ⵉⵙⵎⵖⵔ ⵎⴰⵙⵙ ⵍⵄⵜⵎⴰⵏⵉ ⴰⴽⴽⵯ ⵉⴽⵛⵛⵓⵎⵏ ⵏ ⵓⵙⵓⵊⴷ ⵏ ⵉⵔⵉⵎ ⴰⵏⵎⵏⴰⴹ ⴰⵙⵢⵉⵏⴰⵡ ⵏ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ ⵍⴱⴰⴽⴰⵍⵓⵕⵢⴰ

01 ⴽⵟⵓⴱⵕ 2020 Version Imprimable

ⵕⵕⴱⴰⵟ - ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ ⴰⵙⵙ ⵏ ⵓⴽⵡⴰⵙ ⴰⴽⴽⵯ ⵉⵙⵜⴰⵢⵏ ⵉⵙⵍⵎⴰⵏ ⴷ ⵉⵏⵍⵎⴰⴷⵏ ⴷ ⵉⵎⵙⵙⵓⴳⵔⵏ ⴷ ⵜⵎⵙⴳⴳⵓⵔⵜ ⵏ ⴰⴽⴰⵍ ⴷ ⵜⵏⴱⴰⴹⵉⵏ ⵜⵏⴼⵓⵔⵉⵏ ⴷ ⵉⴳⵔⵏ ⵏ ⵜⴷⵓⵙⵉ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ ⵅⴼ ⵜⵓⴳⴳⴰⵣ ⵏⵙⵏⵏ ⵉⴼⵓⵍⴽⵉⵏ ⵙ ⵓⵎⵢⴰⵡⴰⵙ ⵏ ⵎⵛⵜⴰ ⵉⴽⵛⵛⵓⵎⵏ ⵏ ⵓⵙⵓⵊⴷ ⵏ ⵉⵔⵉⵎⵏ ⵏ ⵉⵔⵉⵎ ⴰⵏⵎⵏⴰⴹ ⴰⵙⵉⵏⴰⵡ ⵏ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ ⵍⴱⴰⴽⴰⵍⵓⵕⵢⴰ ⴳ ⴷⴷⵓ ⵏ ⵜⵙⵓⵜⵍⵏ ⵉⵙⵍⴳⵏ ⵏ ⵓⴱⴰⵢⵢⵓⵕ (ⴽⵓⴼⵉⴷ-19)

ⵉⵏⵏⴰ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏ ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ ⴳ ⵢⴰⵏ ⵓⵙⵉⵡⴹ ⵍⵍⵉ ⵢⵖⵕⴰ ⴷⴼⴼⵉⵔ ⵏ ⵓⵎⴰⴳⵔ ⵏ ⵜⵏⵖⵎⵉⵙⵜ ⴷⴼⴼⵉⵔ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵢⵎⵓⵏ ⴷ ⵍⴱⴷⵓ ⵏ ⵉⵔⵉⵎ ⴰⵙⵢⵉⵏⴰⵡ ⵏ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ ⵍⴱⴰⴽⴰⵍⵓⵕⵢⴰ ⵎⴰⵙ ⵉⵙⴰⵡⵍ ⵎⴰⵙⵙ ⵍⵄⵜⵎⴰⵏⵉ ⵜⵙⴳⵓⵔⵉ ⵏ ⵜⵙⵎⵓⵏⵉ ⵏ ⵓⵙⵇⵇⵇⵉⵎ ⵏ ⵜⵏⴱⴰⴹⵜ ⵅⴼ ⴰⵎⵓⵔⵙ ⴷ ⵓⵣⵣⵔⴰⵢ ⵏ ⵜⵏⵥⵕⵉⵏ ⵍⵍⵉ ⵜⵙⵔⵙ ⵜⵙⵓⵜⵍ ⵙⵡⴰ ⴳ ⵉⵇⵇⵏ ⵏ ⵓⵙⴳⴳⵯⴰⵙ ⴰⵏⵎⵍⴰⵏ ⵉⵣⵔⵉⵏ ⵎⵔⴰ ⴰⴷ ⵉⵎⵓⵙⵙⵓ ⵙⵡⴰ ⵜⵔⵏⵓⵏⵜ ⵏ ⵓⵙⴳⴳⵯⴰⵙ ⴰⵏⵎⵍⴰⵏ ⴷⵖⵉ ⴳ ⵊⵊⵉⴷⵢⴰ ⴷ ⵜⵉⵔⴰⵜ ⵎⵔⴰ ⴰⴷ ⵉⴳ ⵓⵙⵍⵎⴰⴷ ⴳ ⵓⵙⵡⵉⵔ ⵉⵔⴰⵏ.

ⵉⵙⵓⵍ ⵉⵏⵏⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⵜⵉⵎⵓⴽⵔⵉⵙⵉⵏ ⵉⵣⴷⵉⵏ ⵙ ⵓⵙⴼⵙⵔ ⵏ ⵓⴱⴰⵢⵢⵓⵕ ⴷ ⵉⵖⵍⵉ ⵏ ⵢⵓⵜⵏ ⴷ ⵉⴷⴷⴰⴷⵏ ⵉⵛⵇⴰⵏ ⴳ ⵎⵏⵏⴰⵡ ⵏ ⵜⵖⵔⵎⵉⵏ ⵜⵙⵔⵙ ⵜⵙⵏⵙⵉ , ⵉⵎⴰⴽⵏ ⵏ ⵓⵃⵟⵟⵓ ⴳ ⴰⴽⴽⵯ ⵜⵎⵔⵙⴰⵍⵉⵏ ⵎⵔⴰ ⴰⴷ ⴰⴼⴰⵔⴽ ⵏ ⵜⴷⵓⵙⵉ ⵏ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⴷ ⵉⵙⵜⴰⵢⵏ ⵉⵏⵍⵎⴰⴷⵏ ⴷ ⵉⵎⵙⵙⵓⴳⵔⵏ ⴷ ⵜⵡⵊⴰ ⵏⵏⵙⵏ

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%99%E2%B5%8E%E2%B5%96%E2%B5%94-%E2%B5%8E%E2%B4%B0%E2%B5%99%E2%B5%99-%E2%B5%8D%E2%B5%84%E2%B5%9C%E2%B5%8E%E2%B4%B0%E2%B5%8F%E2%B5%89-%E2%B4%B0%E2%B4%BD%E2%B4%BD%E2%B5%AF-%E2%B5%89%E2%B4%BD%E2%B5%9B%E2%B5%9B%E2%B5%93%E2%B5%8E%E2%B5%8F-%E2%B5%8F-%E2%B5%93%E2%B5%99%E2%B5%93%E2%B5%8A%E2%B4%B7-%E2%B5%8F-%E2%B5%89%E2%B5%94%E2%B5%89%E2%B5%8E-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9-%E2%B4%B0%E2%B5%99%E2%B5%A2%E2%B5%89%E2%B5%8F%E2%B4%B0%E2%B5%A1-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F