ⵉⵙⴽⵔ ⵎⴰⵙⵙ ⴰⵅⵏⵓⵛ ⵢⴰⵏ ⵓⵏⵎⵓⵇⵇⴰⵔ ⵙ ⵜⵉⵇⵏⵉⵢⴰ ⵏ ⵍⴼⵉⴷⵢⵓ ⴷ ⵉⵎⴷⵢⴰⵜⵏ ⵜⴰⴼⵏⵉⵇⵜ ⵜⴰⴳⵔⴰⵖⵍⴰⵏⵜ ⵏ ⵉⴷⵔⵉⵎⵏ

10 ⴷⵓⵊⴰⵏⴱⵉⵔ 2021 Version Imprimable

ⵕⵕⴱⴰⵟ - ⵉⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⴰⵅⵏⵓⵛ ⵢⵉⴹ ⵏ ⵓⴽⵡⴰⵙ ⵢⴰⵏ ⵓⵏⵎⵓⵇⵇⴰⵔ ⵙ ⵜⵉⵇⵏⵉⵢⴰ ⵏ ⵍⴼⵉⴷⵢⵓ ⴷ ⵉⵎⴷⵢⴰⵜⵏ ⵜⴰⴼⵏⵉⵇⵜ ⵜⴰⴳⵔⴰⵖⵍⴰⵏⵜ ⵏ ⵉⴷⵔⵉⵎⵏ ⵙ ⵜⵉⵍⵉⵜ ⵏ ⵜⵎⴰⵡⴰⵙⵜ ⵏ ⵜⴰⴷⴰⵎⵙⴰ ⴷ ⵓⵥⵕⴼ ⵜⵙⵎⴷⵢⴰ ⵙ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴰⵙⵙ ⵏ ⵓⵙⵉⴹⵢⴰⵙ ⵎⴰⵙ ⴷ ⵉⵙⴽⵜⵉ ⵎⴰⵙⵙ ⴰⵅⵏⵓⵛ ⵖ ⵓⵏⵎⵓⵇⵇⴰⵔ ⴰⴷ ⵎⴰⵙ ⵉⵣⵔⵉ ⵍⵎⵖⵔⵉⴱ ⵢⴰⵏ ⵓⵣⵎⵣ ⴰⴷⵉⵎⵓⵇⵕⴰⵟⵉ ⴰⵅⴰⵜⴰⵔ ⵉⵜⵜⵢⴰⵡⵙⵙⴰⵏ ⵙ ⵜⴰⵙⵔⵙⵡⵜ ⵉⴳⴳⵓⵜⵏ ⴳ ⵉⵙⵜⵢⵏ ⵓⵣⵔⵉⴼⵏ ⴷ ⵉⴷⵖⵔⴰⵏⵏ ⴷ ⵉⵏⵎⵏⴰⴹⵏⵏ.

ⵉⵔⵏⵓ ⵉⵏⵏⴰ ⵎⴰⵙ ⵜⵜⵙⵡⵓⵔⵉ ⵜⵏⴱⴰⴹⵜ ⴷⴷⵓ ⵜⴰⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵎⵏⵏⴰⵡ ⵉⴳⵔⴰⵏ ⴳ ⵉⴳⴰ ⴰⵎⵙⴰⵙⴰ ⵏ ⵜⴰⵎⵙⵙⵓⴳⵓⵔⵜ ⴷ ⵜⴰⴷⴰⵡⵙⴰ ⴷ ⵓⵔⴰⵢ ⴰⵏⴰⵎⵓⵏ ⴷ ⵜⵉⵖⵔⵉ ⴷ ⵜⵡⵡⵓⵔⵉ.

ⴳ ⵜⵙⴳⴰ ⵏⵏⵙⵏ , ⵎⵍⴰⵏ ⵉⵎⴷⵢⴰⵜⵏ ⵜⴰⴼⵏⵉⵇⵜ ⵜⴰⴳⵔⴰⵖⵍⴰⵏⵜ ⵏ ⵉⴷⵔⵉⵎⵏ ⵜⴰⵏⵏⴰⵢⵉⵏ ⵏⵏⵙⵏ ⵉⵥⵍⵉⵏ ⵙ ⴰⴷⴷⴰⴷ ⴰⴷⵎⵙⴰⵏ ⵏ ⵜⴳⵍⴷⵉⵜ ⵜ ⵜⵉⵙⵔⵜⵉⵜⵉⵏ ⵜⵉⴷⵎⵙⴰⵏⵉⵏ ⵍⵍⵉ ⵉⵍⵍⴰⵏ ⴳ ⵓⵙⵜⵉ ⵉ ⴰⵖⴰⵡⴰⵙ ⵏ ⵜⵏⴱⴰⴹⵜ.

ⵉⴽⴽⴰⵜⵏ ⵉⵏⵏⴰ ⵓⵏⵙⵙⵉⵅⴼ ⵏ ⵓⴽⴰⴱⴰⵔ ⵏ ⵜⴰⴼⵏⵉⵇⵜ ⵜⴰⴳⵔⴰⵖⵍⴰⵏⵜ ⵏ ⵉⴷⵔⵉⵎⵏ ⵉⵜⵜⵓⵙⵎⴳⴰⵍⵏ ⵙ ⵍⵎⵖⵔⵉⴱ ⵔⵓⴱⵉⵕⵟⵓ ⴽⴰⵔⴷⵉⵢⴰⵍⵉ ⴰⵙⵙ ⵏ ⵓⵙⵉⵎⵡⴰⵙ ⵎⴰⵙ ⵔⴰⴷ ⵉⵍⴽⵎ ⵓⵙⵖⵍ ⵏ ⵜⵎⵔⵏⵉⵡⵜ ⵜⴰⴷⵎⵙⴰⵏⵜ 3 % ⴳ ⵓⵙⴳⴳⵯⴰⵙ 2022.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%89%E2%B5%99%E2%B4%BD%E2%B5%94-%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%85%E2%B5%8F%E2%B5%93%E2%B5%9B-%E2%B5%A2%E2%B4%B0%E2%B5%8F-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%99-%E2%B5%9C%E2%B5%89%E2%B5%87%E2%B5%8F%E2%B5%89%E2%B5%A2%E2%B4%B0-%E2%B5%8F-%E2%B5%8D%E2%B4%BC%E2%B5%89%E2%B4%B7%E2%B5%A2%E2%B5%93-%E2%B4%B7-%E2%B5%89%E2%B5%8E%E2%B4%B7%E2%B5%A2%E2%B4%B0%E2%B5%9C%E2%B5%8F-%E2%B5%9C%E2%B4%B0%E2%B4%BC%E2%B5%8F%E2%B5%89%E2%B5%87%E2%B5%9C-%E2%B5%9C%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F%E2%B5%9C-%E2%B5%8F