ⴰⵕⵥⵥⵓⵎ ⴰⵎⴰⴷⴷⵓⴷ ⵏ ⵓⵎⵣⵉⵣⵣⵍ ⵏ ⵜⴼⵍⴰⵃⵜ 2021-2022 ⵙⴳ ⵜⴰⵙⴳⴰ ⵏ ⵕⵕⴱⴰⵟ -ⵙⵍⴰ-ⵍⵇⵏⵉⵟⵕⴰ

12 ⵏⵓⵡⴰⵏⴱⵉⵔ 2021 Version Imprimable

ⵍⵅⵎⵉⵙⴰⵜ - ⵉⴼⴽⴰ ⵓⵎⴰⵡⴰⵙ ⵏ ⵜⴼⵍⵍⴰⵃⵜ ⴷ ⵜⴰⴳⵎⵔⵜ ⵜⴰⵢⵍⴰⵏⵜ ⴷ ⵜⵉⴳⵎⵉ ⵜⴰⴼⴰⵔⴰⵏⵜ ⵡⴰⵎⴰⵏ ⴷ ⵜⴰⴳⴰⵏⵉⵏ ⵎⴰⵙⵙ ⵎⵓⵃⵎⵎⴷ ⵚⵚⴹⵉⵇⵉ ⴰⵙⵙ ⵏ ⵓⵙⵉⵎⵡⴰⵙ ⴳ ⵄⵉⵏ ⵙⵙⴱⵉⵜ (ⵜⴰⵙⴳⴰ ⵏ ⵍⵅⵎⵉⵙⴰⵜ) ⴰⵕⵥⵥⵓⵎ ⴰⵎⴰⴷⴷⵓⴷ ⵏ ⵓⵎⵣⵉⵣⵣⵍ ⵏ ⵜⴼⵍⴰⵃⵜ 2021-2022.

ⵙ ⵓⵣⵎⵣⵣⵓ ⵏ ⵓⵎⵣⵉⵣⵣⵍ ⵏ ⵜⴼⵍⴰⵃⵜ 2021-2022 ⵜⵙⵙⵉⵡⵊⵉⴷ ⵜⵎⴰⵡⴰⵙⵜ ⵄⵍⴰⵢⵏ 1.6 ⵎⵍⵢⵓⵏ ⵇⵏⵟⴰⵕ ⵏ ⵡⴰⵎⵓⴷ ⵍⵍⵉ ⵔⴰⴷ ⵉⵏⵣ ⵙ ⵡⴰⵜⵉⴳⵏ ⵉⴷⵓⵙⵏ.

ⴳ ⵎⴰⴷ ⵉⵥⵍⵉⵏ ⵙ ⵓⵎⴰⵣⵉⵔ ⵔⴰⴷ ⵉⴽⵛⵎ ⴰⴳⴰⴷⴰⵣ ⵄⵍⴰⵢⵏ 490.000 ⵏ ⵟⵓⵏ ⵏ ⵓⵎⴰⵣⵉⵔ ⵙ ⵡⴰⵜⵉⴳⵏ ⵏ ⵓⵎⴰⵣⵉⵔ ⵏ ⵍⴼⵓⵙⴼⴰⵟ ⵖⵎⴽⵍⵍⵉ ⵔⴰⴷ ⵉⵜⵜⵓⴼⴽⴰ ⴰⵏⴼⴰ ⵉ ⵜⵉⴽⴰⵔⵟⵓⴳⵔⴰⴼⵉⵏ ⵏ ⵡⴰⴽⴰⵍ ⵏ ⵜⴼⵍⵍⴰⵃⵜ (7.8 ⵎⵍⵢⵓⵏ ⵀⵉⴽⵜⴰⵔ).

ⴳ ⵜⴰⵙⴳⴰ ⵢⴰⴹⵏ ⵜⴰⵔⴰ ⵜⵎⴰⵡⴰⵙⵜ ⵓⵍⴰ ⴰⴷ ⵜⴹⴼⵕ ⴰⵣⵣⵓⴳⵣ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵡⴰⵎⴰⵏ ⵏ ⵜⴼⵍⵍⴰⵃⵜ ⵙ ⵉⵎⴰⵙⵙⵏ ⵏ 45 000 ⵏ ⵀⵉⴽⵜⴰⵔ ⵏ ⵉⴳⵔⴰⵏ ⵏ ⵜⴼⵍⵍⴰⵃⵜ ⴷ ⵓⵙⴽⵎⵎⵍ ⵏ ⵓⵥⵟⵟⴰ ⵏ ⵡⴰⵎⴰⵏ ⵏ ⵜⵉⴳⵔⴰⵡⵉⵏ ⵙ 107000 ⵀⵉⴽⵜⴰⵔ ⴷ ⵓⴹⴼⵕ ⵏⵏⵙ ⴳ 48000 ⵀⵉⴽⵜⴰⵔ.

ⵉⵜⵜⵔⵙ ⵓⵍⴰ ⵢⴰⵏ ⵓⵖⴰⵡⴰⵙ ⵏ ⵉⵎⵖⵉⵜⵏ ⵏ ⵉⵎⵡⴰⵏ ⵍⵍⵉ ⵔⴰⴷ ⵉⵜⵜⵢⵣⴳⵣ ⵉⵖ ⵍⵍⴰⵏ ⵡⴰⵎⴰⵏ ⵏⵓⵏⵥⴰⴰⵕ ⴳ 5.5 ⵎⵍⵢⵓⵏ ⵀⵉⴽⵜⴰⵔ ⴳⵉⵙ 4.6 ⵎⵍⵢⵓⵏ ⵀⵉⴽⵜⴰⵔ ⵏ ⵉⵎⵏⴷⵉ ⴷ 510000 ⵀⵉⴽⵜⴰⵔ ⵏ ⵉⵎⵡⴰⵏ ⵏ ⵕⵕⴱⵉⵄ ⴷ 200000 ⵀⵉⴽⵜⴰⵔ ⵏ ⵍⵇⴰⵜⴰⵏⵉ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%8F-%E2%B5%93%E2%B5%8E%E2%B5%A3%E2%B5%89%E2%B5%A3%E2%B5%A3%E2%B5%8D-%E2%B5%8F-%E2%B5%9C%E2%B4%BC%E2%B5%8D%E2%B4%B0%E2%B5%83%E2%B5%9C-2021-2022-%E2%B5%99%E2%B4%B3-%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B5%8F-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%99%E2%B5%8D%E2%B4%B0-%E2%B5%8D%E2%B5%87%E2%B5%8F%E2%B5%89%E2%B5%9F%E2%B5%95%E2%B4%B0