ⵉⵙⵙⴳⵎⴹ ⵜⴰⵎⵢⴰⵇⵇⴰⵏⵜ ⴰⴷ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ ⴷ ⵓⵎⵙⵇⴰⴷ ⵏ ⴼⵉⵍⵉⴱⵉⵏ ⴳ ⵍⵎⵖⵔⵉⴱ ⵎⴰⵙⵙ ⵍⵉⵙⵍⵉ ⵊⵉ ⴱⴰⵅⴰ ⴳ ⵢⴰⵜ ⵜⴼⵢⴳⵍⴰ ⵉⵣⵔⵉⵏ ⵙ ⵜⵉⵍⵉⵜ ⵏ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⴼⵉⵍⵉⴱⵉⵏ ⵎⴰⵙⵙ ⵜⵡⵉⴷⵓⵔ ⵍⵓⴽⵙⵉⵏ ⴷ ⵜⵏⵎⵀⴰⵍⵜ ⵏ ⵜⵙⵏⵓⵔⴰⵢⵜ ⵏ ⵉⵏⵖⵎⵉⵙⵏ ⵏ ⴼⵉⵍⵉⴱⵉⵏ ⵎⴰⵙⵙⴰ ⴼⵉⵔⵊⵉⵏⵢⴰ ⴰⵔⵜⵉⵍⴰ ⴰⴳⵜⵉ .
ⵜⴰⵎⵢⴰⵇⵇⴰⵏⵜ ⴰⴷ ⵜⵥⵍⵉ ⵙⵍⴰⵡⴰⵏ ⴰⴽⴽⵯ ⵙ ⴰⵙⵏⴼⵍ ⵏ ⵉⵏⵖⵎⵉⵙⵏ ⴳⵔ ⵜⵉⵙⵏⵓⵔⴰⵢⵉⵏ ⵙⵏⴰⵜ ⵡⵉⵏ ⵜⵓⵜⵍⴰⵢⵜ ⵜⴰⵏⴳⵍⵉⵣⵉⵜ ⴷ ⵜⵉⵡⵍⴰⴼⵉⵏ ⴷ ⵍⴼⵉⴷⵢⵓ ⴰⴷ ⴰⴷ ⵉⵜⵜⴼⴽ ⵡⴰⴷⴷⵓⵔ ⵉ ⵉⵏⵖⵎⵉⵙⵏ ⵉⵥⵍⵉⵏ ⵙ ⵜⵉⵎⵉⵣⴰⵔ ⵙⵏⴰⵜ.
ⵙ ⵓⵣⵎⵣⵣⵓ ⵢⴰⴷ ⵉⵙⴷⴷⵉⴷ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ ⵎⴰⵙ ⵔⴰⴷ ⵜⴰⵡⵙ ⵜⵎⵢⴰⵇⵇⴰⵏⵜ ⴰⴷ ⴳ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⴳⵔ ⵜⵉⵙⵏⵓⵔⴰⵢⵓⵏ ⴳ ⵉⴳⵔ ⵏ ⵉⵏⵖⵎⵉⵙⵏ .
ⵖⵎⴽⵍⵍⵉ ⵉⵙⴰⵡⵍ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ ⵅⴼ ⵜⴰⵎⵔⵏⵉⵡⵜ ⵍⵍⵉ ⵜⵙⵙⵏ ⵜⵙⵏⵓⵜⴰⵢⵜ ⵜⴰⵎⵖⵔⵉⴱⵉⵜ ⴳ ⵉⵙⴳⴳⴰⵙⵏ 10 ⵉⵣⵔⵉⵏ ⴷ ⵜⴰⵙⵜⵔⴰⵜⵉⵊⵉⵜ ⵏⵏⵙ ⴷ ⵓⵕⵥⵥⵓⵎ ⵏⵏⵙ ⵅⴼ ⴰⵎⵓⵏ ⴰⵎⵖⵔⵉⴱⵉ.
ⴳ ⵜⵙⴳⴰ ⵏⵏⵙ ⵉⵙⵙⴼⵓⵍⴽⵉ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⴼⵉⵍⵉⴱⵉⵏ ⵎⴰⵙⵙ ⵜⵡⵉⴷⵓⵔ ⵍⵓⴽⵙⵉⵏ ⴰⵙⵙⴳⵎⴹ ⵏ ⵜⵎⵢⴰⵇⵇⴰⵏⵜ ⴰⴷ ⴳⵔ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⴷ ⵜⵙⵏⵓⵔⴰⵢⵜ ⵏ ⵉⵏⵖⵎⵉⵙⵏ ⵏ ⴼⵉⵍⵉⴱⵉⵏ.