ⵉⴼⴽⴰ ⵍⴱⴰⵏⴽ ⵓⵕⵓⴱⴱⵉ ⵏ ⵉⵙⵙⴰⵔⵓⵏ 100 ⵓⵎⵍⵢⵓⵏ ⵓⵕⵓ ⵉ ⵍⵎⵖⵔⵉⴱ ⴷⴰⵜ ⵏ ⵜⵍⴽⴰⵎⵉⵏ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ"

31 ⵖⵓⵛⵜ 2020 Version Imprimable

ⵕⵕⴱⴰⵟ - ⵉⵙⴳⵓⵔⴰ ⵡⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵔⴼ ⴷ ⵓⵙⴳⴷ ⵏ ⵜⵎⵙⵙⵓⴳⵓⵔⵜ, ⵎⴰⵙⵙ ⵎⵓⵃⵎⵎⴷ ⴱⵏ ⵛⵄⴱⵓⵏ, ⴷ ⵜⵎⵉⵔⵉⵜ ⵏ ⵍⴱⴰⵏⴽ ⵓⵕⵓⴱⴱⵉ ⵏ ⵉⵙⵙⴰⵔⵓⵏ, ⵉⵎⴰ ⵏⴰⴼⴰⵕⵓ, ⴰⵙⵙ ⵏ ⵓⵢⵏⴰⵙ, ⵎⴰⵙ ⵜⴷⴷⴰ ⵢⴰⵜ ⵜⴱⵔⴰⵜ ⵏ ⵉⵇⵇⴰⵕⴹⵉⵏ ⵉⵙⵎⴰⵏⵏ 100 ⵓⵎⵍⵢⵓⵏ ⵓⵕⵓ ⵉ ⵡⵥⵕⴼ ⵏ ⵜⵜⵓⵜⵔⴰⵡⵉⵏ ⵏ ⵍⵎⵖⵔⵉⴱ ⴷⴰⵜ ⵏ ⵜⵍⴽⴰⵎⵉⵏ ⵏ "ⴽⵓⵕⵓⵏⴰ".

ⵉⴼⵔⴰ ⵢⴰⵏ ⵓⵙⵉⵡⴹ ⵉⵛⵛⴰⵔⵏ ⵏ ⵜⵎⴰⵡⴰⵙ ⵏ ⵍⴱⴰⵏⴽ ⵓⵕⵓⴱⴱⵉ ⵏ ⵉⵙⵙⴰⵔⵓⵏ ⵎⴰⵙ ⵉⴳⴰ ⵍⵃⴰⵍ ⵢⴰⵜ ⵜⵉⴽⴽⵉ ⵜⴰⵎⵣⵡⴰⵔⵓⵜ ⵉⵙⵎⴰⵏⵏ 100 ⵓⵎⵍⵢⵓⵏ ⵓⵕⵓ ⵉⵥⵍⵉⵏ ⵙ ⵢⴰⵜ ⵜⵡⵍⴰⴼⵜ ⵜⴰⵖⴰⵡⴰⵍⵜ ⵏ ⵓⵏⵏⴰⵍ ⵏ ⵜⵓⴳⴳⴰⵣ ⵏ ⵍⵎⵖⵔⵉⴱ ⴷⴰⵜ ⵏ ⵜⵙⵙⴰⵙⵜ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ" ⴳ ⵓⵙⴰⴳⵎ ⵏ ⵓⵥⵔⴼ ⵉⵙⵎⴰⵏⵏ 200 ⵓⵎⵍⵢⵓⵏ ⵓⵕⵓ.

ⴳ ⵓⵣⵎⵎⵣⵓ ⴷⵖ, ⵉⵙⴷⴷⵉⴷ ⵎⴰⵙⵙ ⴱⵏ ⵛⵄⴱⵓⵏ ⵅⴼ ⴰⴷⴷⵓⵔ ⵏ ⵜⴱⵔⴰⵜⵜ ⵏ ⵉⵇⵇⴰⵕⵉⴹⵏ ⴰⴷ ⴷⴰⵔ ⵜⴳⵍⴷⵉⵜ, ⵍⵍⵉ ⵔⴰⴷ ⵜ ⵜⴰⵊⵊ ⴰⴷ ⵜⵔⴰⵔ ⵅⴼ ⵉⵖⴰⵡⵍⵏ ⵏⵏⵙ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵉⵎⴰⵙⵙⵏ ⵉⵎⵙⵏⵊⵊⵉⵏ ⴷ ⵉⵙⴳⵏⴰⴼⵏ ⴰⴼⴰⴷ ⵉⵙⴱⵉⴷⴷ ⵙ ⵢⴰⵜ ⵜⵖⴰⵔⴰⵙⵜ ⵉⵕⵡⴰⵏ ⴰⴱⴰⵢⵢⵓⵕ "ⴽⵓⴼⵉⴷ-19".

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B4%BC%E2%B4%BD%E2%B4%B0-%E2%B5%8D%E2%B4%B1%E2%B4%B0%E2%B5%8F%E2%B4%BD-%E2%B5%93%E2%B5%95%E2%B5%93%E2%B4%B1%E2%B4%B1%E2%B5%89-%E2%B5%8F-%E2%B5%89%E2%B5%99%E2%B5%99%E2%B4%B0%E2%B5%94%E2%B5%93%E2%B5%8F-100-%E2%B5%93%E2%B5%8E%E2%B5%8D%E2%B5%A2%E2%B5%93%E2%B5%8F-%E2%B5%93%E2%B5%95%E2%B5%93-%E2%B5%89-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7%E2%B4%B0%E2%B5%9C-%E2%B5%8F-%E2%B5%9C%E2%B5%8D%E2%B4%BD%E2%B4%B0%E2%B5%8E%E2%B5%89%E2%B5%8F-%E2%B5%8F-%E2%B5%93%E2%B4%B1%E2%B4%B0%E2%B5%A2%E2%B5%A2%E2%B5%93%E2%B5%95