ⵎⴰⵙⵙ ⴰⵎⵣⴰⵣⵉ : ⴰⴽⵛⵛⵓⵎ ⴰⵏⵎⵍⴰⵏ ⴰⴷ ⵢⵓⵛⴽⴰⵏ ⵔⴰⴷ ⵉⴱⴷⵓ ⴳ 02 ⵛⵓⵜⴰⵏⴱⵉⵔ 2020

19 ⵎⴰⵢⵢⵓ 2020 Version Imprimable

ⵕⵕⴱⴰⵟ - ⵉⵏⵏⴰ ⵡⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⵙⴰⵄⵉⴷ ⴰⵎⵣⴰⵣⵉ, ⵉⴹ ⵍⵍⵉ ⵏ ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⵎⴰⵙ ⴰⴽⵛⵛⵓⵎ ⴰⵏⵎⵍⴰⵏ ⴰⴷ ⵢⵓⵛⴽⴰⵏ ⵔⴰⴷ ⵉⴱⴷⵓ ⴳ ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ ⴰⵙⵙ ⵏ 02 ⵛⵓⵜⴰⵏⴱⵉⵔ 2020.

ⵉⴼⵔⴰ ⵢⵏⵏⴰ ⵎⴰⵙⵙ ⴰⵎⵣⴰⵣⵉ, ⴳ ⵢⴰⵜ ⵜⵉⵔⵎⵉⵜ ⵏ ⵉⵙⵇⵙⵉⵏ ⵉⵎⵉⵡⴰⵏⵏ ⵉⵎⴰⵍⴰⵙⵙⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⴰⴼ ⴰⴷ ⵉⵙⵙⵓⵊⴰⴷ ⵓⴽⵛⵛⵓⵎ ⴰⵏⵎⵍⴰⵏ ⴳ ⵓⵣⵎⵣⵣⵓ ⵏ ⵓⵙⴳⴳⵯⴰⵙ ⴰⵏⵎⵍⴰⵏ ⴰⴷ ⵢⵓⵛⴽⴰⵏ, ⵔⴰⴷ ⴱⴷⵓⵏ ⵓⵙⵓⵊⵊⴰⴷⵏ ⴳ ⵓⵙⴳⴳⵯⴰⵙ ⴰⴷ ⵙⴳ ⵓⵣⴳⵓⵏ ⵏ ⵡⴰⵢⵢⵓⵔ ⵏ ⵢⵓⵏⵢⵓ 2020.

ⴰⵎⵎⴰ ⵢⴳⵔⵏ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵔⴰⴷ ⵉⴱⴷⵓ ⵓⵙⴳⴳⵯⴰⵙ ⴰⵏⵎⵍⴰⵏ ⴰⴷ ⵢⵓⵛⴽⴰⵏ ⴳ ⵡⴰⵢⵢⵓⵔ ⵏ ⵓⴽⵟⵓⴱⵕ, ⴷ ⵉⵔⵉⵎⵏ ⵔⴰⴷ ⴱⴷⵓⵏ ⴳ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%8E%E2%B5%A3%E2%B4%B0%E2%B5%A3%E2%B5%89-%E2%B4%B0%E2%B4%BD%E2%B5%9B%E2%B5%9B%E2%B5%93%E2%B5%8E-%E2%B4%B0%E2%B5%8F%E2%B5%8E%E2%B5%8D%E2%B4%B0%E2%B5%8F-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-%E2%B5%94%E2%B4%B0%E2%B4%B7-%E2%B5%89%E2%B4%B1%E2%B4%B7%E2%B5%93-%E2%B4%B3-02-%E2%B5%9B%E2%B5%93%E2%B5%9C%E2%B4%B0%E2%B5%8F%E2%B4%B1%E2%B5%89%E2%B5%94-2020