ⴰⵙⵙⵓⵖⴼ ⵏ ⵓⴷⵍⵉⵙ "ⴰⵏⵟⵓⵍⵓⵊⵢⴰ ⵏ ⵕⵕⵡⴰⵢⵙ" ⵉⴳⵍⴰ ⵏ ⵜⵙⴷⵍⵉⵙⵜ ⵏ ⵓⵢⴷⴰ ⴰⵔⴽⵎⴰⵎ ⴰⵎⴰⵣⵉⵖⵜ ⴰⵏⴰⵎⵓⵔ (ⴱⵔⴰⵀⵉⵎ ⵍⵎⵣⵏⴷ)

04 ⴱⵕⴰⵢⵕ 2021 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵎⵔⵣⵓ ⴷ ⴰⵎⵙⴽⴰⵔ ⴳ ⵉⴳⵔ ⴰⴷⵎⵙⴰⵏ ⴱⵔⴰⵀⵉⵎ ⵍⵎⵣⵏⴷ ⵎⴰⵙ ⴰⵙⵙⵓⴼⵖ ⵏ ⵓⴷⵍⵉⵙ ⵕⵔⵡⴰⵢⵙ ..ⴰⵏⵎⴰⴷⴷⵓ ⴳ ⵓⵎⴰⴹⴰⵍ ⵏ ⵕⵕⵡⴰⵢⵙ" ⵍⵍⵉ ⵢⵙⵙⵉⵅⴼ ⴳ ⵓⵙⴽⵔ ⵏⵏⵙ ⵉⴳⴰ ⵏ ⵉⴳⵍⴰ ⵏ ⵓⵢⴷⴰ ⴰⵔⴽⵎⴰⵎ ⴰⵎⴰⵣⵉⵖ ⴷ ⴰⵏⴰⵎⵓⵔ .

ⵉⴼⵔⴰ ⵢⵉⵏⵏⴰ ⵎⴰⵙⵙ ⵍⵎⵣⵏⴷ ⴳ ⵢⴰⵏ ⵓⵎⵙⵏⴰⵍⴰ ⴷ ⵓⵙⵙⴰⵔⵓ ⵏ ⵜⵏⵖⵎⴰⵙⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵎⴰⵙ ⵓⴷⵍⵉⵙ ⴰⴷ ⵍⵍⵉ ⵢⴼⴼⵖ ⴳ ⵡⴰⵙⵙⵏ ⵉⵣⵔⵉⵏ ⵙⴳ ( ⵜⵎⵔⵙⴰⵍⵜ ⴰⵏⵢⴰ) ⴷ (ⵜⴰⵎⵙⵎⵓⵏⵜ ⵏ ⴰⵟⵍⴰⵚ ⴰⵣⴰⵡⴰⵏ) "ⴰⵙⵢⴰⴼⵓ ⵏ ⵓⴳⴳⵔ ⵏ ⵙⵉⵏ ⵉⵙⴳⴳⵯⴰⵙⵏ ⵏ ⵓⵔⵣⵣⵓ ⴷ ⵜⴰⵡⵓⵔⵉ ⵜⴰⵎⴰⵙⴰⵏⵜ ⴷ ⵜⵡⵓⵔⵉ ⴷ ⵎⵛⵜⴰ ⵏ ⵉⵏⴰⵣⵓⵕⵉⵏ ⴷ ⵜⵉⵏⴰⵥⵓⵕⵉⵏ ⴷⵔⴰⵏ ⴳ ⵜⵡⵓⵔⵉ ⴰⴷ " ⵉⵙⵓⵍ ⵉⵏⵏⴰ ⵎⴰⵙ ⵓⴷⵍⵉⵙ ⴰⴷ ⵉⵎⵓⵏ ⴷ ⵉⵙⵡⵍⴼⵏ ⵏ ⵓⵣⴰⵡⴰⵏ ⵏ ⵎⵏⵏⴰⵡ ⵏ ⵉⵣⵍⵉⵏ ⵉⵇⴱⵓⵕⵏ ⴳ ⵓⵢⴷⴰ ⵏ ⵕⵕⵡⴰⵢⵙ.

ⵉⵣⵎⵎⵓⵎ ⵎⴰⵙ ⵜⴰⵡⵓⵔⵉ ⵜⴰⵎⴰⵢⵏⵓⵜ ⵉⴽⵛⵎ ⴷⴼⴼⵉⵔ ⵏ ⵓⴷⵍⵉⵙ "ⴰⵏⵟⵓⵍⵓⵊⵢⴰ ⵍⵄⵉⵟⴰ" ⴳ ⵓⵙⴳⴳⵯⴰⵙ 2018 ⵉⵔⵏⴰ ⵢⵉⵏⵏⴰ ⵎⴰⵙ ⵜⴰⵡⵓⵔⵉ ⴳ ⵙⵏⴰⵜ ⵉⵙⴳⴳⵯⴰⵙⵏ ⵅⴼ ⴰⵢⴷⴰ ⵓⵔ ⵜⵎⵜⵜⴰ ⴰⵎⵖⵔⴰⴱⵉ ⴳ ⵓⵎⵏⵉⴷ ⵏ ⵓⵣⴰⵡⴰⵏ ⴷ ⴰⴼⵓⵍⴽⵉ ⴷ ⴰⵏⴰⵎⵓⵏ ⴰⴼⴰⴷ ⵏ ⵜⵜⵓⴼⴽⴰ ⴰⴷⴷⵓⵔ ⵓⴳⴳⴰⵔ ⵏ ⵓⵢⴷⴰ ⴳ ⴷⴷⵓ ⵏ ⵜⵏⵥⵕⵉⵏ ⵍⵍⵉ ⵜⵙⵔⵙ ⵜⵙⵎⴰⴹⴰⵍⵜ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B5%99%E2%B5%93%E2%B5%96%E2%B4%BC-%E2%B5%8F-%E2%B5%93%E2%B4%B7%E2%B5%8D%E2%B5%89%E2%B5%99-%E2%B4%B0%E2%B5%8F%E2%B5%9F%E2%B5%93%E2%B5%8D%E2%B5%93%E2%B5%8A%E2%B5%A2%E2%B4%B0-%E2%B5%8F-%E2%B5%95%E2%B5%95%E2%B5%A1%E2%B4%B0%E2%B5%A2%E2%B5%99-%E2%B5%89%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%99%E2%B4%B7%E2%B5%8D%E2%B5%89%E2%B5%99%E2%B5%9C-%E2%B5%8F-%E2%B5%93%E2%B5%A2%E2%B4%B7%E2%B4%B0-%E2%B4%B0%E2%B5%94%E2%B4%BD%E2%B5%8E%E2%B4%B0%E2%B5%8E%C2%A0-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94