Published on MAPNews (https://www.mapnews.ma/am)

Accueil > ⵉⵙⴷⴷⵉⴷ ⴷⴰⵖ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵓⵎⵏⵣⴰⵢ ⵏ ⵜⵍⴻⵍⵍⵉ ⵏ ⵓⵙⵏⵓⵍⴼⵓ ⴷⴼⴼⵉⵔ ⵏ ⵜⵖⵜⵙⵜ ⵅⴼ 80 ⵏ ⵜⵏⵓⵔⵣⵉⵜⵉⵏ ⵍⵍⵉ ⵢⵙⵏⵓⴱⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ

ⵉⵙⴷⴷⵉⴷ ⴷⴰⵖ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵓⵎⵏⵣⴰⵢ ⵏ ⵜⵍⴻⵍⵍⵉ ⵏ ⵓⵙⵏⵓⵍⴼⵓ ⴷⴼⴼⵉⵔ ⵏ ⵜⵖⵜⵙⵜ ⵅⴼ 80 ⵏ ⵜⵏⵓⵔⵣⵉⵜⵉⵏ ⵍⵍⵉ ⵢⵙⵏⵓⴱⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ

05 ⵢⵓⵏⵢⵓ 2020 Version Imprimable
ⵕⵕⴱⴰⵟ - ⵉⵙⴷⴷⵉⴷ ⴷⴰⵖ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵓⵎⵏⵣⴰⵢ ⵏ ⵜⵍⴻⵍⵍⵉ ⵏ ⵓⵙⵏⵓⵍⴼⵓ, ⴷ ⵉⵖⵔⴰ ⴰⴷ ⵜⵙⴷⵓⵙⵏ ⵜⵓⴳⴳⴰⵣ ⵏ ⵓⵎⵢⴰⵖ ⴷ ⵉⵙⴰⴳⴳⵯⵎⵏ ⵏ ⴽⵔⴰ ⵢⴳⴰⵜⵜ ⵓⵙⵎⵏⵉⴷ ⵏ ⵓⴳⴷⵓⴷ, ⴷⴼⴼⵉⵔ ⵏ ⵜⵖⵜⵙⵜ ⵏ 80 ⵏ ⵜⵏⵓⵔⵣⵉⵜⵉⵏ ⵍⵍⵉ ⵢⵙⵏⵓⴱⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ, ⴳⵔ 03 ⴷ 21 ⵎⴰⵢⵓ 2020.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵙⵇⵇⵉⵎ, ⴰⵙⵙ ⵏ ⵓⵙⵉⵎⵡⴰⵙ, ⵎⴰⵙ "ⴰⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷⴰ ⵉⵜⵜⴰⵍⵙ ⵉ ⵓⵎⵏⵣⴰⵢ ⵏ ⵜⵍⴻⵍⵍⵉ ⵏ ⵓⵙⵏⵓⵍⴼⵓ ⴰⵔ ⵉⵇⵇⴰⵔ ⵉ ⵓⵙⴷⵓⵙ ⵏ ⵜⵎⵢⴰⵖⵜ ⴷ ⵉⵏⵓⵔⵓⵣⵏ ⵖⵔ ⴷⴰ ⵜⵜⵇⵇⵍⵏ ⵎⴷⴷⵏ ⵏ ⵓⴳⴷⵓⴷ ⵙ ⵡⴰⵏⴰⵡⵏ ⵏⵏⵙ ⴰⴽⴽⵯ".

