ⵉⵜⵜⵓⵙⴱⴷⴷ ⵢⴰⵏ ⵓⵙⵏⵜⵉ ⴰⴱⵔⵙⴳⴳⴰⴷ ⴳ ⴼⵕⴰⵏⵚⴰ ⴷⴼⴼⵉⵔ ⵏ ⵉⵏⵖⵎⵉⵙⵏ ⵍⵍⵉ ⵜⴼⴽⴰ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ

06 ⵉⴱⵔⵉⵔ 2021 Version Imprimable

ⵕⵕⴱⴰⵟ - ⵜⵙⵙⵍⴽⵎ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ, ⴰⵙⵙ ⴰⵣⵡⴰⵔⵓ ⵏ ⵉⴱⵔⵉⵔ 2021, ⵉ ⵜⵏⴰⴼⵓⵜⵉⵏ ⵏ ⵓⵎⵍⵉ ⵜⵉⴼⵕⴰⵏⵚⴰⵡⵉⵏ ⵜⵉⴱⵕⵕⴰⵏⵉⵢⵏ ⴷ ⵜⵉⴳⵯⵏⵙⴰⵏⵉⵏ, ⵉⵏⵖⵎⵉⵙⵏ ⵅⴼ ⵢⴰⵜ ⵜⵏⴰⵎⵓⵔⵜ ⵜⴼⵕⴰⵏⵚⴰⵡⵉⵜ ⵏ ⵓⵙⴰⴳⵎ ⴰⵎⵖⵔⴰⴱⵉ ⵍⵍⵉ ⵢⵜⵃⵢⵢⴰⵍⵏ ⵢⴰⵜ ⵜⵎⵀⵍⴰ ⵜⴰⴱⵔⵙⴳⴳⴰⴷⵜ ⵉⵔⴰⵏ ⴰⴷ ⵜⵓⵜ ⵢⴰⵏ ⵓⴷⵖⴰⵔ ⵏ ⵜⵥⴰⵍⵍⵉⵜ ⴳ ⴼⵕⴰⵏⵚⴰ (ⵜⴰⴽⵏⵉⵙⵉⵜ).

ⵙ ⵉⵏⵖⵎⵉⵙⵏ ⴰⴷ, ⵥⴹⴰⵕⵏⵜ ⵜⵏⴱⴰⴹⵉⵏ ⵜⴼⵕⴰⵏⵚⴰⵡⵉⵏ ⴰⴷ ⵙⴽⵔⵏⵜ, ⵡⵙⵙⴰⵏ ⵏ 3 ⴷ 4 ⵉⴱⵔⵉⵔ, ⵜⵎⵀⵍⵉⵡⵉⵏ ⵏ ⵓⵎⵎⴰⵥ ⵍⵍⵉ ⴷ ⵢⵉⵡⵉⵏ ⴰⵙⴱⵉⴷⴷ ⵏ ⵉⵙⴷⵉⴷⵉⵏ ⵏ ⵓⵙⵏⵜⵉ ⴰⴱⵔⵙⴳⴳⴰⴷ ⴰⴷ, ⵎⴰ ⵢⴰⴷ ⵉⵏⵏⴰ ⵡⵎⵙⵉⵡⵍ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵏ ⵜⵏⴰⴼⵓⵜⵉⵏ ⵏ ⵓⵎⵍⵉ ⵜⵉⴼⵕⴰⵏⵚⴰⵡⵉⵏ ⵜⵉⴱⵕⵕⴰⵏⵉⵢⵏ ⴷ ⵜⵉⴳⵯⵏⵙⴰⵏⵉⵏ.

ⵉⵏⵖⵎⵉⵙⵏ ⴰⴷ ⵍⵍⵉ ⵜⴼⴽⴰ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⵉ ⵜⵏⴰⴼⵓⵜⵉⵏ ⵜⵉⵏⴼⵔⵓⵜⵉⵏ ⵜⵉⴼⵕⴰⵏⵚⴰⵡⵉⵏ ⵍⵍⴰⵏ ⴳⵉⵜⵏ ⵜⵉⵎⵓⵛⴰ ⵜⵉⵏⵉⵎⴰⵏⵉⵏ ⵅⴼ ⵜⵎⵖⴰⵕⵜ ⵍⵍⵉ ⵉⵜⵜⵓⵎⴰⵥⵏ ⴷ ⵜⵎⵓⵛⴰ ⵏ ⵜⵎⴰⴳⵉⵜ ⵜⵉⵍⵉⴽⵟⵕⵓⵏⵉⵜ, ⵓⵍⴰ ⵅⴼ ⵓⵙⵏⵜⵉ ⴰⴱⵔⵙⴳⴳⴰⴷ ⵍⵍⵉ ⴰⵔ ⵜⵃⵢⵢⴰⵍ ⴰⴷ ⵜⵙⴽⵔ ⵙ ⵜⵣⴷⵉⵜ ⴷ ⵉⴳⵎⴰⵎⵏ ⵏ ⵓⵙⵓⴷⵙ ⴰⴱⵔⵙⴳⴳⴰⴷ "ⴷⴰⵄⵉⵛ", ⵎⴰ ⵢⴰⴷ ⵉⵔⵏⴰ ⵢⵏⵏⴰ ⵓⵙⴰⴳⵎ ⴰⴷ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%89%E2%B5%9C%E2%B5%9C%E2%B5%93%E2%B5%99%E2%B4%B1%E2%B4%B7%E2%B4%B7-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%8F%E2%B5%9C%E2%B5%89-%E2%B4%B0%E2%B4%B1%E2%B5%94%E2%B5%99%E2%B4%B3%E2%B4%B3%E2%B4%B0%E2%B4%B7-%E2%B4%B3-%E2%B4%BC%E2%B5%95%E2%B4%B0%E2%B5%8F%E2%B5%9A%E2%B4%B0-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8F-%E2%B5%89%E2%B5%8F%E2%B5%96%E2%B5%8E%E2%B5%89%E2%B5%99%E2%B5%8F-%E2%B5%8D%E2%B5%8D%E2%B5%89-%E2%B5%9C%E2%B4%BC%E2%B4%BD%E2%B4%B0-%E2%B5%9C%E2%B5%8E%E2%B5%80%E2%B5%8D%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2%E2%B5%9C-%E2%B5%8F