ⵍⵎⵖⵔⵉⴱ ⴷ ⴰⵍⵎⴰⵏⵢⴰ ⵙⴳⵎⴹⵏ ⴽⵕⴰⴹ ⵏ ⵜⵎⵢⴰⵇⵇⴰⵏⵉⵏ ⵙ ⵡⴰⵜⵉⴳ ⵉⵍⴽⵎⵏ 701.3 ⴰⵎⵍⵢⵓⵏ ⵓⵕⵓ

22 ⵢⵓⵍⵢⵓⵣ 2020 Version Imprimable

ⵕⵕⴱⴰⵟ - ⵜⵙⴳⵎⴹ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵙⵓⴷⴷⵓ ⵏ ⵜⵎⵙⵙⵓⴳⵓⵔⵜ ⴷ ⵜⵎⵙⴽⴰⴷⵜ ⵏ ⵜⴳⴷⵓⴷⴰⵏⵜ ⵏ ⴰⵍⵎⴰⵏⵢⴰ ⵉⵎⴰⵏⵏ, ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ, ⴽⵕⴰⴹ ⵏ ⵜⵎⵢⴰⵇⵇⴰⵏⵉⵏ ⵙ ⵡⴰⵜⵉⴳ ⵉⵍⴽⵎⵏ 701.3 ⴰⵎⵍⵢⵓⵏ ⵓⵕⵓ, ⵉⵜⵜⵢⴰⴽⴽⴰⵏ ⵉ ⵍⵎⵖⵔⵉⴱ ⵣⵓⵏⴷ ⵉⵕⵟⵟⴰⵍⵏ ⴷ ⵜⵉⴽⴽⵉ.

ⵏⵏⴰⵏⵜ ⵙⵏⴰⵜ ⵏ ⵜⴼⵓⵍⵉⵏ ⴳ ⵢⴰⵏ ⵓⵙⵡⵉⴹ ⵉⵛⵛⴰⵔⵏ, ⵎⴰⵙ ⵜⵎⵢⴰⵇⵇⴰⵏⵉⵏ ⴰⴷ ⵍⵍⵉ ⵙⴳⴹⵏ ⵙ ⵉⵙⴽⴽⵉⵍⵏ ⵉⵣⵡⴰⵔⵏ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵙⵓⴷⴷⵓ ⵏ ⵜⵎⵙⵙⵓⴳⵓⵔⵜ, ⵎⵓⵃⵎⵎⴷ ⴱⵏ ⵛⵄⴱⵓⵏ, ⴷ ⵓⵎⵙⴽⴰⴷ ⵏ ⵜⴳⴷⵓⴷⴰⵏⵜ ⵏ ⴰⵍⵎⴰⵏⵢⴰ ⵉⵎⴰⵏⵏ ⴳ ⵕⵕⴱⴰⵟ, ⵎⴰⵙⵙ ⴳⵓⵜⵙ ⵛⵎⵉⵜⵜ ⴱⵔⵉⵎ, ⵎⵍⴰⵏⵜ ⵜⵎⴰⵎⴽⵜ ⵏ ⵜⵓⵇⵇⵏⵉⵏ ⵏ ⵓⵎⵢⴰⵡⴰⵙ ⴷ ⵜⵉⴷⴷⵓⴽⵍⴰ ⵉⵙⵎⴰⵏⵏ ⵍⵎⵖⵔⵉⴱ ⴷ ⴰⵍⵎⴰⵏⵢⴰ.

ⵉⴱⵉⴷⴷ ⵓⵎⵢⴰⵡⴰⵙ ⴰⴷ ⵅⴼ ⵉⴳⵔⵏ ⵉⵟⵟⴰⴼⵏ ⵜⵎⵣⵡⴰⵔⵓⵜ ⴳ ⵉⴳⵔ ⵏ ⵜⴳⵎⵉ ⴳ ⵍⵎⵖⵔⵉⴱ, ⵣⵓⵏⴷ ⵜⵏⴽⵔⴰ ⵙ ⵜⵉⵣⵎⴰⵔⵉⵏ ⵉⵜⵜⵓⵙⵎⴰⵢⵏⵓⵏ ⴷ ⵜⵕⵡⵉ ⵜⵎⵣⴰⵔⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⵜⴰⵙⵓⵍⴰⵏⵜ ⴷ ⵓⵙⵡⵓⴷⴷⵓ ⵏ ⵉⵙⴰⴳⵎⵏ ⵏ ⵡⴰⵎⴰⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B4%B0%E2%B5%8D%E2%B5%8E%E2%B4%B0%E2%B5%8F%E2%B5%A2%E2%B4%B0-%E2%B5%99%E2%B4%B3%E2%B5%8E%E2%B4%B9%E2%B5%8F-%E2%B4%BD%E2%B5%95%E2%B4%B0%E2%B4%B9-%E2%B5%8F-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%89%E2%B5%8F-%E2%B5%99-%E2%B5%A1%E2%B4%B0%E2%B5%9C%E2%B5%89%E2%B4%B3-%E2%B5%89%E2%B5%8D%E2%B4%BD%E2%B5%8E%E2%B5%8F-7013-%E2%B4%B0%E2%B5%8E%E2%B5%8D%E2%B5%A2%E2%B5%93%E2%B5%8F-%E2%B5%93%E2%B5%95%E2%B5%93