ⴰⵎⵙⴰⵡⴰⵍ ⴰⵍⵉⴱⵉ ⴳ ⴱⵓⵣⵏⵉⵇⴰ ..ⵉⵎⵙⴰⵙⵏ ⵏ ⵜⵙⵓⵜⵍⵜ ⵜⵉⵙⵙ ⵙⵏⴰⵜ "ⵉⴷⴷⵓⵔⵏ " ⴳ ⵓⵎⵏⵉⴷ ⵏ ⵓⵙⵜⴰⵢ ⵏ ⵎⵉⴷⴷⵏ ⴳ ⵉⵏⵙⴰⵏ ⵏ ⵡⴰⴽⴰⵍ(ⵎⴰⵙⵙ ⴱⵓⵕⵉⵟⴰ)

07 ⴽⵟⵓⴱⵕ 2020 Version Imprimable

ⴱⵓⵣⵏⵉⵇⴰ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵉⵣⴷⵖⵏ ⴳ ⴱⵕⵕⴰ ⵉⴹⵍⵍⵉ ⴰⵙⵙ ⵏ ⵓⵙⵉⵏⴰⵙ ⵎⴰⵙ ⵉⵎⵙⴰⵙⴰⵏ ⵉⵜⵜⵓⵍⴽⴰⵎⵏ ⵙⴳ ⵓⴽⴰⴱⴰⵕ ⴰⵏⴼⵍⵍⴰ ⵏ ⵓⵡⴰⵏⴽ ⴷ ⴰⵙⵇⵇⵉⵎ ⵏ ⵉⵎⵓⵔⴰ ⴰⵍⵉⴱⵉ ⴳ ⵓⵇⵇⵏ ⵏ ⵜⵙⵓⵜⵍⵜ ⵜⵉⵙⵙ ⵙⵏⴰⵜ ⴳ ⵜⵔⵎⵉⵏ ⵏ ⵓⵎⵙⴰⵡⴰⵍ ⴰⵍⵉⴱⵉ ⴳ ⴱⵓⵣⵏⵉⵇⴰ ⵎⵢⴰⴷ ⵉⴳⴰⵏ ⵉⵎⵙⴰⵙⴰⵏ "ⵉⴷⴷⵓⵔⵏ" ⴳ ⵓⵎⵏⵉⴷ ⵏ ⵓⵙⵜⴰⵢ ⵏ ⵉⵏⵙⴰⵏ ⵏ ⵡⴰⴽⴰⵍ ⵖⵉⴽ ⵍⵍⵉ ⵜⵏⵏⴰ ⵜⵎⵜⵜⴰ ⵜⵉⵙⵙ 15 ⵏ ⵓⵎⵙⴰⵙⴰ ⵏ ⵚⵚⵅⵉⵕⴰⵜ.

ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵢⴰⵜ ⵜⵏⴰⵡⵜ ⵏ ⵜⵏⵖⵎⴰⵙⵜ ⴷⴼⴼⵉⵔ ⵍⵍⵉⵖ ⵉⵇⵇⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵍⵍⵉ ⵜⴱⴷⴰ ⴳ ⵓⵙⵉⵎⵡⴰⵙ ⵉⵣⵔⵉⵏ ⵙ ⵜⵉⵍⵉⵜ ⵏ ⵉⴳⵎⴰⵎⵏ ⵏ ⵉⴽⴰⴱⴰⵕⵏ ⴷⵔⴰⵏⵉⵏ ⵎⴰⵙ ⵉⵍⵍⴰ ⵉⵎⵙⴰⵙⴰⵏ ⴰⴷ ⴳ ⵎⵃⴹⵕ ⵍⵍⵉ ⵔⴰⴷ ⵢⴰⵙⵉⵏ ⵉ ⵢⵏⵙⵙⵉⵅⴼⵏ ⵏ ⵓⵙⵇⵇⵉⵎ ⴰⵏⴼⵍⵍⴰ ⵏ ⵓⵡⴰⵏⴽ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵎⵖⵔ ⵉⵎⴰⵏ ⵉⴼⵓⵍⴽⵉ ⴳ ⵜⵔⵎⵉⵏ ⵏ ⵓⵎⵙⴰⵡⴰⵍ ⵍⵍⵉ ⵢⵟⵟⴰⴼⵏ ⴽⵓⵍ ⵉⴱⴱⵉⴷⵏ ⵏ ⵉⵎⵓⵔⵙ .

ⵉⴼⵔⴰ ⵢⵉⵏⵏⴰ ⵓⵎⴰⵡⵙⴰⵙ ⵎⴰⵙ ⵉⴱⴱⵉⴷⵏ ⵉⴳⴰⵏ ⴳ ⵍⴱⴷⵓ "ⴰⵏⴰⵍⵍ ⴰⵎⵉⴼⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵜⴳⵍⴷⵉⵜ ⵏ ⴽⵓ ⵎⴰⴷ ⵉⴳⴰⵏ ⵓⵔⴳⴳ ⵏ ⵍⵉⴱⵢⴰ ⴷ ⴰⵙⵙⵓⴼⵖ ⵜ ⵙⴳ ⵜⴰⵙⵙⴰⵙⵜ ⵍⵍⵉ ⵜⵙⵙⵏ ⴳ ⵉⵙⴳⴳⵯⴰⵙⵏ", ⵉⵙⵓⵍ ⵉⵏⵏⴰ ⵎⴰⵙ ⵜⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴱⵉⴷⴷ ⵅⴼ "ⴰⵏⵏⴰⵍ ⵓⵔ ⵉⵍⵉ ⴳⵉⵙ ⵜⴼⴰⴷⴰ ⵏ ⵉⵎⴷⴷⴷⵓⴽⴽⵯⵍⵏ ⵉⵍⵉⴱⵢⵉⵏ ⴳ ⵜⵙⵏⵜⴰⵢⵉⵏ ⵏ ⵉⵍⴽⵎ ⵏ ⵉⵎⵙⴰⵙⴰⵏ ⴷ ⵉⴼⵙⵙⴰⵢⵏ ⵏ ⵜⵙⵙⴰⵙⵜ ⵏⵏⵙⵏ" .

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%8E%E2%B5%99%E2%B4%B0%E2%B5%A1%E2%B4%B0%E2%B5%8D-%E2%B4%B0%E2%B5%8D%E2%B5%89%E2%B4%B1%E2%B5%89-%E2%B4%B3-%E2%B4%B1%E2%B5%93%E2%B5%A3%E2%B5%8F%E2%B5%89%E2%B5%87%E2%B4%B0-%E2%B5%89%E2%B5%8E%E2%B5%99%E2%B4%B0%E2%B5%99%E2%B5%8F-%E2%B5%8F-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B5%89%E2%B4%B7%E2%B4%B7%E2%B5%93%E2%B5%94%E2%B5%8F-%E2%B4%B3-%E2%B5%93%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%93%E2%B5%99%E2%B5%9C%E2%B4%B0%E2%B5%A2-%E2%B5%8F-%E2%B5%8E%E2%B5%89%E2%B4%B7%E2%B4%B7%E2%B5%8F