ⵉⵔⵏⴰ ⵢⵏⵏⴰ ⵡⵙⵉⵡⴹ ⵎⴰⵙ ⵉⵡⴹⵏⵜ ⴰⵙ ⴷ ⵉ ⵓⵏⴱⴰⴹ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳⵔ 03 ⴷ 21 ⵎⴰⵢⵓ 2020, ⴽⴽⵓⵥⵜ ⵏ ⵜⵎⵔⴰⵡⵉⵏ ⵏ ⵜⵏⵓⵔⵣⵉⵜⵉⵏ ⵏⵏⴰ ⵢⴰⵙ ⴷ ⵓⵣⵏⵏ ⵜⵏⵎⵓⵔⵉⵏ ⴷ ⵉⵏⵎⵓⵔⵉⵏ ⵅⴼ ⵓⵢⵏⵏⴰ ⵉⵣⴷⵉⵏ ⴷ ⵢⵉⵜⵙ ⵏ ⵉⵙⴰⵢⵙⵏ ⴷ ⴽⵔⴰ ⵏ ⵉⵙⵏⵓⵍⴼⵓⵜⵏ ⴳ ⵡⴰⵢⵢⵓⵔ ⵏ ⵕⵎⴹⴰⵏ, ⵙ ⵉⵎⵥⵍⵉ ⵜⵉⵡⵓⵔⵉⵡⵉⵏ ⵜⵉⵎⴰⵔⵓⵔⵉⵏ (ⵉⵎⵙⴷⴷⵉⵜⵏ, ⵉⵙⵜⵉⴽⵓⵎⵏ, ⴷ ⵉⵎⵙⴷⴷⵉⵜⵏ ⵏ ⵜⴰⴹⵚⴰ), ⵏⵏⴰ ⵉⵙⵙⴽⵏ ⵓⵙⴰⵔⵓ ⴰⵎⵣⵡⴰⵔⵓ ⴷ ⵓⵙⴰⵔⵓ ⵡⵉⵙⵙ ⵙⵉⵏ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⵉⵣⵔⵉⵏ.

ⴷⴼⴼⵉⵔ ⵜⴰⵖⵓⵔⵉ ⵏⵏⵙ ⵉ ⵜⵏⵓⵔⵣⵉⵜⵉⵏ ⴰⴷ, ⴷ ⵓⵎⵛⴰⵡⴰⵕ ⵅⴼ ⵓⵢⵏⵏⴰ ⵙⵔⵙⵏⵜ ⵉⵣⴷⵉⵏ, ⵢⵙⵉ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⴰⵖⵜⵙⵜ ⴰⵙⵙ 04 ⵢⵓⵏⵢⵓ 2020 ⵏ ⵉⵙ ⵜⴳⴰ ⵜⵍⴻⵍⵍⵉ ⵏ ⵓⵙⵏⵓⵍⴼⵓ, ⵙ ⵉⵎⵥⵍⵉ ⵜⵉⵡⵓⵔⵉⵡⵉⵏ ⵜⵉⵎⴰⵔⵓⵔⵉⵏ, ⵢⴰⵏ ⵓⵎⵏⵣⴰⵢ ⵎⵇⵇⵓⵔⵏ ⴳ ⵜⵍⴻⵍⵍⵉ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙ ⵓⵢⵏⵏⴰ ⵉⵍⵍⴰⵏ ⴳ ⵓⵙⵍⴳⵏ ⵓⵟⵟⵓⵏ 77.03 ⵉⵣⴷⵉⵏ ⴷ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⵙⵍⴳⵏ 11.15 ⵉⵣⴷⵉⵏ ⴷ ⵡⴰⵍⵍⴰⵙ ⵏ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰⵎⴰⵜⵜⴰⵢ.

