Published on MAPNews (https://www.mapnews.ma/am)

Accueil > ⵔⴰⴷ ⵉⴳ ⵎⴰⵙⵙ ⴷⵔⵉⵙ ⵍⵛⴳⵔ ⴰⵏⴱⴳⵉ ⵏ ⵓⵙⴳⵔⴰⵡ ⵏ "ⵍⴰⵎⴰⴱ" ⴰⵙⴽⴽⴰ ⵏ ⴰⵙⵙ ⵏ ⵓⴽⵡⴰⵙ

ⵔⴰⴷ ⵉⴳ ⵎⴰⵙⵙ ⴷⵔⵉⵙ ⵍⵛⴳⵔ ⴰⵏⴱⴳⵉ ⵏ ⵓⵙⴳⵔⴰⵡ ⵏ "ⵍⴰⵎⴰⴱ" ⴰⵙⴽⴽⴰ ⵏ ⴰⵙⵙ ⵏ ⵓⴽⵡⴰⵙ

28 ⵢⵓⵍⵢⵓⵣ 2021 Version Imprimable
ⵕⵕⴱⴰⵟ - ⵔⴰⴷ ⵉⴳ ⵓⵎⴰⵔⴰ ⴰⵎⵣⵡⴰⵔⵓ ⵏ ⵓⴽⴰⴱⴰⵕ ⵜⴰⵎⵓⵏⵜ ⵜⴰⵏⵎⵍⴰⵢⵜ ⵏ ⵉⵖⴰⵍⵍⵏ ⵉⴳⴷⵓⴷⴰⵏⵏ, ⵎⴰⵙⵙ ⴷⵔⵉⵙ ⵍⵛⴳⵔ, ⴰⵙⴽⴽⴰ ⵏ ⵓⴽⵡⴰⵙ, ⴰⵏⴱⴳⵉ ⵏ ⵓⵙⴳⵔⴰⵡ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵎⵔⴰ ⴰⴷ ⵉⵎⴹⴰⴽⴰⵕ ⵅⴼ ⵓⵙⴳⵓⵎ "ⵜⴰⵎⵓⵏⵜ ⵜⴰⵏⵎⵍⴰⵢⵜ ⵏ ⵉⵖⴰⵍⵍⵏ ⵉⴳⴷⵓⴷⴰⵏⵏ: ⵎⴰⵜⵜⴰ ⵡⵃⵢⵢⵍ ⵉ ⵢⵙⵜⴰⵢⵏ ⵏ 2021".

ⵉⴳⴰ ⵡⵎⴰⴳⵔ ⴰⴷ, ⵍⵍⵉ ⵔⴰⴷ ⵉⵜⵜⵓⵙⵏⵎⵍⴰⵏ ⴳ ⵓⵙⵖⵉⵎ ⵏ ⵜⵙⵏⵓⵕⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⴳ ⵜⵙⵔⴰⴳⵜ ⵏ 09:00 ⵏ ⵜⴼⴰⵡⵜ, ⴰⵣⵎⵎⵣⵓ ⵏ ⵓⵙⵉⴳⴳⵍ ⵏ ⵎⵛⵜⴰ ⵜⵖⴰⵡⵙⵉⵉⵡⵏ ⵜⵉⵙⵔⴰⵏⵏ ⵏ ⵖⵉⵍ ⴰⴷ ⴳ ⵓⵎⵏⵉⴷ ⵏ ⵓⵙⵏⵎⵍⴰ ⵏ ⵉⵙⵜⴰⵢⵏ ⵉⵎⴰⵜⴰⵢⵏ ⵍⵍⵉ ⵔⴰⴷ ⵜⵙⵙⵏ ⵜⴳⵍⴷⵉⵜ ⴳ ⵓⵙⴳⴳⵯⴰⵙ ⴰⴷ.

ⵔⴰⴷ ⵉⵏⴼⵔⵓ ⵓⵣⵣⵓⵣⵔ ⵓⵔⵉⴷ ⵏ ⵓⵎⴰⴳⵔ ⴰⴷ ⴳ ⵓⵙⵙⴰⵔⵓ ⵏ ⵜⵏⵖⵎⴰⵙⵜ ⵜⴰⵎⵖⵔⴰⴱⵉⵜ ⴷ ⵓⵙⵙⴰⵔⵓ ⵏ ⵉⵏⵖⵎⵉⵙⵏ ⵉⵎⵖⵔⴰⴱⵢⵉⵏ (M24) ⴷ "ⵔⵉⵎ ⵕⴰⴷⵢⵓ" ⵉⴹⴼⴰⵕⵏ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ, ⵓⵍⴰ "ⵎⴰⴱ-ⵍⴰⵢⴼ" ⴳ ⵓⵙⵉⵜ ⵏ ⵜⵙⵏⵓⵕⴰⵢⵜ "ⵎⴰⴱ ⵉⴽⵙⴱⵔⵉⵙ" ⴷ ⵜⵙⵏⴰ ⵏ ⵜⵙⵏⵓⵕⴰⵢⵜ ⴳ ⵓⵙⵉⵜ ⵏ ⵓⵎⵢⴰⵡⴰⴹ ⴰⵏⴰⵎⵓⵏ "ⴼⵉⵢⵙⴱⵓⴽ".

ⵉⵜⵜⵓⵙⵏⵎⴰⵍⴰ ⵓⵙⴳⵔⴰⵡ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵙ ⵓⵣⵔⴽ ⵏ ⵉⵙⵓⴷⴷⵓⵏ ⴷ ⵉⵎⴰⴽⵏ ⵏ ⵓⵃⵟⵟⵓ ⵙⴳ ⵓⴼⵉⵔⵓⵙ "ⴽⵓⴼⵉⴷ-19".

ⵉⵙⵙⵏ ⵓⵙⴳⵔⴰⵡ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ, ⵎⴰ ⵢⴰⴷ ⵉⴳⴰⵏ ⴰⵏⵙⴰ ⵏ ⵉⵎⴷⴰⴽⴰⵕⵏ ⵅⴼ ⵉⵙⴳⵓⵎⵏ ⵏ ⴷⵖⵉ ⴳ ⵉⴳⵔⵏ ⵉⵙⵔⵜⴰⵏⵏⴷ ⵉⴷⵍⵙⴰⵏ ⴷ ⵉⵏⴰⵎⵓⵏ ⵜⴷⵔⴰⵡⵜ ⵏ ⵉⵙⵎⴷⵢⵡⵏ ⵏ ⵜⵉⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵎⵉⴷⴷⵏ ⵏ ⵎⵛⵜⴰ ⵏ ⵉⵎⵏⵉⴷⵏ ⵜⴰⵎⴰⵏ ⵏ ⵉⵙⵎⴷⵢⵡⵏ ⵏ ⵜⵏⵖⵎⴰⵙⵜ ⵍⵍⵉ ⵜⵜⵓⵖⵔⵉⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%89%E2%B4%B3-%E2%B5%8E%E2%B4%B0%E2%B5%99%E2%B5%99-%E2%B4%B7%E2%B5%94%E2%B5%89%E2%B5%99-%E2%B5%8D%E2%B5%9B%E2%B4%B3%E2%B5%94-%E2%B4%B0%E2%B5%8F%E2%B4%B1%E2%B4%B3%E2%B5%89-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B4%B0%E2%B5%99%E2%B4%BD%E2%B4%BD%E2%B4%B0-%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99