Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴹ ⵏⵏⵙ ⴰⵡⴰⵙⵙⴰⵏ ⵉ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵙ ⵓⵣⵎⵎⵣⵓ ⵏ ⵓⵙⵙⴽⵜⵉ ⵡⵉⵙⵙ 65 ⵏ ⵜⵎⵔⵙⵍⵜ ⵏⵏⵙⵏⵜ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴹ ⵏⵏⵙ ⴰⵡⴰⵙⵙⴰⵏ ⵉ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵙ ⵓⵣⵎⵎⵣⵓ ⵏ ⵓⵙⵙⴽⵜⵉ ⵡⵉⵙⵙ 65 ⵏ ⵜⵎⵔⵙⵍⵜ ⵏⵏⵙⵏⵜ

14 ⵎⴰⵢⵢⵓ 2021 Version Imprimable
ⴼⴰⵙ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⵏ ⵍⵉⵟⴰ ⵎⴰⵊⵓⵕ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴰⵙⵙ ⵏ ⵓⵙⵉⵎⵡⴰⵙ, "ⵉⴹ ⴰⵡⴰⵙⵙⵏ" ⵉ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵙ ⵓⵣⵎⵎⵣⵓ ⵏ ⵓⵙⵙⴽⵜⵉ ⵡⵉⵙⵙ 65 ⵏ ⵜⵎⵔⵙⵍⵜ ⵏ ⵓⵙⵙⵓⴼⵖ ⵏⵏⵙ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⴳ ⴰⵙⵙ ⴰⴷ, ⵍⵍⵉ ⵢⵎⴰⴳⴳⴰⵔⵏ ⴰⵙⴳⴳⵯⴰⵙ ⴰⴷ ⴷ ⵜⴼⵓⴳⵍⴰ ⵏ ⵍⴼⵉⵜⵕ ⵜⴰⵎⴱⴰⵕⴽⵉⵜ, ⵏⵙⵙⴽⵜⵉ ⴽⵓⵍⵍⵓ ⵢⴰⵖ ⴰⵙⵙⴽⵜⵉ ⵡⵉⵙⵙ 65 ⵏ ⵜⵎⵔⵙⵍⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵣⵎⵣⵣⵓ ⵍⵍⵉ ⵏⵙⴼⵓⴳⵍⴰ ⴱⴷⴷⴰ ⴷ ⵍⵍⵉ ⵖⵓⵔⵙ ⵉⵜⵉⴳⵏ ⵉⵇⴱⵓⵔⵏ ⵉⵎⴰⵏⵏ ⴷ ⵓⵙⵙⵓⴼⵖ ⵏ ⵜⴳⴳⴰⵍⵉⵏ ⴰⴷ ⵙⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ, ⴷ ⵓⵎⴷⴰⴽⴽⵯⵍ ⵏⵏⵙ ⴳ ⵓⵖⴰⵔⴰⵙ ⵏ ⵜⵓⵚⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ, ⴰⴷ ⵜⵏ ⵉⵕⵃⵎ ⵕⴱⴱⵉ.

ⴳ ⵓⵙⴰⵜⵉ ⴷⵖ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵍⵍⵉⵖ ⵏⴳⴰ ⴰⵏⵙⵙⵉⵅⴼ ⴰⵏⴰⴼⵍⵍⴰ ⵏ ⵍⵉⵟⴰ ⵎⴰⵊⵓⵕ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ, ⵏⵙⵏⵎⵎⵔ ⵜⵓⴳⴳⴰⵣ ⵏⵏⵓⵏ ⵉⵔⵏⴰⵏ ⵏ ⵓⵙⴷⵓⵙ ⴷ ⵓⵔⴰⵢ ⵓⵜⵜⴰⵡ ⴳ ⵉⵍⵍ ⴷ ⵡⴰⴹⵓ, ⵙ ⵓⵎⵓⵙⵙⵓ ⵏ ⵓⴼⴳⴰⵏ ⴳ ⵜⵓⵚⴽⴰ ⵏ ⵉⵎⴰⵙⵙⵏ ⵏ ⵜⵉⴹⴰⴼ ⵉⵎⵣⵔⵓⵔⴰⵏ, ⵎⴰ ⵢⴰⴷ ⵜ ⵢⵓⵊⵊⴰⵏ ⴰⴷ ⵉⵙⴱⵉⴷⴷ ⵉⵎⵏⵣⵏ ⵉⵍⵍⴰⵏ ⴷⴰⵜ ⵏ ⵜⴳⵍⴷⵉⵜ.

