ⵢⴰⵜ ⵜⵙⵇⵓⵏⵙⵓⵜ ⵉⵜⵜⵎⵓⵜⵜⵓⵢⵏ ⵉ ⵢⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⵏⴰⵎⵉⴱⵢⴰ

21 ⵉⴱⵔⵉⵔ 2021 Version Imprimable

ⵍⵡⴰⵏⴷⴰ - ⵉⵜⵜⵢⵓⵙⵙⴰⵏ ⴷⴰⵔ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴳ ⴰⵏⴳⵓⵍⴰ ⴷ ⵏⴰⵎⵉⴱⵢⴰ ⵎⴰⵙ ⵔⴰⴷ ⵜⵜⵙⵏⵎⴰⵍⴰ ⴳ ⵡⵙⵙⴰⵏ ⵏ ⵓⵙⵉⵏⴰⵙ ⴷ ⴰⴽⵕⴰⵙ ⵢⴰⵜ ⵜⵙⵇⵓⵏⵙⵓⵜ ⵉⵜⵜⵎⵓⵜⵜⵓⵢⵏ ⵏ ⴰⵙⵓⴼⴼⵖ ⵏ ⵜⴽⵕⴹⴰ ⵜⴰⵏⴰⵎⵓⵔⵜ ⵜⵉⵍⵉⴽⵟⵕⵓⵏⵉⵜ ⵜⴰⵎⴰⵢⵏⵓⵜ ⵉ ⵢⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⵜⴳⴷⵓⴷⴰⵏⵜ ⵏ ⵏⴰⵎⵉⴱⵢⴰ.

ⵜⴽⵛⵎ ⵜⵙⵏⵜⴰⵢⵜ ⴰⴷ ⴳ ⵓⵙⴰⵜⵉ ⵏ ⵜⵉⵔⴰⵜ ⵜⵎⵖⵍⴰⵍⵜ ⵏ ⵓⵙⵎⵏⵉⴷ ⵏ ⵜⵏⴰⴼⵓⵜ ⵏ ⵜⵙⵇⵓⵏⵙⵓⵜ ⵏ ⵓⴽⵎⵓⵔ ⵉ ⵢⵎⵖⵔⴰⴱⵉⵢⵏ ⴳ ⴱⵕⵕⴰ, ⵖⵉⴽ ⵍⵍⵉ ⵏⵏⴰⵏ ⵉⵏⴹⵏ ⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⴷ ⵜⵣⵡⵓⵔⵜ ⵍⵍⵉ ⵢⴼⴽⴰ ⴰⵍⵍⵓⵍ ⴰⴷⵉⴱⵍⵓⵎⴰⵙⵉ ⴷ ⴰⵙⵇⵓⵏⵙⵓ ⵏ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ.

ⵜⴼⵔⴰ ⵜⵏⵏⴰ ⵜⵎⵙⵇⴰⴷⵜ ⵎⴰⵙ ⵜⵔⴰ ⵜⵎⵀⵍⴰ ⵢⴰⴷ ⵔⴰⴷ ⵜⴰⵊⵊ ⵉⵎⵖⵔⴱⵉⵢⵏ ⴰⴷ ⴰⵎⵥⵏ ⵜⴽⵕⴹⴰ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ ⵜⵉⵍⵉⴽⵟⵕⵓⵏⵉⵜ ⵏⵖⴷ ⴰⵙⵎⴰⵢⵏⵓ ⵏⵏⵙ, ⵜⵔⵏⴰ ⵜⵏⵏⴰ ⵎⴰⵙ ⵜⵎⵀⵍⴰ ⵢⴰⴷ ⵜⵔⴰ ⵙⵓⵍ ⴰⴷ ⵜⵍⴽⵎ ⵉ ⵎⴷⴷⵏ ⵉⵎⵇⵇⵓⵕⵏ ⴷ ⵉⵎⵥⵥⵉⵏ ⵉⵟⵟⴰⴼⵏ ⵓⴳⴳⴰⵔ ⵏ 12 ⵓⵙⴳⴳⵯⴰⵙ ⵍⵍⵉ ⵣⴷⵖⵏⵉⵏ ⴳ ⵏⴰⵎⵉⴱⵢⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%A2%E2%B4%B0%E2%B5%9C-%E2%B5%9C%E2%B5%99%E2%B5%87%E2%B5%93%E2%B5%8F%E2%B5%99%E2%B5%93%E2%B5%9C-%E2%B5%89%E2%B5%9C%E2%B5%9C%E2%B5%8E%E2%B5%93%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%89-%E2%B5%A2%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%A2%E2%B5%8F-%E2%B5%A3%E2%B4%B7%E2%B5%96%E2%B5%8F%E2%B5%89%E2%B5%8F-%E2%B4%B3-%E2%B5%8F%E2%B4%B0%E2%B5%8E%E2%B5%89%E2%B4%B1%E2%B5%A2%E2%B4%B0