Published on MAPNews (https://www.mapnews.ma/am)

Accueil > ⵜⴼⴼⴰⵖ ⴷⴷⵣⴰⵢⵔ ⴳ ⵓⴳⵔⴰⵡ ⴰⵙⴳⴰⵡⴰⵏ ⵙ ⵓⵙⵔⴰⴳ ⵏ ⵜⵏⵣⵔⵓⴼⵜ

ⵜⴼⴼⴰⵖ ⴷⴷⵣⴰⵢⵔ ⴳ ⵓⴳⵔⴰⵡ ⴰⵙⴳⴰⵡⴰⵏ ⵙ ⵓⵙⵔⴰⴳ ⵏ ⵜⵏⵣⵔⵓⴼⵜ

09 ⴱⵕⴰⵢⵕ 2022 Version Imprimable
ⵕⵕⴱⴰⵟ - ⵉⴼⴼⴰⵖ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴼⴳⵓⵔⵉⵏ ⵏ ⴷⴷⵣⴰⵢⵔ, ⵎⴰⵙⵙ ⵏⵓⵕⴷⴷⵉⵏ ⵅⴰⵍⴷⵉ, ⴳ ⵓⴳⵔⴰⵡ ⴰⵙⴳⴰⵡⴰⵏ ⵡⵉⵙⵙ 55 ⵏ ⵉⵏⵎⵀⴰⵍⵏ ⵏ ⵜⵙⴳⴰ ⵏ ⵉⴼⴼⵓⵙ ⵏ ⵉⴼⵔⵉⵇⵢⴰ ⴷ ⵓⵜⵡⴰⵏ ⴰⵏⴰⵎⵎⴰⵙ ⵙ ⵓⵙⵔⴰⴳ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.

ⵜⵏⵏⴰ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴼⴳⵓⵔⵉⵏ ⴳ ⵢⴰⵏ ⵓⵙⵉⵡⴹ ⵏⵏⵙ ⵎⴰⵙ ⵍⵍⵉⵖ ⵉⵜⵜⵓⵙⴽⴰⵔ ⵓⵏⵇⵇⵉⵙ ⵏⵏⴰⴳ ⵍⵍⴰⵏⵜ ⴽⵉⴳⴰⵏ ⵏ ⵜⵓⵎⵍⴰⵢⵉⵏ, ⴰⴷ ⵉⵏⵏⴰ ⵓⵏⵎⵀⴰⵍ ⴷ ⵎⵉⴷⴷⵏ ⴰⴽⴽⵯ ⵏⵏⴰ ⴷⵉⵙ ⵉⵍⵍⴰⵏ ⵎⴰⵙ ⵜⵏ ⵓⵔ ⵉⵙⵙⵓⵙⵎ ⵓⵏⵇⵇⵉⵙ ⴰⵏⵏ,ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴳⵉⵙ ⵍⵍⴰⵏⵜ ⴽⵔⴰ ⵏ ⵜⴽⴰⵕⴹⵉⵡⵉⵏ ⵏⵏⴰ ⴳ ⵜⵡⴰⵍⴰ ⵜⵏⵣⵔⵓⴼⵜ ⵉ ⵡⴰⴽⴰⵍ ⵏ ⵍⵎⵖⵔⵉⴱ.

ⵙⴳ ⵓⴳⵔⴰⵡ ⴰⴷ ⵏⵏⴰ ⵉⵜⵜⵓⵙⴽⴰⵔⵏ ⵙ ⵜⴰⵜⵉⵇⵏⵉⵜ ⵏ ⵓⴼⵉⴷⵢⵓ, ⵉⵏⵏⴰ ⵓⵏⵎⵀⴰⵍ ⵅⴰⵍⵉⴷ ⵎⴰⵙ ⵜⵍⵍⴰ ⵜⵎⵅⵓⵎⴱⵔⵜ ⴳ ⵉⵏⵇⵇⵉⵙⵏ ⴰⴷ ⵢⵉⵏⵉ ⵎⴰⵙⵜ ⵓⵔ ⵉⵙⵙⵓⵙⵎ ⵎⴰ ⴰⵏⵏ ⵏⵏⴰ ⴷ ⵢⵓⵛⴽⴰⵏ ⴳ ⵓⵏⵇⵇⵉⵙ ⴰⴷ.

ⵢⵉⵏⵉ ⵓⵏⵎⴰⵍⴰ ⵏ ⵜⴼⴳⴼⵓⵔⵉⵏ ⵎⴰⵙ ⵜⵏ ⵓⵔ ⵉⵙⵙⵓⵙⵎ ⴰⵡⴷ ⵏⵜⵜⵏⵉ ⵎⴰ ⴰⴷ ⵙⵍⴰⵡⴰⵏ ⴰⴽⴽⵯ ⵜⵉⴽⴰⵕⴹⵉⵡⵉⵏ ⴰⴷ ⵏⵏⴰ ⵓⵔ ⵉⵎⵙⴰⵙⴰⵏ ⴷ ⵉⵜⴳⴰⵔⵏ ⵉⵎⴰⴹⵍⴰⵏⵏ ⵎⴽⵍⵍⵉ ⵙ ⵏⵏⴰⵏ ⵉⵏⵎⵀⴰⵍⵏ ⴰⴷ.

ⵉⴽⴽⴰⵜⵜⵉⵏ ⴰⴷⵍⵍⵉ ⵓⴷⵡⴰⵍ ⴰⴷⵣⴰⵢⵔⵉ ⵉⴼⴼⴰⵖ ⴳ ⵢⴰⵏ ⵓⴳⵔⴰⵡ ⵙⴳ 6 ⴰⴱⵔⵉⵍ ⵏ ⵓⵙⴳⴳⵯⴰⵙ ⵏ 2021 ⵙ ⵓⵙⵔⴰⴳ ⴰⴷ ⵏⵉⵜ ⵏⵏⴰ ⵉⴳⴰⵏ ⵜⵉⴽⴰⵕⴹⵉⵡⵉⵏ ⵏⵏⴰ ⵉⵙⵡⴰⵍⴰⵏ ⵉⴽⴰⵍⵉⵡⵏ ⵏ ⵜⵏⵣⵔⵓⴼⵜ ⵉ ⵜⵎⴰⵣⵉⵔⵜ ⵏ ⵍⵎⵖⵔⵉⴱ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B4%BC%E2%B4%BC%E2%B4%B0%E2%B5%96-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94-%E2%B4%B3-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%99%E2%B4%B3%E2%B4%B0%E2%B5%A1%E2%B4%B0%E2%B5%8F-%E2%B5%99-%E2%B5%93%E2%B5%99%E2%B5%94%E2%B4%B0%E2%B4%B3-%E2%B5%8F-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C