ⵉⵙⵎⵖⵔ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵍⵉⵜ ⵏ ⵉⵄⵚⴽⵕⵉⵏ ⵉⵍⵍⴰⵏ ⴳ ⵜⵙⴳⴰⵡⵉⵏ ⵏ ⵉⴼⴼⵓⵙ ⵉⵎⵎⴰⵖⵏ ⵅⴼ ⵓⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ ⴳ ⴽⵔⴰ ⵢⴳⴰⵜⵜ ⵓⴼⵔⴷⵉⵙ ⵏ ⵜⴳⴳⴰⵍⵉⵏ ⵉⵍⵍⴰⵏ ⴳ ⵜⵏⴼⵔⵓⵜ ⵏ ⵓⵡⵜⵜⴰ ⴳ ⵉⵡⵉⵣ.

ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⵍⴰⵡⴰⵏ ⴰⴽⴽⵯ ⵜⵡⵡⵓⵔⵉ ⵍⵍⵉ ⵙⴽⵔⵏⵜ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵙ ⵉⵏⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵏⵙⴼⵔⵓ ⵏ ⵓⵙⴰⴽⴰ ⴰⵡⵜⵜⵓ ⵏ ⵍⴳⵔⴳⴰⵔⴰⵜ, ⴷⴼⴼⵉⵔ ⵏ ⵢⴰⵏ ⵓⵖⴰⵡⴰⵙ ⵉⴱⴰⵢⵢⵏ, ⴰⴼ ⴰⴷ ⴳⵉⵜⵏ ⵟⵟⴰⵢⵏ ⵍⵎⵓⵕⵜⴰⵥⵉⵇⴰ. 

ⵉⵣⵓⵍ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⴰⵜⵉⵢⵏ ⵉⴹⴱⵉⴱⵏ ⴷ ⵉⵏⴰⵎⵓⵏⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵍⵍⵉ ⴷⴼⴰⵕⵏ, ⵣⵓⵏⴷ ⵉⵎⴷⵓⴽⴽⴰⵍ ⵏⵏⵙⵏ ⴳ ⵓⵖⵔⵉⵎⵏ, ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴼ ⴰⴷ ⴼⴽⵉⵏ ⵜⵏⴰⴼⵓⵜⵉⵏ ⵜⵉⵙⵏⵉⵊⵊⵉⵜⵉⵏ ⵉ ⵢⵏⴰⵎⵓⵔⵏ ⴷⴰⵜ ⵏ ⵓⴱⴰⵢⵢⵓⵕ ⵏ "ⴽⵓⴼⵉⴷ-19", ⵓⵍⴰ ⴳ ⵜⵎⵀⵍⴰ ⵜⴰⵏⴰⵎⵓⵔⵜ ⵏ ⵜⴳⵣⵣⴰⵢⵜ. 

