ⵉⵅⵚⵚⴰ ⴰⴷ ⵜⴼⴼⵖ ⵜⵎⵓⵏⵜ ⵜⵓⵕⵓⴱⴱⵉⵜ ⵙⴳ ⵜⵎⵣⵍⴰ ⵏ ⵓⵙⵍⵎⴰⴷ ⴷ ⵓⵏⵍⵎⴰⴷ ⴳ ⵜⵓⵇⵇⵏⴰ ⵏⵏⵙ ⴷ ⵉⴷⵊⵊⴰⵕⵏ ⵏ ⵉⴼⴼⵓⵙ (ⵎⴰⵙⵙ ⴱⵓⵕⵉⵟⴰ)

24 ⴱⵕⴰⵢⵕ 2021 Version Imprimable

ⴱⵔⵓⴽⵙⵉⵍ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴳ ⵢⴰⵏ ⵓⵎⵙⵏⴰⵍⴰ ⵍⵍⵉ ⵢⴼⴽⴰ ⵉ ⵜⵙⵏⵓⵕⴰⵢⵜ ⵜⵓⵕⵓⴱⴱⵉⵜ, ⵎⴰⵙ ⵉⵅⵚⵚⴰ ⴰⴷ ⵜⴼⴼⵖ ⵜⴰⵎⵓⵏⵜ ⵜⵓⵕⵓⴱⴱⵉⵜ, ⴰⵎⵎⴰⵙ ⵏ ⵜⵓⵇⵇⵏⴰ ⵏⵏⵙ ⴷ ⵉⴷⵊⵊⴰⵕⵏ ⵏ ⵉⴼⴼⵓⵙ ⵏ ⵉⵍⵍ ⴰⵏⴰⵎⵎⴰⵙ ⵓⵎⵍⵉⵍ, ⴰⴷ ⵜⴼⴼⵖ ⵙⴳ ⵜⵎⵣⵍⴰ ⵏ "ⵓⵙⵍⵎⴰⴷ" ⴷ "ⵓⵏⵍⵎⴰⴷ".

ⵍⵍⵉⵖ ⵉⵙⴰⵡⵍ ⵅⴼ ⵜⵖⵜⴰⵙⵜ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⴰⴷ ⵜⴽⴽⵯⵙ ⵍⵎⵖⵔⵉⴱ ⵙⴳ ⵜⵍⴳⴰⵎⵜ ⵜⴰⵎⵖⴷⵓⴷⵉⵜ ⵏ ⵉⵔⴳⴰⵢⵏ, ⵉⵣⵎⵎⴻⵎ ⵓⵎⴰⵡⵙⴰⵙ ⵎⴰⵙ ⵜⵏⵏⴰ ⵜⴳⵍⴷⵉⵜ, ⵙⴳ ⵍⴱⴷⵓ, ⵎⴰⵙ ⵓⵙⵏⵎⴰⵍⴰ ⵉⵅⵚⵚⴰ ⴰⴷ ⵉⴳ ⵍⴱⴷⵓ ⵏ ⵓⵙⵡⵓⴷⴷⵓ ⵏ ⵉⵙⴷⴰⵡⵏ ⵉⵛⵇⵇⴰⵏ ⵉⵍⵍⴰⵏ ⴳⵔ ⵙⵉⵏ ⵉⵎⴷⵔⴰⵡⵏ, ⴷ ⵎⴰⵙ ⵜⴰⵎⵓⵏⵜ ⵜⵓⵕⵓⴱⴱⵉⵜ ⵉⵅⵚⵚⴰ ⵢⴰⵜ, ⴳ ⵓⵏⴰⵡ ⵏ ⵜⵍⴳⴰⵎⵉⵏ ⴰⴷ, ⴰⴷ ⵜⵥⵕ ⵜⵎⴷⵔⴰⵡⵜ ⴰⴷ ⴳ ⵓⵎⵏⵉⴷ ⵏⵏⵙ ⵉⵖⵣⵓⵔⴰⵏ.

ⵉⵙⵓⵍ ⵉⵏⵏⴰ ⵎⴰⵙ "ⵜⴰⵎⵓⵏⵜ ⵜⵓⵕⵓⴱⴱⵉⵜ ⵓⵔ ⵉⵅⵚⵚⴰ ⴰⴷ ⵜⵙⵔⵙ ⵉⴱⵉⴷⴷⵏ ⴷ ⴰⴷ ⵜⵉⵏⵉ ⵎⴰⵙ "ⵔⴰⴷ ⵜⵏ ⵏⴹⴼⵕ ⴷ ⵜⴷⵣⴰⵢⵔⵉⵏ ⵏ ⴽⴰⵢⵎⴰⵏ ⵏⵖⴷ ⵍⵎⵖⵔⵉⴱ"", ⵉⵙⵓⵍ ⵉⵏⵏⴰ ⵎⴰⵙ "ⵉⴳ ⴷⴷⵓⵔⵏ ⵉⴷⵊⴰⵕⵏ ⵏ ⵉⴼⴼⵓⵙ, ⵓⵔ ⵉⵅⵚⵚⴰ ⴰⴷ ⴰⵙⵉⵏ ⵜⵍⴽⴰⵎⵉⵏ ⵏ ⵜⵖⵜⴰⵙⵉⵏ ⵉⵜⵜⵢⵓⵎⴰⵥⵏ ⵙⴳ ⵜⵎⵓⵏⵜ ⵜⵓⵕⵓⴱⴱⵉⵜ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%89%E2%B5%85%E2%B5%9A%E2%B5%9A%E2%B4%B0-%E2%B4%B0%E2%B4%B7-%E2%B5%9C%E2%B4%BC%E2%B4%BC%E2%B5%96-%E2%B5%9C%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B5%93%E2%B5%95%E2%B5%93%E2%B4%B1%E2%B4%B1%E2%B5%89%E2%B5%9C-%E2%B5%99%E2%B4%B3-%E2%B5%9C%E2%B5%8E%E2%B5%A3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%8D%E2%B5%8E%E2%B4%B0%E2%B4%B7-%E2%B4%B7-%E2%B5%93%E2%B5%8F%E2%B5%8D%E2%B5%8E%E2%B4%B0%E2%B4%B7-%E2%B4%B3-%E2%B5%9C%E2%B5%93%E2%B5%87%E2%B5%87%E2%B5%8F%E2%B4%B0-%E2%B5%8F%E2%B5%8F%E2%B5%99-%E2%B4%B7-%E2%B5%89%E2%B4%B7%E2%B5%8A%E2%B5%8A%E2%B4%B0%E2%B5%95%E2%B5%8F-%E2%B5%8F