ⵜⴰⵙⵇⵇⵉⵎⵜ ⵜⵓⵕⵓⴱⴱⵉⵜ ⴷ ⵍⵎⵖⵔⵉⴱ ⵕⵥⵎⵏ ⵢⴰⵜ ⵜⵎⴷⵔⴰⵡⵜ ⵜⴰⵎⴰⵢⵏⵓⵜ ⴳ ⵉⴳⵔ ⵏ ⵜⵣⵡⴰⴳⵜ ⴷ ⵓⵙⴱⵉⴷⴷ ⵏ ⵉⵥⵟⵟⴰ ⵏ ⵓⵙⵖⵏⵣⵉ ⵏ ⵉⵏⴼⴳⴰⵏ

08 ⵢⵓⵍⵢⵓⵣ 2022 Version Imprimable

ⵕⵕⴱⴰⵟ - ⴳ ⵓⵙⴰⵜⵉ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⵓⵕⵓⴱⴱⵉⵜ, ⵎⴰⴳⴳⴰⵔⵏ ⵜⴰⵎⴰⵍⴰⵍⵜ ⵜⵓⵕⵓⴱⴱⵉⵜ ⵏ ⵜⵖⴰⵡⵙⵉⵡⵉⵏ ⵏ ⵓⴳⵏⵙⵓ, ⵉⵍⴼⴰ ⵢⵓⵀⴰⵏⵙⵓⵏ, ⴷ ⵓⵎⴰⵡⵙⴰⵙ ⴰⵚⴱⵍⵢⵓⵏⵉ ⵏ ⵓⴳⵏⵙⵓ, ⴼⵉⵕⵏⴰⵏⴷⵓ ⴳⵕⴰⵏⴷⵉ ⵎⴰⵕⵍⴰⵙⴽⴰ, ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⴰⵎⴰⵡⵙⴰⵙ ⴰⵎⵖⵔⴰⴱⵉ ⵏ ⵓⴳⵏⵙⵓ, ⵄⴱⴷⵍⵡⴰⵃⴷ ⵍⴼⵜⵉⵜ.

ⵎⵙⴰⵙⴰⵏ ⵉⵎⵙⵜⴳⴳⵯⴰⵔⵏ ⴰⴷ ⵙⵎⴰⵢⵏⵓⵏ ⵜⴰⵎⴷⵔⴰⵡⵜ ⵏⵏⵙⵏ ⴰⴼ ⴰⴷ ⴱⵉⴷⴷⵏ ⴷⴰⵜ ⵏ ⵉⵥⵟⵟⴰ ⵏ ⵓⵙⵖⵏⵣⵉ ⵏ ⵉⵏⴼⴳⴰⵏ, ⵙⵍⴰⵡⴰⵏ ⴰⴽⴽⵯ ⴷⴼⴼⵉⵔ ⵍⵍⵉⵖ ⴹⵀⵕⵏ ⵉⵣⵓⵔⵜⵏ ⵉⵎⴰⵢⵏⵓⵏ ⵉⵛⵇⵇⴰⵏ ⴱⴰⵀⵔⴰ ⵍⵍⵉ ⴹⴼⴰⵕⵏ ⵉⵥⵟⵟⴰ ⵉⵏⴱⴽⴽⵉⴹⵏ ⴰⴷ, ⵎⴰ ⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵉⵛⵛⴰⵔⵏ ⵉⴼⴼⵖⵏ ⴷⴼⴼⵉⵔ ⵏ ⵓⵎⴰⴳⵔ ⴰⴷ.

ⵜⴰⵎⴷⵔⴰⵡⵜ ⵜⴰⵎⴰⵢⵏⵓⵜ ⴳ ⵉⴳⵔ ⵏ ⵜⵣⵡⴰⴳⵜ ⴷ ⵓⵙⴱⵉⴷⴷ ⵏ ⵉⵥⵟⵟⴰ ⵏ ⵓⵙⵖⵏⵣⵉ ⵏ ⵉⵏⴼⴳⴰⵏ ⵉⵙⵎⴰⵏⵏ ⵜⴰⵙⵇⵇⵉⵎⵜ ⵜⵓⵕⵓⴱⴱⵉⵜ ⴷ ⵍⵎⵖⵔⵉⴱ ⵉⵥⴹⴰⵕ ⴰⴷ ⵉⵃⴱⵓ ⵙⵍⴰⵡⴰⵏ ⴰⴽⴽⵯ ⴰⵏⵏⴰⵍ ⵏ ⵓⵙⵡⵓⴷⴷⵓ ⵏ ⵉⵡⵜⵜⵓⵏ, ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵓⵍⵉⵙⵉ ⴷ ⵉⵙⴰⴳⴳⵯⵏ ⵉⵛⵛⴰⵔⵏ, ⴰⵙⴼⵔⴽ ⵙ ⵉⵎⵉⵣⵉⵏ ⵏ ⵜⵣⵡⴰⴳⵜ ⵓⵔ ⵉⵍⴳⵯⵉⵏⵏ, ⵓⵍⴰ ⴰⵙⵡⵓⴷⴷⵓ ⵏ ⵓⵎⵢⴰⵡⴰⵙ ⴳⵔ ⵜⵙⵏⵓⵔⴰⵢⵉⵏ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⵉⵜⵜⵓⵙⵎⴰⴳⵍⵏ ⵙ ⵜⵖⴰⵡⵙⵉⵡⵉⵏ ⵏ ⵓⴳⵏⵙⵓ, ⵎⴰ ⵢⴰⴷ ⵉⵏⵏⴰ ⵡⵙⵉⵡⴹ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E%E2%B5%9C-%E2%B5%9C%E2%B5%93%E2%B5%95%E2%B5%93%E2%B4%B1%E2%B4%B1%E2%B5%89%E2%B5%9C-%E2%B4%B7-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%95%E2%B5%A5%E2%B5%8E%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C-%E2%B4%B3-%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%A3%E2%B5%A1%E2%B4%B0%E2%B4%B3%E2%B5%9C-%E2%B4%B7-%E2%B5%93%E2%B5%99%E2%B4%B1%E2%B5%89%E2%B4%B7%E2%B4%B7-%E2%B5%8F