ⵉⴼⵔⴰ ⵢⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵎⴰⵏ ⴰⵏⴰⴼⵍⵍⴰ ⵍⵍⵉ ⵎⵍⴰⵏⵜ ⵜⵓⴳⴳⴰⵣ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⵓⴳⵏⵙⵓ ⵏ ⵜⵎⵓⵔⵜ, ⵎⴰ ⵢⴰⴷ ⵉⵔⵏⴰⵏ ⵉⴳⵔⴰⵡⵏ ⵏⵏⵙⵏ ⴷ ⵜⵡⵓⵔⵉⵡⵉⵏ ⵉⴼⵓⵍⴽⵉⵏ ⴳ ⵓⵙⴰⵜⵉ ⵏ ⵜⵎⵀⵍⵉⵡⵉⵏ ⵏ ⵓⴼⴰⵔⴽ ⵏ ⵙⵙⵍⴰⵎⵜ ⴳ ⵍⴽⵓⵏⴳⵓ ⵜⴰⴷⵉⵎⵓⵇⵕⴰⵟⵉⵜ ⴷ ⵉⴼⵔⵉⵇⵢⴰ ⵜⴰⵏⴰⵎⴰⵙⵜ ⴷ ⴰⴳⴰⵍⵓⴼ ⵏ ⵚⵚⴱⵉⵟⴰⵕ ⴰⵄⵚⴽⵕⵉ ⵏ ⵓⵎⵎⴰⵙ ⴳ ⵣⵄⵜⴰⵔⵉ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵙ ⵜⵎⴷⵢⴰⵙⵜ ⵏ ⵜⴱⴷⴷⴰⴷⵜ ⵉⵏⴼⴳⴰⵏ ⵉⵇⴱⵓⵕⵏ ⴳ ⵓⵎⵣⵔⵓⵢ ⵏⵏⵙ, ⴷⵔⴰⵏⵜ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⵉⴳⵍⵉ ⵏ ⵓⵎⵓⵙⵙⵓ ⵏ ⵜⴳⵍⴷⵉⵜ ⴳ ⵉⴳⵔ ⴰⴷ ⴷⴼⴼⵉⵔ ⵏ ⵓⵙⵏⵎⴰⵍⴰ ⴳ ⵎⵏⵏⴰⵡ ⵏ ⵜⵏⴰⵡⵉⵏ ⵉⵎⴰⴹⵍⴰⵏⵉⵏ ⵙ ⵜⴷⵔⴰⵡⵜ ⵏ ⵜⵎⵜⵜⴰ ⵢⵎⴰⵏ, ⵙ ⵉⵜⵉⴳⵏ ⴷ ⵉⵔⵉⵎⵏ ⵍⵍⵉ ⵙⵎⴰⵏⵏ ⴷ ⵍⵍⵉ ⵢⵟⵟⴰⴼⵏ ⵎⵉⵚⴹⴰⵇⵢⵢⴰ.

ⵉⵙⵓⵍ ⵉⵙⵎⵖⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵎⴰⴽⵏ ⵉⵣⵣⴳⵉⵔⵏ ⵏ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⴳⵔ ⵏ ⵜⵏⴼⵔⵓⵜ ⵜⴰⵄⵚⴽⵕⵉⵜ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵏⴰⵡ ⵏ ⵓⴼⵓⵍⴽⵉ ⵏ ⵓⵙⵡⵓⴷⴷⵓ ⴳ ⴽⵔⴰ ⵢⴳⴰⵜⵜ ⵜⴽⵍⵉⵜ, ⵎⵔⴰ ⴰⴷ ⵥⴹⵉⵕⵏ ⵉⵄⵚⴽⵕⵉⵏ ⴷ ⵜⵉⵄⵚⴽⵕⵉⵏ ⴰⴷ ⵟⵟⴼⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⵏ ⵜⵙⵏⵙⵉ ⵉⵔⴰⵔⵏ ⵅⴼ ⵜⵔⴰⵜⵉⵏ ⵏ ⵜⵉⵄⵄⵓⵔⵎⴰ ⵏⵏⵖ ⴳ ⵉⵙⵉⴷⴼ ⵏ ⵓⵣⵟⵟⴰ ⴷ ⵓⵍⵜⵖ ⴳ ⵉⵙⵉⵜⵏ ⵏ ⵜⵓⵚⴽⴰ ⴷ ⵉⵎⴰⵏ ⴰⵏⴰⵎⵓⵔ ⴷ ⵜⵎⵙⵙⵓⴳⵔⵜ.

Dernière modification : 14 ⵎⴰⵢⵢⵓ 2021
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B4%B9-%E2%B5%8F%E2%B5%8F%E2%B5%99-%E2%B4%B0%E2%B5%A1%E2%B4%B0%E2%B5%99%E2%B5%99%E2%B4%B0%E2%B5%8F-%E2%B5%89-%E2%B5%9C%E2%B4%B3%E2%B4%B3%E2%B4%B0%E2%B5%8D%E2%B5%89%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B4%BC%E2%B5%89%E2%B5%8F-%E2%B5%9C%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%89%E2%B5%8F-%E2%B5%99-%E2%B5%93%E2%B5%A3%E2%B5%8E%E2%B5%8E%E2%B5%A3%E2%B5%93-%E2%B5%8F-0