ⵜⵙⵎⴰⵜⵜⵉ ⵙⵙⵡⵉⴷ ⵉⵡⵜⵜⴰ ⵏⵏⴰ ⵉⵣⴷⵉⵏ ⴷ ⵡⴰⴷⴷⴰⴷ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ

08 ⴱⵕⴰⵢⵕ 2022 Version Imprimable

ⵚⵟⵓⴽⵀⵓⵍⵎ - ⵔⴰⴷ ⵜⵙⴱⵉⴷⴷ ⵜⵎⴰⵣⵉⵔⵜ ⵏ ⵙⵙⵡⵉⴷ ⵉⵜⴳⴰⵔⵏ ⴷ ⵉⵡⵜⵜⴰ ⵏⵏⴰ ⵉⵣⴷⵉⵏ ⴷ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⵙ ⵓⵙⵔⴰⴳ ⵏ ⵓⵍⵓⵢ ⵏ ⵓⵙⵡⵉⵔ ⵏ ⵓⴳⵣⵣⴰⵢ ⴷ ⵓⴱⵓⵖⵍⵓ ⵏ ⵡⴰⴷⴷⴰⴷ ⵏ ⵓⵊⵉⵊⵊⵉ ⵙⴳ ⵓⴱⴰⵢⵢⵓⵔ ⴰⴷ , ⵎⵇⵇⴰⵔ ⵙⵓⵍ ⴷⴰⵔⵙ ⵍⵍⴰⵏⵜ ⴽⵉⴳⴰⵏ ⵏ ⵡⴰⴷⴷⴰⴷⵏ ⵏ ⴽⵓⵕⵓⵏⴰ.

ⵜⵏⵏⴰ ⵜⵙⵏⵓⵔⴰⵢⵜ ⵏ ⴱⵍⵓⵎⴱⵕⵊ ⵏ ⵉⵏⵖⵎⵉⵙⵏ ⵙⴳ ⵎⴰⵙⵙⴰ ⵎⴰⵊⴷⴰⵍⵉⵏⴰ ⴰⵏⴷⵉⵕⵚⵓⵏ , ⵏⵏⴰ ⵉⴳⴰⵏ ⵜⴰⵏⵙⵙⵉⵅⴼⵜ ⵏ ⵉⵏⵖⵍⴰⴼⵏ ⵏ ⵜⵎⴰⵣⵉⵔⵜ ⵏ ⵙⵙⵡⵉⴷ, ⴳ ⵢⴰⵏ ⵓⴱⵔⴰⴳⵔⴰⵡ ⴰⵏⴰⵖⵎⴰⵙ ⵏⵏⴰ ⵉⵜⵜⵓⵙⴽⴰⵔⵏ ⴳ ⵙⵜⵓⴽⵀⵓⵍⵎ ⵎⴰⵙ ⵜⵍⴽⵎ ⵜⵉⵣⵉ ⵏ ⵓⵏⵏⵓⵕⵥⵎ ⵏ ⵜⵎⴰⵣⵉⵔⵜ ⵏ ⵙⵙⵡⵉⴷ ⴰⴼⴰⴷ ⴰⴷ ⵜⵙⵎⴷ ⵜⵉⵡⵡⵓⵔⵉⵡⵉⵏ ⵏⵏⵙ ⵎⴽⵍⵍⵉ ⵙ ⵜⵜ ⵉⵏⵏ ⵜⴽⴽⴰ ⵍⵍⵉⵖ ⵓⵔⵜⴰ ⵉⵍⵍⵉ ⵓⴱⴰⵢⵢⵓⵕ ⵏ ⴽⵓⵕⵓⵏⴰ .

ⵜⵣⴰⵢⴷ ⵜⵎⴰⵣⵉⵔⵜ ⵏ ⵙⵙⵡⵉⴷ ⵉ ⴽⵉⴳⴰⵏ ⵏ ⵜⵎⵓⵕⴰ ⵏ ⵓⵔⵓⴱⴱⴰ ⵣⵓⵏⴷ ⵉⵟⴰⵍⵢⴰ ⴷ ⵙⵉⵙⵔⴰ ⴷ ⴼⵕⴰⵏⵚⴰ ⵓⵍⴰ ⴷⴷⴰⵏⵉⵎⴰⵕⴽ ⴷ ⴼⵉⵕⵍⴰⵏⴹⴰ ⴷ ⵏⵏⵓⵕⵡⵉⵊ, ⵏⵏⴰ ⵉⵙⵙⵉⴼⵙⵓⵙⵏ ⵉⵜⴳⴰⵔⵏ ⴷ ⵡⴰⴷⴷⴰⴷⵏ ⵏ ⵡⴰⴱⴱⴰⵢ ⵏ ⴽⵉⴳⴰⵏ ⵏ ⵜⵡⵡⵓⵔⵉⵡⵉⵏ ⴷ ⵉⵎⵓⴷⴷⵓⵜⵏ, ⴷⴼⴼⵉⵔ ⵍⵍⵉⵖ ⵉⴱⵓⵖⵍⴰ ⵡⴰⴷⴷⴰⴷ ⵏ ⵓⵊⵉⵊⵊⵉ ⵙⴳ ⵜⵎⴰⴹⵓⵏⵜ ⴰⴷ .

ⵜⵣⴰⵢⴷ ⵎⴰⵙⵙⴰ ⴰⵏⴷⵉⵕⵚⵓⵏ ⵎⴰⵙⴷ ⴰⴱⴰⵢⵢⵓⵔ ⵏ ⴽⵓⵕⵓⵏⴰ ⵓⵔⵜⴰ ⵉⴽⵎⵎⵍ ⵎⴰⵛⴰⵏ ⵜⴷⴷⴰⴷ ⴷⴰⵖ ⵢⴰⵜ ⵜⴼⵔⴽⵜ ⴷ ⵢⴰⵜ ⵜⵉⵣⵉ ⵢⴰⴹⵏ ⵍⵍⵉⵖ ⵔⴰⴷ ⴷⵉⵙ ⵣⵣⵉⴹⵕⵏ ⵉⵡⴷⴰⵏ ⴰⴽⴽⵯ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%9C%E2%B5%99%E2%B5%8E%E2%B4%B0%E2%B5%9C%E2%B5%9C%E2%B5%89-%E2%B5%99%E2%B5%99%E2%B5%A1%E2%B5%89%E2%B4%B7-%E2%B5%89%E2%B5%A1%E2%B5%9C%E2%B5%9C%E2%B4%B0-%E2%B5%8F%E2%B5%8F%E2%B4%B0-%E2%B5%89%E2%B5%A3%E2%B4%B7%E2%B5%89%E2%B5%8F-%E2%B4%B7-%E2%B5%A1%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B4%B1%E2%B4%B0%E2%B5%A2%E2%B5%A2%E2%B5%93%E2%B5%95-%E2%B5%8F-%E2%B4%BD%E2%B5%93%E2%B5%95%E2%B5%93%E2%B5%8F%E2%B4%B0