ⵔⴰⴷ ⵜⵉⵍⵉ ⵜⵡⴰⵍⴰ ⵜⵉⵙⵙ ⵙⴰ ⵏ ⵓⵏⵎⵓⴳⴳⵯⴰⵔ "ⴱⴰⵛⵛⵉⵅ" ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴳ ⵜⵉⵟⵡⴰⵏ ⴳⵔ 11 ⴷ 13 ⵉⵏⵏⴰⵢⵔ

03 ⵉⵏⵏⴰⵢⵔ 2019 Version Imprimable

ⵜⵉⵟⵡⴰⵏ - ⵔⴰⴷ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵉⵎⴰⵣⵉⵖⵏ ⵏ ⵚⵏⵀⴰⵊⴰ ⵏ ⵔⵔⵉⴼ ⵜⴰⵡⴰⵍⴰ ⵜⵉⵙⵙ ⵙⴰ ⵏ ⵓⵏⵎⵓⴳⴳⵯⴰⵔ "ⴱⴰⵛⵛⵉⵅ" ⵏ ⵓⵙⴳⴳⵯⴰⵙ ⴰⵎⴰⵣⵉⵖ 2969 ⴳ ⵜⵖⵔⵎⵜ ⵏ ⵜⵉⵟⵡⴰⵏ, ⴷⴷⵓ ⵏ ⵓⴱⵔⴰⵣⴰ "ⵢⴰⵜ ⵜⴰⵎⴰⴳⵉⵜ, ⵜⴰⴷⵍⵙⴰ ⵜⴰⵙⵎⴰⵢⵏⵓⵜ, ⵉⵍⵙⵏ ⵉⵄⴷⴰⵏ".

ⵉⴼⵔⴰ ⵢⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵙⵎⵓⵏⵜ ⵎⴰⵙ ⵓⵖⴰⵡⴰⵙ ⵏ ⵓⵏⵎⵓⴳⴳⵯⴰⵔ, ⵍⵍⵉ ⵢⵜⵜⵓⵙⵏⵎⴰⵍⴰⵏ ⵙ ⵉⵡⵉⵣ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵏ ⵓⵎⵢⴰⵡⴰⴹ, ⵔⴰⴷ ⵉⴱⴷⵓ ⴰⵙⵙ ⵏ 11 ⵉⵏⵏⴰⵢⵔ ⴳ ⵜⴰⴷⴷⴰⵔⵜ ⵏ ⵜⴷⵍⵙⴰ ⴳ ⵜⵉⵟⵡⴰⵏ ⵙ ⵓⵕⵥⵥⵓⵎ ⵏ ⵢⴰⵏ ⵓⴼⵙⴰⵔ ⵏ ⵜⵙⵢⴰⴼⵓⵜⵉⵏ ⵏ ⵉⵢⴷⴰⵏ ⵉⵖⵔⵎⴰⵏ ⴷ ⵓⴼⵙⴰⵔ ⵏ ⴰⵢⴷⴰ "ⴱⴰⵛⵛⵉⵅ" ⴷ ⵓⴼⵙⴰⵔ ⵏ ⵉⵙⵍⵉⵙⵏ ⵉⵎⴰⵣⵉⵖⵏ ⵉⵙⵏⵎⴰⵍⴰⵏ ⵙ ⵜⴷⵔⴰⵡⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.

ⵔⴰⴷ ⵔⵏⵓⵏⵜ ⵜⵡⵓⵔⵉⵡⵉⵏ ⵏ ⵡⴰⵙⵙ ⴰⵎⵣⵡⴰⵔⵓ ⵏ ⵓⵕⵥⵥⵓⵎ ⵏ ⵢⴰⵏ ⵓⵙⴼⵙⴰⵔ ⵏ ⵓⵎⴳⵔⵓ ⵏ ⵜⵥⵓⵕⵉ ⵏ ⵜⵖⵎⵉ ⵙ ⵜⴷⵔⴰⵡⵜ ⵏ ⵀⵓⴷⴰ ⵍⵅⵎⵍⵉⵛⵉ ⴷ ⵎⵓⵃⵎⵎⴷ ⵚⵚⵏⵀⴰⵊⵉ ⴷ ⵄⴱⴷ ⵚⵚⴰⵎⴰⴷ ⴰⴱⵓⵏⴰⵚⵕ, ⵜⴰⵎⴰ ⵏ ⵢⴰⵜ ⵜⵎⴷⴷⵉⴷⵜ ⵜⴰⵏⴰⵥⵓⵕⵜ ⵏ ⵓⵕⵥⵥⵓⵎ ⵙ ⵜⴷⵔⴰⵡⵜ ⵏ ⵜⵔⴰⴱⴱⵓⵜⵉⵏ ⵜⵉⴼⵓⵍⴽⵍⵓⵕⵉⵢⵏ ⵙⴳ ⵚⵏⵀⴰⵊⴰ ⵙⵔⴰⵢⵔ ⴷ ⵜⵉⴷⵖⵉⵏ ⵏ ⵍⵖⵉⵟⴰ ⵏ ⵓⴷⵔⴰⵔ, ⵓⵍⴰ ⵡⴳⵔⴰⵡ ⵏ ⴰⵢⴷⴰ ⵏ ⵜⵥⵓⵕⵉ ⵏ ⵍⵃⴹⵕⴰ ⵏ ⵛⴼⵛⴰⵡⵏ.

Dernière modification : 21 ⵢⵓⵍⵢⵓⵣ 2020

Source URL: https://www.mapnews.ma/am/dossier/%E2%B5%94%E2%B4%B0%E2%B4%B7-%E2%B5%9C%E2%B5%89%E2%B5%8D%E2%B5%89-%E2%B5%9C%E2%B5%A1%E2%B4%B0%E2%B5%8D%E2%B4%B0-%E2%B5%9C%E2%B5%89%E2%B5%99%E2%B5%99-%E2%B5%99%E2%B4%B0-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B5%AF%E2%B4%B0%E2%B5%94-%E2%B4%B1%E2%B4%B0%E2%B5%9B%E2%B5%9B%E2%B5%89%E2%B5%85-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B3-%E2%B5%9C%E2%B5%89%E2%B5%9F%E2%B5%A1%E2%B4%B0%E2%B5%8F-%E2%B4%B3%E2%B5%94-11-%E2%B4%B7-13-%E2%B5%89%E2%B5%8F%E2%B5%8F%E2%B4%B0%E2%B5%A2%E2%B5%94-0