Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

20 ⵏⵓⵡⴰⵏⴱⵉⵔ 2020 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ:

"ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⴰⴷ ⵏ ⵓⵙⵉⵎⵡⴰⵙ, ⵢⴰⵏ ⵓⵍⴰⵖⵉ ⴰⵜⵉⵍⵉⴼⵓⵏⵉ ⴷ ⴳⵯⵎⴰⵜ ⵎⴰⵙⵙ ⵎⵓⵃⵎⵎⴷ ⵡⵍⴷ ⵛⵛⵉⵅ ⵍⵖⵣⵡⴰⵏⵉ, ⴰⵏⵙⵙⵉⵅⴼ ⵏ ⵜⴳⵍⴷⵉⵜ ⵜⵉⵙⵍⴰⵎⵉⵜ ⵏ ⵎⵓⵕⵉⵟⴰⵏⵢⴰ.   

ⴰⵎⵎⴰⵙ ⵏ ⵓⵍⴰⵖⵉ ⵢⴰⴷ, ⵙⴰⵡⵍⵏ ⵙⵉⵏ ⵉⵏⵙⵙⵉⵅⴼⵏ ⵏ ⵓⵡⴰⵏⴽ ⵅⴼ ⵜⵎⵔⵏⵉⵡⵉⵏ ⴼⵙⵙⵓⵙⵏⵉⵏ ⵍⵍⵉ ⵢⵙⵙⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ, ⵓⵍⴰ ⵜⵉⵔⴰⵜ ⵜⴰⵎⵇⵕⴰⵏⵜ ⵏⵏⵙⵏ ⴰⴷ ⵙⴷⵓⵙⵏ ⴷ ⴰⴷ ⵙⵙⵖⵍⵉⵏ ⴰⵎⵢⴰⵡⴰⵙ ⴰⴷ ⵙ ⵢⴰⵏ ⵓⵙⵡⵉⵔ ⵉⵥⴹⴰⵕⵏ ⴰⴷ ⵢⴰⵡⵉ ⴰⵙⵙⵖⴱⵓ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵉⵣⴰⵔ ⵜⵉⴹⴹⵊⴰⵕⵉⵏ, ⵓⵍⴰ ⴰⵙⵙⵓⵙⵄⵓ ⵏ ⵉⵎⵏⵉⴷⵏ ⴷ ⵓⵙⵎⵢⴰⵏⴰⵡ ⵏ ⵉⴳⵔⵏ ⵏⵏⵙⵏ.   

ⴰⵍⴰⵖⵉ ⴰⵜⵉⵍⵉⴼⵓⵏⵉ ⵢⴰⴷ ⵉⴳⴰ ⵙⵓⵍ ⴰⵣⵎⵣⵣⵓ ⵍⵍⵉⵖ ⵙⴰⵡⵍⵏ ⵙⵉⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵅⴼ ⵜⵎⵔⵏⵉⵡⵉⵏ ⴳⴳⵯⵔⴰⵏⵉⵏ ⵉⵣⵔⵉⵏ ⴳ ⵜⵙⴳⴰ. 

ⴳ ⵓⵣⵎⵣⵣⵓ ⵢⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵙ ⵉⵥⴹⴰⵕ ⴰⴷ ⵉⵙⴽⵔ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵙ ⵜⴳⴷⵓⴷⴰⵏⵜ ⵜⵉⵙⵍⴰⵎⵉⵜ ⵏ ⵎⵓⵕⵉⵟⴰⵏⵢⴰ, ⴷ ⵉⴼⴽⴰ ⵙⵓⵍ ⵉ ⵡⵏⵙⵙⵉⵅⴼ ⴰⵎⵓⵕⵓⵟⴰⵏⵉ ⵜⴰⵖⵓⵔⵉ ⴰⴷ ⵉⵔⵣⴼ ⵜⵎⴰⵣⵉⵔⵜ ⵜⵉⵙⵙ ⵙⵏⴰⵜ ⵏⵏⵙ, ⵜⴰⴳⵍⴷⵉⵜ ⵏ ⵍⵎⵖⵔⵉⴱ".

Dernière modification : 20 ⵏⵓⵡⴰⵏⴱⵉⵔ 2020
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-40