Published on MAPNews (https://www.mapnews.ma/am)

Accueil > ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ

ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ

18 ⵉⴱⵔⵉⵔ 2022 Version Imprimable
ⵕⵕⴱⴰⵟ - ⵉⵏⵏⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙ ⵉⵕⵥⵎ ⵜⵉⴳⴳⵓⵔⴰ ⵏ ⵓⵙⵔⵓⵙ ⵏ ⵉⵙⴷⴰⵡⵏ ⵏ ⵡⵉⵏⵏⴰ ⵉⵔⴰⵏ ⴰⴷ ⵢⴰⵡⵙ ⴳ ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵉⵎⵉⵔ ⵏ ⵓⵙⴳⴳⵯⴰⵙ ⵏ 2021 .

ⵉⵏⵏⴰ ⵓⵙⵉⵏⴰⴳ ⴳ ⵓⵙⵉⵡⴹ ⵏⵏⴰ ⴰⵖ ⴷ ⵉⵍⴽⵎⵏ, ⵎⴰⵙⴷⴷ ⵜⴰⵙⵎⵖⵓⵔⵜ ⴰⴷ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵔ ⵜⵜⵓⴼⴽⴰ ⵉ ⵉⵡⴷⴰⵏ ⵏⵖⴷ ⵜⵉⴳⵔⴰⵡⵉⵏ ⵏⵏⴰ ⵓⵔ ⵉⵍⵍⵉⵏ ⴳ ⵓⵙⵉⵏⴰⴳ, ⴳ ⵉⴳⵔⴰⵏ ⵏⵏⴰ ⵣⴷⵉⵏⵉⵏ ⴷ ⵜⵎⴰⵣⵉⵖⵜ, ⵎⴽⵍⵍⵉ ⵉⵙⵔⵙ ⴰⵙⵙ ⵏ 23 ⵎⴰⵢ ⴰⵙⵙ ⴰⵎⴳⴳⴰⵔⵓ ⵏ ⵓⵙⵔⵓⵙ ⵏ ⵉⵙⵙⵓⵜⵓⵔⵏ ⵏ ⵜⴷⵔⴰⵡⵜ ⴳ ⵜⵙⵎⵖⵓⵔⵜ ⴰⴷ .

  ⵎⵢⴰⵏⴰⵡⵏ ⵉⴳⵔⴰⵏ ⵏ ⵜⴷⵔⴰⵡⵜ ⴳ ⵜⵙⵎⵖⵓⵔⵜ ⴰⴷ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴳⵉⵙ 12 ⵏ ⵢⵉⴳⵔⴰⵏ ⵏⵏⴰ ⵉⵙⵜⴰⵡⵀⵎⵎⴰⵏ ⵙ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵓⵙⵏⴼⵍⵓⵍ ⴷ ⵜⵙⴽⵍⴰ ⵜⴰⵎⴰⵣⵉⵖⵜ, ⴷ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵉⵔⵣⵣⵓⵜⵏ ⴳ ⵜⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ ⴷ ⵜⵏⴰⵎⵓⵏⵉⵏ, ⵜⵉⵍⵉ ⴰⵡⴷ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵉⵔⵣⵣⵓⵜⵏ ⵏ ⵜⵙⵏⵉⵍⵙⵜ ⴷ ⵡⵉⵏ ⵜⵙⴽⵍⴰ ⴷ ⵜⵥⵓⵕⵉ, ⴷ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵉⵔⵣⵣⵓⵜⵏ ⴳ ⵜⵎⴰⵙⵙⴰⵏⵉⵏ ⵏ ⵓⵙⴳⵎⵉ, ⴷ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵉⵏⵎⴰⵍⴰⵜⵏ ⵓⵟⵟⵓⵏⴰⵏⵏ ⴷ ⵉⵔⵣⵣⵓⵜⵏ ⵏ ⵜⵙⵏⵎⴰⵍⴰⵢⵜ, ⵜⵉⵍⵉ ⴰⵡⴷⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵓⵙⵓⵖⵍ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

  ⴳ ⵜⵙⴳⴰ ⵢⴰⴹⵏ,ⵜⵙⵜⴰⵡⵀⵎⵎⴰ ⵜⵙⵎⵖⵓⵔⵜ ⴰⴷ ⵜⴰⵏⴰⵎⵓⵔⵜ ⴰⵡⴷ ⵙ ⵉⴳⵔ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ, ⴷ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵡⴰⵔⵔⴰⵜⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵜⵉⵍⵉ ⴰⵡⴷ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵣⵍⵉⵜ ⵜⴰⵎⴰⵣⵉⵖⵜ ⴳ ⴽⵕⴰⴹⵜ ⵜⴰⵏⵜⴰⵍⵉⵡⵉⵏ , ⵎⴽⵏⵏⴰ ⵜⵍⵍⴰ ⴰⵡⴷ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵓⵎⵣⴳⵓⵏ ⴷ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵔⵔⴽⵣ ⵏ ⵜⵔⵓⴱⴰⴱ .

ⴳ ⵜⴳⵉⵔⴰ ⵏ ⵓⵙⵉⵡⴹ ⵍⵍⴰⵏ ⴽⵔⴰ ⵏ ⵜⴼⴰⴷⵉⵡⵉⵏ ⵏ ⵓⴷⵔⴰⵡ ⴳ ⵜⵎⵣⵉⵣⵣⵍⵜ ⴰⴷ ⵜⴰⵏⴰⵎⵓⵔⵜ , ⵏⵏⴰ ⵉⵜⵜⵓⵣⵓⵣⵔⵏ ⴳ ⵡⴰⵏⵙⴰ ⵓⵏⵚⵉⴱ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ . 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C