ⵉⵙⵙⴰⵔⵓⵏ.. ⵉⵙⵎⵖⵔ ⵓⵎⴰⵡⵙⴰⵙ ⵏ ⵜⵙⴱⴱⴰⴱⵜ ⴰⵎⵉⵔⵉⴽⴰⵏⵉ ⵏ ⵉⵚⵍⴰⵃⴰⵜ ⵍⵍⵉ ⵢⵕⵥⵎ ⵍⵎⵖⵔⵉⴱ

24 ⵛⵓⵜⴰⵏⴱⵉⵔ 2020 Version Imprimable

ⵡⴰⵛⵉⵏⵟⵓⵏ - ⵉⵙⵎⵖⵔ ⵓⵎⴰⵡⵙⴰⵙ ⵏ ⵜⵙⴱⴱⴰⴱⵜ ⴰⵎⵉⵔⵉⴽⴰⵏⵉ ⵡⵍⴱⵔ ⵔⵓⵙ ⵉⵚⵍⴰⵃⴰⵜ ⵍⵍⵉ ⵢⵕⵥⵎ ⵍⵎⵖⵔⵉⴱ ⵏ ⵓⵙⵔⵇⴱ ⵏ ⵉⵙⵙⴰⵔⵓⵏ ⵉⴱⵕⵕⴰⵏⵢⵉⵏ ⴷ ⴰⵙⴼⵓⴽⵍⵓ ⵏ ⵓⵏⵣⵉ ⵏ ⵜⵡⵓⵔⵉⵡⵉⵏ .

ⵍⵍⵉⵖ ⵉⵙⴰⵡⵍ ⴳ ⵢⴰⵏ ⵓⵙⴳⵔⴰⵡ ⴰⵏⵜⵉⵔⵏⵉⵜ ⵍⵍⵉ ⵢⵜⵜⵓⵙⵏⵎⴰⵍ ⵓⵙⵇⵇⵉⵎ ⵏ ⵜⵎⵙⵙⵓⵔⵉⵏ ⵉⵣⴷⵉⵏ ⵙ ⵉⴼⵔⵉⵇⵢⴰ ⴷ ⵓⵙⵖⵉⵎ ⴳ ⵡⴰⵛⵉⵏⵟⵓⵏ ⴳ ⵜⴰⵎⵎ ⵏ ⵜⵙⵓⵜⵍⵜ ⵜⵉⵙⵙ 75 ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵢⵎⴰⵏ ⵉⵙⴷⴷⵉⴷ ⵎⴰⵙⵙ ⵔⵓⵙ ⵎⴰⵙ ⵉⵚⵍⴰⵃⴰⵜ ⵉⴳⴳⵔⴰⵏ ⵍⵍⵉ ⵢⵕⵥⵎⵏ ⵍⵎⵖⵔⵉⴱ " ⴰⵎⵎ ⴰⵙⵓⵀⵏ ⵏ ⵉⵍⵓⴳⵏ ⵉⴷⴰⵡⵉⵏ ⵙⴳ ⵓⵣⵣⵔⴰⵢ ⵉ ⵓⵏⴳⵔⴰⵡ ⴰⵎⴰⵟⵟⵓⵏ ⵓⵍⴰ ⴰⴼⴰⵔⴽ ⵏ ⵉⵙⵙⴰⵔⵓⵏ ⵉⴷⵔⵓⵙⵏ ⵎⴰⵢⴰⴷ ⵉⴳⴰⵏ ⵉⵎⴰⴽⵏ ⵉⴷⴷⵓⵔⵏ ⵔⴰⴷ ⴷⵔⴰⵏ ⴳ ⵜⵔⵏⵓⵏⵜ ⵏ ⵜⵎⵔⵏⵉⵡⵜ ⵜⴰⴷⵎⵙⴰⵏⵜ .

ⵉⵙⵓⵍ ⵉⵏⵏⴰ ⴰⵎⵙⴳⴳⴰⵔ ⴳ ⵜⵎⵙⵙⵓⴳⵔⵜ ⵜⴰⵎⵉⵔⵉⴽⴰⵏⵉⵜ ⴳ ⵓⵙⴳⵔⴰⵡ ⵍⵍⵉ ⵢⵎⴰⵏⵏ ⴷⴷⵓ ⵏ ⵓⵣⴰⵡⵏ "ⵜⴰⴷⵔⴰⵡⵜ ⴰⴼⴰⴷ ⵏ ⵓⵎⵓⵙⵙⵓ ⴰⴷⵎⵙⴰⵏ : ⵍⵎⵖⵔⵉⴱ", ⵙ ⵜⴷⵔⴰⵡⵜ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵜⴷⵎⵙⴰ ⵜⵣⴳⵣⴰⵡⵜ ⴷ ⵜⵎⴰⵟⵟⵓⵏⵜ ⵎⵓⵍⴰⵢ ⵃⴼⵉⴹ ⵍⵄⴰⵍⴰⵎⵉ ⴷ ⵎⵏⵏⴰⵡ ⵏ ⵉⵎⴳⵓⵔⵉⵏ ⵏ ⵜⵖⵜⴰⵙⵜ ⴷ ⵉⵎⵙⴽⴰⵔⵏ ⵉⴷⵎⵙⴰⵏ ⴳ ⵎⵉⵔⵉⴽⴰⵏ ⴷ ⴰⵎⵏⵣⴰⵡ ⴰⴼⵔⵉⵇⵉ , ⵎⴰⵙ " ⵉⵙⵉⴷⴼⵏ ⵙⴳ ⵜⵢⴰⴼⵓⵜⵉⵏ ⴷ ⵜⵏⴰⴼⵓⵜⵉⵏ ⵉ ⵍⵎⵖⵔⵉⴱ ⵏⵏⴰⵍⵏ 12 ⵉⴼⴹ ⵏ ⵉⵏⵙⴰⵏ ⵏ ⵜⵡⵓⵔⵉ ⴳ ⵎⵉⵔⵉⴽⴰⵏ ⵓⵍⴰ ⵎⵏⵏⴰⵡ ⵏ ⵜⵎⵙⵙⵏⵜⵉⵏ ⵜⵎⵉⵔⵉⴽⴰⵏⵢⵉⵏ ⵔⴳⴳⵏ ⴳ ⵍⵎⵖⵔⵉⴱ ⴰⵛⴽⵓ ⵏ ⵓⵔⴳⴳ ⴰⴷⵎⵙⴰⵏ ⴷ ⴰⵙⵔⵜⴰⵏ ⵏⵏⵙ " .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%89%E2%B5%99%E2%B5%99%E2%B4%B0%E2%B5%94%E2%B5%93%E2%B5%8F-%E2%B5%89%E2%B5%99%E2%B5%8E%E2%B5%96%E2%B5%94-%E2%B5%93%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%8F-%E2%B5%9C%E2%B5%99%E2%B4%B1%E2%B4%B1%E2%B4%B0%E2%B4%B1%E2%B5%9C-%E2%B4%B0%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F%E2%B5%89-%E2%B5%8F-%E2%B5%89%E2%B5%9A%E2%B5%8D%E2%B4%B0%E2%B5%83%E2%B4%B0%E2%B5%9C-%E2%B5%8D%E2%B5%8D%E2%B5%89-%E2%B5%A2%E2%B5%95%E2%B5%A5%E2%B5%8E-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1