ⵉⵎⵍⴰ ⵡⵇⵇⵉⵎ ⴰⴷⵓⵙⴰⵏ ⵉ ⵡⵎⴰⴹⴰⵍ ⴰⴷⴷⵓⵔ ⵏ ⵜⴷⵍⵙⴰ ⴳ ⵜⵓⴷⵔⵜ ⵜⵡⴰⵙⵙⴰⵏⵜ

12 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵎⵔⵙⴰⵍⵜ ⵜⴰⵏⴰⵎⵓⵔⵜ ⵏ ⵜⵙⵏⵏⵉⵖⵉⵏ, ⵎⵀⴷⵉ ⵇⵟⴱⵉ, ⵎⴰⵙ ⴰⵇⵇⵉⵎ ⴰⴷⵓⵙⴰⵏ ⵍⵍⵉ ⵢⵉⵡⵉ ⵡⴰⴷⴷⴰⴷ ⵓⵙⵍⵉⴳ ⵉⵣⴷⵉⵏ ⴷ ⵜⵙⵙⴰⵙⵜ ⵏ "ⴽⵓⴼⵉⴷ-19" ⵉⵎⵍⴰ ⵉ ⵡⵎⴰⴹⴰⵍ ⴰⴷⴷⵓⵔ ⵏ ⵜⴷⵍⵙⴰ ⴳ ⵜⵓⴷⵔⵜ ⵜⵡⴰⵙⵙⴰⵏⵜ.

ⵉⴼⵔⴰ ⵢⵏⵏⴰ ⵎⴰⵙⵙ ⵇⵟⴱⵉ, ⴳ ⵢⴰⵏ ⵓⵎⵙⵍⴰⵍⴰ ⵉ ⵜⵙⵖⵓⵏⵜ "ⴰⴼⵔⵉⴽ ⵎⴰⴳⴰⵣⵉⵏ", ⵎⴰ ⵢⴰⴷ ⵜ ⵉⴼⴽⴰⵏ ⵉⵙⵎⵏ ⵏ "ⵓⵙⵎⴷⵢⴰ ⵏ ⵓⵙⴼⵏⵍⵓⵍ ⴰⵎⵖⵔⴰⴱⵉ ⴳ ⵓⵎⵙⴰⵡⴰⵍ ⴳⵔ ⵍⵇⴱⵍⵜ ⴷ ⵜⵓⴳⵜ", ⵎⴰⵙ ⴳ ⵓⵙⵡⵉⵔ ⵏ ⵜⵙⵏⵏⵉⵖⵉⵏ ⴷ ⵜⵎⵔⵙⴰⵍⵜ ⵜⵏⴰⵎⵓⵔⵜ ⵏ ⵜⵙⵏⵏⵉⵖⵉⵏ, "ⵉⵅⵚⵚⴰ ⴰⴷ ⴷⴰⵖ ⵜⵜⵓⵥⵕⴰ ⵜⵙⵜⵔⴰⵜⵉⵊⵉⵜ ⵏⵏⵖ ⴳ ⵓⵣⵎⵣⵣⵓ ⵏ ⵓⵇⵇⵉⵎ ⵎⵔⴰ ⴰⴷ ⵏⴼⵔⴽ ⵅⴼ ⵜⵓⵇⵇⵏⴰ ⵍⵍⵉ ⵏⵖ ⵉⵣⴷⵉⵏ ⴷ ⵉⵎⵖⵔⴰⴱⵉⵏ ⴷ ⴰⴷ ⵜⵔⵏⵓ ⵜⵣⵓⵕⵉ ⴷ ⵜⴷⵍⵙⴰ ⴳ ⵜⴷⴷⴰⵔⵉⵏ".

ⵉⵙⵓⵍ ⵉⵏⵏⴰ ⵎⴰⵙ "ⵏⴼⴽⴰ ⴰⴷⴷⵓⵔ ⵉ ⵡⵙⵢⴰⴼⵓ ⴰⵎⴰⵟⵓⵏ ⴰⵎⵎⴰⵙ ⵏ ⵎⵏⵏⴰⵡ ⵏ ⵜⵙⵏⵜⵉⵏ ⵎⵔⴰ ⴰⴷ ⵉⵥⴹⵕ ⵓⴳⴷⵓⴷ ⴰⴷ ⵉⴽⵛⵎ ⵙ ⵉⵎⵓⴳⴳⴰⵔⵏ ⵉⵏⴰⵥⵓⵕⵏ", ⴷ ⵙ ⵜⵢⴰⴽⴽⴰ ⵏ ⵉⵙⴼⵙⴰⵔⵏ ⵙ ⵜⴰⵜⵉⵇⵏⵉⵜ ⵏ 360 ⵜⴼⵙⵏⴰ, ⴷ ⵉⵏⴰⴹⵏ ⵉⵙⵎⵓⵔⵏ, ⴷ ⵉⵎⵓⵙⵙⵓⵏ ⵏ ⵓⵙⵏⴳⴼⵓ ⴷ ⵏ ⵓⵙⵍⵎⴷ, ⵉⵔⵏⴰ ⵢⵏⵏⴰ ⵎⴰⵙ ⵜⵎⵙⵏⵜⵉⵏ ⴰⴷ ⴳⴰⵏⵜ ⵣⵓⵏⴷ ⵜⵍⴳⴳⵯⵉⵜ ⴰⵔ ⵓⵎⵣⵔⵓⵢ ⴷ ⵜⴷⵍⵙⴰ ⴷ ⵓⵢⴷⴰ ⴰⵏⴰⵣⵓⵕ ⴰⴳⵔⴰⵖⵍⴰⵏ ⴷ ⴰⵎⵖⵔⴰⴱⵉ ⵉⵍⴽⵎⵏ ⵉ ⴽⵔⴰ ⵢⴳⴰⵜⵜ ⵢⴰⵏ ⴳ ⵓⴳⵏⵙ ⵏ ⵜⴷⴷⴰⵔⵉⵏ ⵏⵏⵙⵏ ⴱⵍⴰ ⴽⵔⴰ ⵢⴳⴰⵜⵜ ⵜⵎⵣⵍⵉⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%89%E2%B5%8E%E2%B5%8D%E2%B4%B0-%E2%B5%A1%E2%B5%87%E2%B5%87%E2%B5%89%E2%B5%8E-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F-%E2%B5%89-%E2%B5%A1%E2%B5%8E%E2%B4%B0%E2%B4%B9%E2%B4%B0%E2%B5%8D-%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8F-%E2%B5%9C%E2%B4%B7%E2%B5%8D%E2%B5%99%E2%B4%B0-%E2%B4%B3-%E2%B5%9C%E2%B5%93%E2%B4%B7%E2%B5%94%E2%B5%9C-%E2%B5%9C%E2%B5%A1%E2%B4%B0%E2%B5%99%E2%B5%99%E2%B4%B0%E2%B5%8F%E2%B5%9C