, ⴳ ⵢⴰⵏ ⵓⵏⵖⵎⵉⵙ ⵅⴼ ⵓⵖⴰⵡⴰⵙ ⵏ ⵓⵏⵏⴰⵍ ⴷ ⵓⵥⵕⴼ ⵏ ⵜⵎⵙⵙⵏⵜⵉⵏ ⵜⵉⵎⵥⵢⴰⵏⵉⵏ ⴱⴰⵀⵔⴰ ⴷ ⵜⵉⵎⵥⵢⴰⵏⵉⵏ ⴷ ⵜⵉⵎⵊⴰⵀⴷⵉⵏ, ⵍⵍⵉ ⵢⴽⵛⵎⵏ ⴳ ⵓⵎⵎⴰⵙ ⵏ ⵓⵣⵣⵉⴳⵔ ⵉⴹ ⵍⵍⵉ ⴰⵙⵙ ⵏ ⵓⴽⵕⴰⵙ, ⵎⴰⵙ "ⵍⴰⴱⵏⴰⴽ ⵉⴷⵔⴰⵏ ⴳ ⵓⵖⴰⵡⴰⵙ ⴰⴷ ⵥⴹⴰⵕⵏ ⴰⴷ ⵙⴱⵖⵔⵏ ⴽⵔⴰ ⵢⴳⴰⵜⵜ ⴰⵢⵢⵓⵔ ⵙⴳ ⵓⵍⵍⴰⵙ ⵏ ⵓⵥⵕⴵ ⵏ ⵍⴱⴰⵏⴽ ⵏ ⵍⵎⵖⵔⵉⴱ ⵙ ⵢⴰⵏ ⵡⴰⵜⵉⴳ ⵓⴳ ⵉⵣⵔⵉⵏ ⵓⴽⵙⴰⵢ ⵉⵜⵜⵢⴰⴽⴽⴰⵏ ⴳ ⵡⴰⵢⵢⵓⵔ ⵉⵣⵔⵉⵏ".

ⵉⵙⵓⵍ ⵉⵏⵏⴰ ⵍⴱⴰⵏⴽ ⵎⴰⵙ ⵓⵙⵖⵍ ⵏ ⵓⵍⵍⴰⵙ ⵏ ⵓⵥⵕⴼ ⵍⵍⵉ ⵢⵜⵜⵢⴰⴽⴽⴰⵏ ⴳ ⵓⵣⵎⵣ ⵏ ⵓⵙⴳⴳⵯⴰⵙ ⴰⵎⵎ ⵉⵕⵟⵟⴰⵍⵏ ⵜⵉⵏⴼⵔⵓⵜⵉⵏ, ⵉⵙⵙⴳⵍ ⵓⵎⵊⴰⵀⴷⵉ ⵏ ⵡⴰⵜⵉⴳ ⵏ ⵓⵙⴱⵖⵓⵔ ⴳ ⵓⵣⵎⵣ ⵏ ⵓⵍⵍⴰⵙ ⵏ ⵓⵥⵕⴼ ⵉⵥⵍⵉⵏ ⵙ ⵉⵎⴰⵙⵙⵏ ⵏ ⵜⵙⵔⵜⵉⵜ "LC/BKAM/2020/8", ⵉⵙⵓⵍ ⵉⵏⵏⴰ ⵎⴰⵙ ⵎⵓⵙⵙⵓⵏ ⵍⴰⴱⵏⴰⴽ ⵏ ⵓⵙⴱⵖⵓⵔ ⵏ ⵍⴱⴰⵏⴽ ⵏ ⵍⵎⵖⵔⵉⴱ, ⵎⵔⴰ ⴰⴷ ⵜⵉⵍⵉ ⵜⵏⴼⵔⵓⵜ ⵏ ⵓⵍⵍⴰⵙ ⵏ ⵓⵥⵕⴼ ⵉⵜⵜⵢⴰⴽⴽⴰⵏ ⴳ ⵉⵙⵓⴳⵎⵏ ⵉⵥⵍⵉⵏ ⵙ ⵓⵏⵖⵎⵉⵙ ⵏ ⵓⵎⴹⴰⵏ ⵏ ⵉⵇⵇⴰⵕⵉⴹⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%89%E2%B5%99%E2%B5%94%E2%B5%99-%E2%B5%8D%E2%B4%B1%E2%B4%B0%E2%B5%8F%E2%B4%BD-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%96%E2%B5%89%E2%B5%A1%E2%B5%99-%E2%B5%8F-%E2%B5%93%E2%B5%A5%E2%B5%95%E2%B4%BC-%E2%B5%8F-%E2%B5%89%E2%B5%95%E2%B5%9F%E2%B5%9F%E2%B4%B0%E2%B5%8D%E2%B5%8F-%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%8F-%E2%B5%89%E2%B5%9C%E2%B5%9C%E2%B5%A2%E2%B4%B0%E2%B4%BD%E2%B4%BD%E2%B4%B0%E2%B5%8F-%E2%B5%89-%E2%B5%9C%E2%B5%8E%E2%B5%99%E2%B5%99%E2%B5%8F%E2%B5%9C%E2%B5%89%E2%B5%8F