ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

31 ⵖⵓⵛⵜ 2020 Version Imprimable

ⵕⵕⴱⴰⵟ - ⵔⴰⴷ ⵢⵉⵍⵉ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵉⵖⵔ ⵓⵙⵇⵇⵉⵎ, ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ, ⴰⵙⵏⵜⵉ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵙⵏⴼⵍ ⴷ ⵓⵜⵎⵉⵎ ⵏ ⵓⵙⵍⴳⵏ ⵉⵥⵍⵉⵏ ⵙ ⵍⵉⵚⵍⴰⵃ ⵏ ⵓⵕⵟⵟⴰⵍ ⴰⴳⴷⵓⴷⴰⵏ ⵏ ⵍⵎⵖⵔⵉⴱ.

ⵉⵙⵓⵍ ⵉⵏⵏⴰ ⵎⴰⵙ ⵔⴰⴷ ⵉⵖⵔ ⵓⵙⵇⵇⵉⵎ, ⴷⴼⴼⵉⵔ ⴰⴷ, ⴽⵕⴰⴹ ⵏ ⵉⵎⵕⵚⵓⵎⵏ, ⴰⵎⵣⵡⴰⵔⵓ ⵉⵥⵍⵉ ⵙ ⵓⵙⵙⵓⴼⵖ ⵏ ⵜⵥⵢⴰⵕⵉⵏ ⴷ ⵜⵎⵓⵥⵕⵉⵏ ⵉⵎⴰⵢⵏⵓⵏⵏ, ⴷ ⵡⵉⵙⵙ ⵙⵉⵏ ⵉⵥⵍⵉⵏ ⵙ ⵓⵥⵍⴰⵢ ⵏ ⵓⴱⵔⵉⴷ ⵏ ⵜⵡⵓⵔⵉ ⵏ ⵜⵎⵓⵥⵔⵜ ⵏ ⵉⵖⴰⵡⴰⵙⵏ ⵏ ⵓⵔⴰⵢ ⵅⴼ ⵉⵎⵣⵉⵏ ⵏ ⵜⵡⴰⵖⵉⵏ ⵜⵉⴳⴰⵎⴰⵎⵉⵏ, ⴰⵎⵎⴰ ⵡⵉⵙⵙ ⴽⵕⴰⴹ ⵉⵥⵍⵉ ⵙ ⵓⴳⵔⴰⵡ ⴰⵎⴰⵡⵙⴰⵙ ⴰⵎⵖⵍⴰⵍ ⵉⵜⵜⵓⵙⵎⴳⵍⵏ ⵙ ⵓⴹⴼⴼⴰⵕ ⵏ ⵓⵙⵓⵜⴳ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴷ ⵜⵖⴰⵔⴰⵙⵉⵏ ⵏ ⵓⵃⵕⵛ ⵏⵏⵙ.

ⵔⴰⴷ ⵉⵇⵇⵏ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵡⴰⴹⵓⴼ ⵏ ⵜⵎⵙⵙⵓⵔⵉⵏ ⵏ ⵓⵙⵜⴰⵢ ⴳ ⵉⵏⵙⴰⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 92 ⵙⴳ ⵓⴷⵓⵙⵜⵓⵔ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-28