ⵙ ⵓⵢⴰ, ⵉⵙⵙⴽⵜⵉ ⴷ ⵓⵙⵇⵇⵉⵎ ⴰⵎⴰⵜⵜⴰⵢ ⵉⵙ ⵍⵍⴰⵏⵜ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⵏⵏⴰ ⵣⵣⵔⴰⵢⵏ ⵉⵏⵣⵡⴰⵢⵏ ⴷ ⵉⵙⵓⵔⴰ ⵉⵜⵍⴼⴰⵣⵏ, ⵜⵉⴳⴷⵓⴷⴰⵏⵉⵏ ⴷ ⵜⵎⵥⵍⵉⵢⵉⵏ ⴷⴷⴰⵡ ⵉⵎⵏⵣⴰⵢⵏ ⵉⵣⵔⴼⴰⵏⵏ ⵏⵏⴰ ⵅⴼ ⵢⵓⴳⴳⴰ ⵓⵙⵇⵇⵉⵎ ⴰⵎⴰⵜⵜⴰⵢ ⴰⵔ ⵉⴹⴼⴼⵓⵕ ⴰⵣⵔⴰⴽ ⵏⵏⵙⵏ, ⴰⵔ ⵉⵜⵜⴰⵙⵉ ⵜⵉⵖⵜⴰⵙⵉⵏ ⴷ ⵢⵓⵙⴰⵏ ⴳ ⵓⵢⵏⵏⴰ ⵉⴷⵙⵏⵜ ⵉⵣⴷⵉⵏ, ⴰⵎⵎ ⵓⵣⵓⵛⵛⵍ ⵏ ⵓⵣⵔⴰⴽ ⵏ ⵡⵓⴷⴷⵓⵔ ⴰⵏⴼⴳⴰⵏ, ⴰⵣⵔⴰⴽ ⵏ ⵓⵎⵏⵣⴰⵢ ⵏ ⵜⵉⵣⵣⵉⴷⴳⴰ ⴷ ⵡⴰⵔ ⴰⵙⵉⵎⵎⵕ ⵅⴼ ⵜⵙⵙⴰⵥⵓⵕⵜ ⵏⵖ ⴰⴽⵙⴰⵏ ⴷ ⵜⴽⵕⴹⵉ, ⴷ ⴳⴰⵔ ⴰⵙⵏⵓⵃⵢⵓ ⴳⵔ ⵜⵎⵖⴰⵔⵜ ⵏⵖ ⴰⵙⵙⵉⵣⴷⵔ ⵙ ⵡⵓⴷⴷⵓⵔ ⵏⵏⵙ, ⴷ ⵓⴼⵔⴰⴳ ⵏ ⵉⵎⵥⵢⴰⵏⵏ ⴷ ⵓⴳⴷⵓⴷ ⵉⴳⵎⵎⴰⵏ ⴷ ⵡⴰⵔ ⴰⴼⵙⴰⵔ ⵏⵏⵙ ⵉ ⵜⵓⵎⴰⵢⵉⵏ ⴳ ⵉⵍⵍⴰ ⵉⵎⵉⵣⵉ ⵏ ⵜⴼⴳⴳⴰ ⵏⵖ ⵜⵉⵏ ⵢⵉⵎⴰⵏ ⵏⵖ ⵜⵉⵏ ⵓⵙⵡⵉⵏⴳⵎ, ⴷ ⵡⴰⵔ ⴰⴼⵙⴰⵔ ⵏⵏⵙⵏ ⴷⴰⵜ ⵜⵖⴰⵔⵉⵡⵉⵏ ⵉⵙⵙⵉⵖⵉⵢⵏ ⴽⴰ ⵉ ⵜⴷⵓⵙⵉ ⴷ ⵜⵏⴼⵔⵓⵜ ⵏ ⵎⴷⴷⵏ.

ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵡⵙⵉⵡⴹ ⵎⴰⵙ ⴰⵔ ⵉⵜⵜⴰⵍⵙ ⵓⵙⵇⵇⵉⵎ ⵅⴼ ⵓⵙⴱⵓⵖⵍⵓ ⵏ ⵜⴷⵍⵙⴰ ⵏ ⵓⵙⵡⵓⵔⵉ ⵏ ⵉⵎⴰⵙⵙⵏ ⵏ ⵓⵙⵏⴰⵎ ⴰⴳⵓⵏⵙⴰⵏ ⴳ ⵓⴱⵔⵉⴷ ⵏ ⵉⵏⴰⵔⵓⵣⵏ ⵏ ⴷ ⵜⵏⴰⴼⵓⵜ ⵜⴰⵎⴰⵜⴰⵢⵜ ⵏ ⵉⵏⵎⵓⵔⵉⵏ ⵉⵙⵡⵓⵔⵉⵏ ⴰⵙⵏⵖⵎⵙ, ⵉⵎⴼⴽⴰⵏ ⵉⵙⵍⵉⵥⵕⵏ ⵙ ⵉⵎⵥⵍⵉ ⵡⵉⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ, ⵉⵇⵇⴰⵏ ⵏ ⴰⴷ ⴰⴼⵏ ⵉⵎⴰⵙⵙⵏ ⵉⴳⵓⵏⵙⴰⵏⵏ ⵉⵏⵎⵏ ⵉⵍⵍⴰⵏ ⴳ ⵉⵍⵓⴳⵏ ⵏ ⵡⴰⴳⴳⵯⴰⵜⵏ ⵉⴳⴰⵏ ⵡⵉⵏ ⵓⵙⴷⵓⵙ ⵏ ⵓⵙⵙⴼⵍⴷ ⵏ ⵜⵎⵖⴰⵢⵜ ⴷ ⵓⴳⴷⵓⴷ ⴷ ⵓⵙⵏⴱⴳ ⵏ ⵉⵏⵓⵔⵓⵣⵏ ⴷ ⵉⵙⵉⵜⵉⵎⵏ ⵏⵏⵙ ⴳ ⵓⵢⵏⵏⴰ ⵉⵣⴷⵉⵏ ⴷ ⵢⵉⴳⵔ ⴰⵙⵍⵉⵥⵕ.

