"ⴽⵓⴼⵉⴷ-19" : "ⴰⵜⵉⴳ ⵏ ⵜⵎⵓⵏⵜ", ⵉⵣⵍⵉ ⴰⵎⴰⵣⵉⵖ ⵉⵔⴰⵏ ⴰⴷ ⵉⵙⴼⵙⵙⵓⵙ ⵉⵇⵇⵉⵎ ⴰⴷⵓⵙⴰⵏ

16 ⵉⴱⵔⵉⵔ 2020 Version Imprimable

ⵕⵕⴱⴰⵟ - ⵙⴳⵓⵔⴰⵏⵜ ⵜⵔⴰⴱⴱⵓⵜⵉⵏ ⵏ ⵓⵣⴰⵡⴰⵏ ⵜⵉⵎⵖⵔⴰⴱⵉⵢⵏ ⵏ ⵓⵣⵍⵉ ⴰⵎⴰⵣⵉⵖ "ⵜⵡⴰⵔⵖⵉⵜ" ⴷ "ⴰⵎⵏⴰⵢ", ⴰⵙⵙ ⵏ ⵓⴽⵡⴰⵙ, ⵎⴰⵙ ⵕⵥⵎⵏⵜ ⵢⴰⵜ ⵜⵣⵍⵉ ⵉⵛⵛⴰⵔⵏ ⵜⴰⵎⴰⵢⵏⵓⵜ ⵉⵟⵟⴰⴼⵏ ⵓⵣⵡⴰⵏ "ⴰⵜⵉⴳ ⵏ ⵜⵎⵓⵏⵜ", ⵎⵔⴰ ⴰⴷ ⵙⵙⵓⵏⴼⵓⵙⵏ ⵉⵎⴰⵏ ⴳ ⵓⵣⵎⵣ ⵏ ⵓⵇⵇⵉⵎ ⴰⴷⵓⵙⴰⵏ.

ⴼⵔⴰⵏⵜ ⵏⵏⴰⵏⵜ ⵜⵔⴰⴱⵓⵜⵉⵏ, ⴳ ⵢⴰⵏ ⵓⵙⵉⵡⴹ, ⵎⴰⵙ ⵉⵣⴰⵡⴰⵏ ⵏⵏⵙⵏⵜ ⵔⴰⵏⵜ, ⴳ ⵉⵣⵍⵉ ⴰⵎⴰⵢⵏⵓ ⵢⴰⴷ, ⴰⴷ ⵙⴼⵙⵙⵓⵙⵏⵜ ⵜⵎⵓⴽⵔⵉⵙⵉⵏ ⵍⵍⵉ ⵙ ⵙⵃⵓⵙⵙⵓⵏ ⵎⴷⴷⵏ, ⵙⵍⴰⵡⴰⵏ ⴰⴽⴽⵯ ⵡⵉⵏⵏ ⵉⵜⵎⵎⴰⵖⵏ ⴷ ⵜⵎⴰⴹⵓⵏⵜ ⴰⴷ ⵣⵓⵏⴷ ⵉⴹⴱⵉⴱⵏ ⴷ ⵉⵙⵜⴰⵢⵏ ⵏ ⵜⴷⵓⵙⵉ ⴷ ⵉⵎⵍⵢⵓⵏⵏ ⵏ ⵉⵎⵙⵡⵡⵓⵔⵉⵏ ⵢⴰⴹⵏⵉⵏ ⵉⵍⵍⴰⵏ ⴷⴰⵜ ⵏ ⵉⵎⵉⵣⵉ ⴰⴱⴰⵢⵢⵓⵕ ⴰⵡⴰⵙⵙⴰⵏ ⴰⴷ.

ⵖⵜⵙⵏⵜ ⵙⵏⴰⵜ ⵜⵔⴰⴱⴱⵓⵜⵉⵏ ⴰⴷ ⴼⴽⵉⵏ ⵉⵣⵍⵉ ⵏ "ⴰⵜⵉⴳ ⵏ ⵜⵎⵓⵏⵜ", ⵍⵍⵉ ⵢⵜⵜⵓⵙⵏⴰⵏ ⵙⴳ ⵙⵎⵎⵓⵙⵜ ⵏ ⵉⵙⴳⴳⵯⴰⵙⵏ ⴰⵢ ⴰⴷ, ⴳ ⵓⵣⵎⵣⵓ ⵢⴰⴷ ⵉⵛⵇⵇⴰⵏ ⵍⵍⵉⵖ ⴳⵉⵜ ⵉⵃⵜⴰⵊⵊⴰ ⵓⵎⴰⴷⴰⵏ ⴰⵎⵖⵔⴰⴱⵉ ⴷ ⵓⵎⴰⴹⴰⵍ ⴰⴽⴽⵯ ⴰⵏⵏⴰⵍ ⵏ ⵉⵎⴰⵏ ⵎⵔⴰ ⴰⴷ ⵉⵙⵙⵣⵔⵉ ⵜⴰⵙⵙⴰⵙⵜ ⵜⴰⴷⵓⵙⵉⵜ ⴰⴷ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B4%B0%E2%B5%9C%E2%B5%89%E2%B4%B3-%E2%B5%8F-%E2%B5%9C%E2%B5%8E%E2%B5%93%E2%B5%8F%E2%B5%9C-%E2%B5%89%E2%B5%A3%E2%B5%8D%E2%B5%89-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B5%89%E2%B5%94%E2%B4%B0%E2%B5%8F-%E2%B4%B0%E2%B4%B7-%E2%B5%89%E2%B5%99%E2%B4%BC%E2%B5%99%E2%B5%99%E2%B5%93%E2%B5%99-%E2%B5%89%E2%B5%87%E2%B5%87%E2%B5%89%E2%B5%8E-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F