ⴷⴷⴰⵡⵃⴰ.. ⴰⵙⵏⵎⴰⵍⴰ ⵏ ⵜⴰⵙⵙⵓⵜⵍⵜ ⵜⵉⵙⵙ 8 ⵏ ⵜⴳⵔⴰⵡⴰⵜ ⵢⴰⵜⵜⵓⵢⵏ ⵉⵛⵛⴰⵔⵏ ⵏ ⵍⵎⵖⵔⵉⴱ ⴷ ⵇⴰⵟⴰⵕ

07 ⴱⵕⴰⵢⵕ 2022 Version Imprimable

ⴷⴷⴰⵡⵃⴰ - ⵜⴱⴰⴷⴰ ⴰⵙⵙⴰ ⵏⵓⵢⵏⴰⵙ ⴳ ⴷⴷⴰⵡⵃⴰ ⵜⴰⵙⵙⵓⵜⵍⵜ ⵜⵉⵙⵙ 8 ⵏ ⵜⴳⵔⴰⵡⴰⵜ ⵢⴰⵜⵜⵓⵢⵏ ⵉⵛⵛⴰⵔⵏ ⵏ ⵍⵎⵖⵔⵉⴱ ⴷ ⵇⴰⵟⴰⵕ ⵙ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⴰⵡⴰⵙⵏ ⴰⵎⴰⵡⴰⵙ ⴰⵇⴰⵟⴰⵕⵉ ⵏ ⵓⴳⵏⵙ ⵛⵛⵉⵅ ⵅⴰⵍⵉⴷ ⴱⵏ ⵅⴰⵍⵉⴼⴰ ⴰⵍ ⵜⴰⵏⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵙ ⵜⵉⵍⵉⵜ ⵏ ⵉⴽⴰⴱⴰⵔⵏ ⵏ ⵜⵉⵎⵉⵣⴰⵔ ⵙⵏⴰⵜ.

ⵜⴳⴰ ⵜⴰⵙⵙⵓⵜⵍⵜ ⴰⴷ ⵍⵍⵉ ⵉⵎⴰⵟⵍ ⵙ ⴰⴱⴰⵢⵢⵓⵕ ⴽⵓⴼⵉⴷ 19 ⴰⵣⵎⵣⵣⵓ ⵏ ⵓⵔⵣⵣⵓ ⵏ ⵉⵎⵏⵉⴷⵏ ⵏ ⵜⴰⵏⴽⵔⴰ ⵙ ⵉⵎⵢⴰⵙⵙⴰⵏ ⴳⵔ ⵍⵎⵖⵔⵉⴱ ⴷ ⵇⴰⵟⴰⵕ .

ⵔⴰⴷ ⵢⵉⵍⵉ ⴳ ⵜⴰⵙⵙⵓⵜⵍⵜ ⴰⴷ ⴰⵙⵙⴳⵎⴹ ⵏ ⵎⵏⵏⴰⵡⵜ ⵏ ⵜⵎⵢⴰⵇⵇⴰⵏⵉⵏ ⴳ ⵎⵏⵏⴰⵡ ⵉⴳⵔⴰⵏ ⵍⵍⵉ ⵉⵎⵎⴰⵍⵏ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏ ⵃⴰⵎⴰⴷ ⴰⵍ ⵜⴰⵏⵉ ⴰⴳⵍⴷⵓⵏ ⵏ ⵇⴰⵟⴰⵕ ⴰⴼⴰⴷ ⴰⴼⵓⵍⴽⵉ ⵏ ⵉⴳⴷⵓⴷⵏ ⵏ ⵜⵎⵉⵣⴰⵔ ⵙⵏⴰⵜ.

ⵉⴷⵔⴰ ⴳ ⵓⴽⴰⴱⴰⵔ ⴰⵎⵖⵔⵉⴱ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⵖ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴷ ⵜⵎⴰⵡⴰⵙⵜ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵜⴰⵇⴱⵓⵔⵜ ⴷ ⵜⴰⴷⵎⵙⴰ ⵜⴰⵏⴰⵎⵓⵏⵜ ⴼⴰⵟⵉⵎⴰ ⵣⵣⵀⵔⴰ ⵄⵎⵎⵄⵔ ⴷ ⵓⵎⵢⴰⵡⴰⵙ ⵏ ⵜⵉⵄⵓⵎⴰ ⴷ ⵜⴰⴷⵍⵙⴰ ⴷ ⵓⵎⵢⴰⵡⴰⴹ ⵎⵓⵃⵎⵎⴷ ⵎⵀⴷⵉ ⴱⵏⵙⵄⵉⴷ ⴷ ⵜⵎⴰⵡⴰⵙ ⵏ ⵜⴰⴷⴰⵎⵙⴰ ⵏⴰⴷⵉⵢⴰ ⴼⵜⵜⴰⵀ ⵄⵍⴰⵡⵉ ⴷ ⴷ ⵓⵎⵢⴰⵡⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⵔⵉⵢⵢⴰⴹ ⵎⵣⵣⵓⵔ ⴷ ⵜⵎⴰⵡⴰⵙⵜ ⵏ ⵓⵙⵏⴼⵍ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⵏⴰⴷⵢⴰ ⴱⵏⵄⵍⵉ ⴷ ⵓⵎⵙⵇⴰⴷ ⵏ ⵜⴳⵍⴷⵉⵜ ⴷⴰⵔ ⴷⴷⴰⵡⵃⴰ ⵎⵓⵃⵎⵎⴷ ⵙⵜⵔⵉ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B7%E2%B4%B7%E2%B4%B0%E2%B5%A1%E2%B5%83%E2%B4%B0-%E2%B4%B0%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%8F-%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-8-%E2%B5%8F-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B4%B0%E2%B5%9C-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%89%E2%B5%9B%E2%B5%9B%E2%B4%B0%E2%B5%94%E2%B5%8F-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%87%E2%B4%B0%E2%B5%9F%E2%B4%B0%E2%B5%95