ⴳⵔ ⵉⵎⴰⵙⵙⵏ ⴰⴷ ⵏⵏⴰ ⵉⵙⵔⵙ ⵓⵙⵇⵇⵉⵎ ⴰⵎⴰⵜⵜⴰⵢ : ⴰⵎⴰⵣⵣⴰⵍ ⵢⵓⵙⵉⵏ ⵜⴰⵎⴰⵙⴰⵢⵜ ⴰⴳⵓⵏⵙ ⵏ ⵜⵎⵙⵙⵓⵔⵉⵏ ⵜⵉⵏⴰⵎⵓⵔⵉⵏ ⵏ ⵓⵙⵍⵉⵥⵕ ⴰⴳⴷⵓⴷⴰⵏ ⴰⴷ ⵉⵜⵜⴰⵙⵉ ⵜⵉⵖⵜⴰⵙ ⵉⵏⵎⵏ ⵉ ⵢⵉⵎⵥ ⴷ ⵓⵙⵎⴽⵍ ⵏ ⵜⴰⵏⵏⴰⵢⵉⵏ ⴷ ⵉⵙⵓⵎⴰⵔ ⵏ ⵓⴳⴷⵓⴷ, ⴰⴳⵔⴰⵡ ⵏ ⵜⵙⵓⵏⴰⴳ ⴷ ⵉⵖⴰⵡⴰⵙⵏ ⵉⵣⵣⵔⴰⵢⵏ ⵅⴼ ⵡⴰⵜⵉⴳⵏ ⵉⵣⴷⵉⵏ ⴷ ⵜⵖⴰⵔⵉⵡⵉⵏ ⵏ ⵜⵓⵎⴰⵢⵜ ⵜⴰⵙⵍⵉⵥⵕⵜ ⴷ ⴰⴷ ⵉⴼⴽ ⵜⴰⵏⵏⴰⵢⵜ ⵏⵏⵙ ⵅⴼ ⵓⵢⴰⴷ ⴷⴰⵜ ⵓⵣⵓⵣⵣⵔ, ⵔⵏⵓ ⵢⴰⵙ ⴰⴳⵔⴰⵡ ⵏ ⵓⵙⵜⴰⵢ ⵏ ⵉⵙⴰⵢⵙⵏ ⵏⵏⴰ ⴷ ⵓⵡⵉⵏ ⵉⵎⵙⵢⴰⴼⵓⵜⵏ ⵏ ⴱⵕⵕⴰ ⵅⴼ ⵉⵙⵓⵔⴰ ⴰⴳⵓⵏⵙ ⵏ ⵓⵙⴰⵜⵉ ⵏ ⵜⵓⵜⵔⴰ ⵏ ⵉⵙⴽⴰⵏⵏ ⵏⵏⴰ ⵉⵍⵍⴰⵏ ⴳ ⵓⵙⵍⴳⵏ, ⵎⴰ ⵢⴰⴷ ⵉⵇⵇⵏ ⵓⵙⵉⵡⴹ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B4%B7%E2%B4%B7%E2%B5%89%E2%B4%B7-%E2%B4%B7%E2%B4%B0%E2%B5%96-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8E%E2%B4%B0%E2%B5%9C%E2%B5%9C%E2%B4%B0%E2%B5%A2-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B4%B9-%E2%B4%B0%E2%B5%99%E2%B5%8D%E2%B5%89%E2%B5%A5%E2%B5%95-%E2%B5%85%E2%B4%BC-%E2%B5%93%E2%B5%8E%E2%B5%8F%E2%B5%A3%E2%B4%B0%E2%B5%A2-%E2%B5%8F-%E2%B5%9C%E2%B5%8D%E2%B4%BB%E2%B5%8D%E2%B5%8D%E2%B5%89-%E2%B5%8F-%E2%B5%93%E2%B5%99%E2%B5%8F%E2%B5%93%E2%B5%8D%E2%B4%BC%E2%B5%93-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8F