Published on MAPNews (https://www.mapnews.ma/am)

Accueil > ⵅⴰⴷⵉⵊⴰ ⴰⵟⵍⴰⵚ : ⵜⴰⵙⴷⴷⴰ ⵉⵟⵟⴰⴼⵏ ⴰⴳⴳⵕⴹ ⵉⴼⵓⵍⴽⵉⵏ

ⵅⴰⴷⵉⵊⴰ ⴰⵟⵍⴰⵚ : ⵜⴰⵙⴷⴷⴰ ⵉⵟⵟⴰⴼⵏ ⴰⴳⴳⵕⴹ ⵉⴼⵓⵍⴽⵉⵏ

26 ⵖⵓⵛⵜ 2020 - par : (ⵢⵓⵔⴰⵜ ⴰⵍⵎⵚⵟⴰⴼⴰ ⵄⵢⵢⴰⵛ) Version Imprimable
ⵕⵕⴱⴰⵟ - ⵙ ⵓⴳⴳⵕⴹ ⵉⴼⵓⵍⴽⵉⵏ ⴷ ⵜⵉⵍⵉⵍⵜ ⵉⵖⵓⴷⴰⵏ ⵏⵏⵙ, ⵜⵥⴹⵕ ⵜⵏⴰⵣⵓⵔⵜ ⵅⴰⴷⵉⵊⴰ ⴰⵟⵍⴰⵚ, ⵉⵜⵜⵢⵓⵙⵙⴰⵏⵏ ⵙ ⵍⵉⵙⵎ ⵏ "ⵜⴰⵙⴷⴷⴰ ⵏ ⵍⴰⵟⵍⴰⵚ", ⴷ ⵜⴰⵎⴷⴰⴽⴽⵯⵍⵜ ⵏ ⵉⴳⵍⵍⵉⵏ ⵎⵓⵃⵎⵎⴷ ⵔⵡⵉⵛⴰ, ⴰⴷ ⵜⴰⵡⵉ ⵉⵡⵓⵍⵉⵡⵏ ⵏ ⵉⵎⵖⵔⴰⴱⵉⵢⵏ ⴷ ⵡⵉⵏⵏⴰ ⵢⵔⴰⵏ ⵓⵏⴰⵥⵓⵕ ⴰⵎⴰⵣⵉⵖ ⴳ ⵓⵎⴰⴹⴰⵍ, ⵅⴼ ⵉⵥⵍⵉⵏ ⵏⵏⵙ ⵉⴼⵓⵍⴽⵉⵏ ⵍⵍⵉ ⵜⵏ ⵔⴰⵏⵏ ⵓⵎⵣⵢⴰⵏ ⵏⵖⴷ ⴰⵎⵇⵕⴰⵏ.

ⵜⵙⵙⵏ ⵜⵏⴰⵥⵓⵕⵜ ⵅⴰⴷⵉⵊⴰ, ⵍⵍⵉ ⵖⵓⵔⵙ ⴰⴳⵕⴹ ⵏ ⵡⵓⵔⵖ, ⴰⴷ ⵜⵙⵙⵓⴼⵖ ⵉⵥⵍⵉⵏ ⵙ ⵜⵓⵜⵍⴰⵢⵉⵏ ⵜⵎⴰⵣⵉⵖⵜ ⴷ ⵜⵄⵕⴰⴱⵜ ⴷ ⵎⵉⴷⴷⵏ ⵉⵅⴰⵜⴰⵔⵏ ⵏ ⵜⵥⵓⵕⵉ ⵜⴰⵎⵖⵔⴰⴱⵉⵜ, ⴰⵎⵎ ⵓⴳⵍⵍⵉⴷ ⵏ ⵍⵓⵜⴰⵔ ⵎⵓⵃⵎⵎⴷ ⵔⵡⵉⵛⴰ, ⴱⴰⴱ ⵏ ⵉⵣⵍⵉ ⵉⵜⵜⵢⵓⵙⵙⴰⵏ "ⵉⵏⴰⵙ, ⵉⵏⴰⵙ", ⴷ ⵎⵚⵟⴰⴼⴰ ⵓⵎⴳⵉⵍ, ⴷ ⵃⵎⴷ ⵍⵍⴰⵀ ⵔⵡⵉⵛⴰ, ⴷ ⵉⵏⴰⵥⵓⵕⵏ ⵢⴰⴹⵏⵉⵏ ⵉⵅⴰⵜⴰⵔⵏ ⴳ ⵓⵙⵙⴰⵢ ⵏ ⵜⵥⵓⵕⵉ ⵜⵏⴰⵎⵓⵔⵜ.

ⵜⴳⴰ ⵅⴰⴷⵉⵊⴰ ⴰⵟⵍⴰⵚ, ⵍⵍⵉ ⵢⵍⵓⵍⵏ ⴳ ⵓⵙⴳⴳⵯⴰⵙ ⵏ 1975 ⴷ ⵉⵏⴽⵔⵏ ⴳ ⵢⴰⵜ ⵜⵡⵊⴰ ⵜⵎⴰⵏⵓⵣⵜ ⴳ ⵜⴼⵔⴰⵏⵜ ⵏ ⴰⵢⵜ ⵙⵃⴰⵇ (ⵜⴰⵙⴳⴰ ⵏ ⵅⵏⵉⴼⵕⴰ), ⴰⵎⵎⴰⵙ ⵏ ⵉⵏⴰⵥⵓⵕⵉⵏ ⵍⵍⵉ ⴹⵀⵕⵏ ⴳ ⵓⵙⵙⴰⵢ ⵏ ⵜⵥⵓⵕⵉ ⵜⵎⴰⵣⵉⵖⵜ ⴳ ⵓⵙⴳⴳⵯⴰⵙ ⵏ 1990, ⵜⴰⵎⴰ ⵏ ⵜⴰⵢⵔⵉ ⵏⵏⵙ ⵏ ⵓⵙⵎⴷⵢⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%85%E2%B4%B0%E2%B4%B7%E2%B5%89%E2%B5%8A%E2%B4%B0-%E2%B4%B0%E2%B5%9F%E2%B5%8D%E2%B4%B0%E2%B5%9A-%E2%B5%9C%E2%B4%B0%E2%B5%99%E2%B4%B7%E2%B4%B7%E2%B4%B0-%E2%B5%89%E2%B5%9F%E2%B5%9F%E2%B4%B0%E2%B4%BC%E2%B5%8F-%E2%B4%B0%E2%B4%B3%E2%B4%B3%E2%B5%95%E2%B4%B9-%E2%B5%89%E2%B4%BC%E2%B5%93%E2%B5%8D%E2%B4%BD%E2%B5%89%E2%B5%8F