Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

04 ⵉⴱⵔⵉⵔ 2021 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ :

"ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵣⵉⴽⴽ ⴳ ⵜⴼⴰⵡⵜ ⵏ ⴰⵙⵙ ⵏ ⵓⵙⴰⵎⴰⵙ, ⵢⴰⵏ ⵓⵎⵙⵏⴰⵍⴰ ⴰⵜⵉⵍⵉⴼⵓⵏⵉ ⴷ ⴳⵯⵎⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵄⴱⴷⵍⵍⴰⵀ ⵡⵉⵙⵙ ⵙⵉⵏ ⵉⴱⵏ ⵍⵃⵓⵙⴰⵢⵏ, ⴰⴳⵍⵍⵉⴷ ⵏ ⵜⴳⵍⴷⵉⵜ ⵜⴰⵀⴰⵛⵉⵎⵉⵜ ⵏ ⵍⵓⵕⴹⵓⵏ.

ⵉⴳⴰ ⵡⵎⵙⵏⴰⵍⴰ ⵢⴰⴷ ⴰⵣⵎⵣⵣⵓ ⴰⴷ ⵉⵙⵙⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵏⵉⴽ ⴰⴷ ⵉⴳⴰ ⵡⵙⵓⵔⵙ ⵅⴼ ⵜⵙⵉⵍⴰ ⵏ ⵜⵎⵓⵛⴰ ⵍⵍⵉ ⵢⴱⴹⴰ ⵓⴳⵍⵍⵉⴷ ⵏ ⵍⵓⵕⴹⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.   

ⴳ ⵓⵣⵎⵣⵣⵓ ⵢⴰⴷ, ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⴷⴰⴷⵜ ⵜⴰⴳⴰⵎⴰⵜ ⵏⵏⵙ ⴷ ⵜⵎⴰⵣⵉⵔⵜ ⵜⵓⵍⵜⵍⵎⴰⵜ ⵏ ⵍⵓⵕⴹⵓⵏ ⴷ ⵓⵏⵏⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⵉ ⴽⵔⴰ ⵢⴳⴰⵜⵜ ⵜⵖⵜⴰⵙⵜ ⵍⵍⵉ ⵔⴰⴷ ⵢⴰⵎⵥ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵄⴱⴷⵍⵍⴰⵀ ⵡⵉⵙⵙ ⵙⵉⵏ ⴰⴼ ⴰⴷ ⵉⵙⴷⵓⵙ ⵜⴰⵏⴼⵔⵓⵜ ⴷ ⵓⵔⴳⴳ. 

ⵉⵎⵍⴰ ⵡⵎⵙⵏⴰⵍⴰ ⴰⵜⵉⵍⵉⴼⵓⵏⵉ ⵢⴰⴷ ⵉⵣⴷⴰⵢⵏ ⵉⵎⵣⵔⵓⵢⵏ ⴷ ⵉⵡⴰⵛⵓⵏⵏ ⵍⵍⵉ ⵢⵙⵎⴰⵏⵏ ⵙⵉⵏ ⵉⴳⵍⵍⵉⴷⵏ ⴷ ⵜⵡⴰⵛⵓⵏⵉⵏ ⵜⵉⴳⵍⴷⴰⵏⵉⵏ, ⵓⵍⴰ ⵢⵣⴷⴰⵢⵏ ⵉⵙⵎⴰⵏⵏ ⵙⵏⴰⵜ ⵜⵎⵉⵣⴰⵔ ⴷ ⵙⵉⵏ ⵉⴳⵎⴰⵎⵏ ⴰⴳⵯⵎⴰⵜⵏ". 

Dernière modification : 04 ⵉⴱⵔⵉⵔ 2021
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-53