ⵜⵙⵏⴱⴹⴰⵢⵜ ⵜⴰⵎⵓⵟⵟⵓⵏⵜ ⵜⴳⴰ ⵢⴰⵏ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵉⵅⵚⵚⴰⵏ ⴳ ⵉⵎⴰⵍ ⴰⴽⵎⵓⵔ (ⵎⴰⵙⵙ ⴼⴰⵔⵙ)

04 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⵏⵏⴰ ⵡⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵜⵙⵏⴱⴹⴰⵢⵜ ⵏ ⵏⵏⴰⵇⴹ ⴷ ⵓⵏⵙⵙⵉⵅⴼ ⴰⵎⴰⵔⵉ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ, ⵎⴰⵙⵙ ⵎⵚⵟⴰⴼⴰ ⴼⴰⵔⵙ, ⴳ ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⵎⴰⵙ ⵜⵙⵏⴱⴹⴰⵢⵜ ⵜⴰⵎⵓⵟⵟⵓⵏⵜ ⵜⴳⴰ ⵢⴰⵏ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵉⵅⵚⵚⴰⵏ ⴳ ⵉⵎⴰⵍ ⵓⴽⵎⵓⵔ.

ⵉⴼⵔⴰ ⵢⵏⵏⴰ ⵎⴰⵙⵙ ⴼⴰⵔⵙ ⴳ ⵢⴰⵜ ⵜⵙⴳⵓⵔⵉ ⵙ ⵓⵣⵎⵎⵣⵓ ⵏ ⵜⵙⵎⵓⵏⵉ ⵜⴰⵎⵣⵡⴰⵔⵓⵜ ⵏ ⵓⵙⵔⵉⴷ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ, ⵙⴳ ⵜⵙⴳⵓⵔⵉ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ, ⵎⴰⵙ ⵜⵏⴰⴼⵓⵜⵉⵏ ⵍⵍⵉ ⵜⵜⵓⵙⴽⴰⵔⵏⵜ ⴳ ⵓⵙⵏⵜⵉ ⵏ ⵜⵙⴱⴹⴰⵢⵉⵏ ⵙ ⵡⴰⴳⴳⵓⴳ ⴼⵓⵍⴽⵉⵏⵜ, ⵎⵇⵇⴰⵕ ⵜⵎⵓⴽⵔⵉⵙⵉⵏ ⵉⵍⵍⴰⵏ ⴳ ⵉⵖⴰⵔⴰⵙ ⵏⵏⵙⵏⵜ, ⴷ ⴰⵔ ⵉⵙⵙⵇⵔⴰⴱ ⵖⵉⴽ ⴰⵏⵏ ⵙⵔⵇⴱⵏ ⵏ ⴰⵃⵕⵛ ⴳ ⵓⵣⵣⵉⴳⵔ ⵏ ⵉⵎⴰⴽⵏ ⵏ ⵜⵙⵏⴱⴹⴰⵢⵜ ⵜⴰⵎⴰⵟⵓⵏⵜ ⴰⵎⵎ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵉⵅⵚⵚⴰⵏ ⴳ ⵉⵎⴰⵍ ⴰⴽⵎⵓⵔ.

ⵉⵙⵓⵍ ⵉⵏⵏⴰ, ⴳ ⵜⵙⵎⵓⵏⵉ ⵢⴰⴷ ⵍⵍⵉ ⵜⵙⵎⴰⵏ ⵜⵡⵓⵔⵉ ⵏⵏⵙ ⵜⵉⵏⵇⵇⴰⴹ ⵜⵉⵎⴰⵜⴰⵢⵉⵏ ⵉⴳⴳⵔⵏ ⵉ ⵜⵣⵔⴰⴼⵜ, ⵎⴰⵙ ⵜⵜⵓⵙⴽⴰⵔ ⵜⵎⴰⵖⵓⵏⵜ ⵉⴼⵓⵍⴽⵉⵏ ⴷ ⵉⵙⴱⵉⴷⴷⵏ ⵉⵎⴰⵟⵓⵏ ⵉⵜⵉⵇⵏⵉⵏ ⵉⴷⴷⵓⵔⵏ ⴳ ⵡⴰⵢⵢⵓⵔ ⴰⵎⵣⵡⴰⵔⵓ ⵏ ⵍⴱⴷⵓ ⵏ ⵓⵙⵏⵜⵉ ⵢⴰⴷ, ⵙⴳ ⴰⵙⵙ ⵏ 27 ⵉⴱⵔⵉⵔ ⴰⵔ ⴰⵙⵙ ⵏ 29 ⵎⴰⵢⵢⵓ 2020, ⵍⵍⵉⵖ ⵎⴰⵏⵏⵜ ⵎⵛⵜⴰ ⵏ ⵜⵙⵏⴱⴹⴰⵢⵉⵏ ⵏ ⵜⴳⵍⴷⵉⵜ ⴳ ⵡⴰⵢⵢⵓⵔ ⴰⴷ, ⵎⴰ ⵢⴰⴷ ⵉⴳⴰⵏ 1469 ⵜⵉⵔⵎⵜ ⵙ ⵡⴰⴳⴳⵓⴳ, ⵙⴷⴼⵏⵜ ⴳⵉⵜⵏ 22.268 ⵜⵎⵙⴰⵔⵜ, ⴷ ⵉⵜⵜⵓⵖⵜⴰⵙ ⵅⴼ 9035 ⴳⵉⵜⵙⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%99%E2%B5%8F%E2%B4%B1%E2%B4%B9%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B5%93%E2%B5%9F%E2%B5%9F%E2%B5%93%E2%B5%8F%E2%B5%9C-%E2%B5%9C%E2%B4%B3%E2%B4%B0-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%9C%E2%B4%B0%E2%B5%A2-%E2%B4%B0%E2%B5%99%E2%B5%9C%E2%B5%94%E2%B4%B0%E2%B5%9C%E2%B5%89%E2%B5%8A%E2%B5%89-%E2%B5%89%E2%B5%85%E2%B5%9A%E2%B5%9A%E2%B4%B0%E2%B5%8F-%E2%B4%B3-%E2%B5%89%E2%B5%8E%E2%B4%B0%E2%B5%8D-%E2%B4%B0%E2%B4%BD%E2%B5%8E%E2%B5%93%E2%B5%94-%E2%B5%8E%E2%B4%B0%E2%B5%99%E2%B5%99-%E2%B4%BC%E2%B4%B0%E2%B5%94%E2%B5%99