ⵜⵉⵎⵙⴰⵔⵉⵏ ⵣⵔⵉⵏⵉⵏ ⴳ ⵜⵏⵇⵇⵉⴹⵜ ⵏ ⵓⵙⴰⴽⴰ ⵏⵏⴰⴹⵓⵕ ⵎⵍⵉⵍⵢⴰ: ⵉⵎⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵉⵎⵔⴳⴰⵍⵉⵏ ⵉⵣⵡⴰⵔⵏ ⵏⵏⵙ

13 ⵢⵓⵍⵢⵓⵣ 2022 Version Imprimable

ⵕⵕⴱⴰⵟ - ⵉⵎⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ, ⵜⵉⵎⵔⴳⴰⵍⵉⵏ ⵉⵣⵡⴰⵔⵏ ⵏ ⵜⵙⵎⵉⴳⵍⵜ ⵏ ⵜⵏⵖⵎⴰⵙⵜ ⵏⵏⵙ, ⵍⵍⵉ ⵢⵙⴽⵔ ⴷⴼⴼⵉⵕ ⵜⵎⵙⴰⵔⵉⵏ ⵉⵅⵛⵛⵏⵏ ⵉⵣⵔⵉⵏ ⴳ ⵜⵏⵇⵇⵉⴹⵜ ⵏ ⵓⵙⴰⴽⴰ ⴳⵔ ⵏⵏⴰⴹⵓⵕ ⴷ ⵎⵍⵉⵍⵢⴰ, ⵍⵍⵉⵖ ⵔⴰⵏ ⵍⴰⵃⵡⴰⵍ ⵏ 2000 ⵉⵎⵣⵡⴰⴳⵏ ⴰⴷ ⵣⵔⵉⵏ.

ⵜⵉⵎⵔⴳⴰⵍⵉⵏ ⴰⴷ, ⵍⵍⵉ ⵜⵙⵙⵎⵏⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵎⵉⵏⴰ ⴱⵓⵄⵢⵢⴰⵛ ⴰⵎⵎⴰⵙ ⵏ ⵢⴰⵜ ⵜⵏⴰⵡⵜ ⵜⵏⵖⵎⴰⵙⵜ, ⵍⵍⴰⵏ ⴳⵉⵙ ⵉⵏⵥⵏ ⵏ ⵜⵙⵎⵉⴳⵍⵜ ⵉⴷⴷⴰⵏ ⵙ ⵏⵏⴰⴹⵓⵕ ⴷ ⵜⵙⴳⵉⵡⵉⵏ ⵏⵏⵙ ⴰⴼ ⴰⴷ ⵜⵙⴽⵔ ⵉⵎⴹⴰⴽⴰⵕⵏ ⴷ ⵜⵏⴱⴰⴹⵉⵏ ⴷ ⵓⵎⵓⵏ ⵓⵖⵔⵉⵎ ⴷ ⵉⵎⵣⵡⴰⴳⵏ, ⵓⵍⴰ ⴰⴼ ⴰⴷ ⵜⵙⵎⵓⵏ ⵉⴼⵙⴽⴰⵏ ⴷ ⵉⵏⵖⵎⵉⵙⵏ ⵉⵣⴷⵉⵏ ⴷ ⵜⵖⴰⵡⵙⴰ ⵢⴰⴷ.

ⵉⵙⵎⴰⵏ ⵓⴳⵔⴰⵡ ⵉⵙⴽⵔⵏ ⵜⵙⵎⵉⴳⵍⵜ ⴰⵏⵙⵙⵉⵅⴼ ⵏ ⵓⵎⵎⴰⵙ ⴰⵏⵎⵏⴰⴹ ⵏ ⵙⵓⵙ ⵎⴰⵙⵙⴰ, ⴷ ⵓⵏⵎⵀⴰⵍ ⵏ ⵓⵃⵟⵟⵓ ⴷ ⵏ ⵓⴹⵓⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵢⴰⵏ ⵓⴹⴱⵉⴱ, ⴰⴳⵎⴰⵎ ⵏ ⵓⴳⵔⴰⵡ.

ⵜⵉⵎⵓⵛⵛⴰ ⴷ ⵜⵓⴳⴳⴰ ⵉⵜⵜⵓⵙⵎⴰⵏⵏ ⵅⴼ ⵜⵖⴰⵔⴰⵙⵉⵏ ⵍⵍⵉ ⴹⴼⴰⵕⵏ ⵉⵎⵣⵡⴰⴳⵏ ⴰⴼ ⴰⴷ ⵣⵔⵉⵏ ⵜⴰⴳⴳⵓⵔⵜ ⵏ ⵍⵃⴷⵉⴷ ⵙⵙⵓⴼⵖⵏ ⵢⴰⵏ ⵉⵙⴰⵜⵉ ⴰⵎⴰⵜⴰⵢ ⵍⵍⵉⵖ ⵍⵍⴰⵏ ⵉⵏⵖⵎⵉⵙⵏ ⵍⵍⵉ ⵎⵍⴰⵏ ⵎⴰⵏⵉⴽ ⴰⵔ ⵔⴰⴷ ⴳⵉⵏ ⵉⵔⵉⵎⵏ ⵍⵍⵉ ⵔⴰⴷ ⵙⴽⵔⵏ ⵉⵎⵣⵡⴰⴳⵏ, ⵎⴰ ⵢⴰⴷ ⵜⵏⵏⴰ ⵜⵏⴰⴹⵜ.

"ⵉⴳⴰ ⵍⵃⴰⵍ ⵢⴰⵜ ⵜⵎⵣⵡⴰⵔⵓⵜ ⵅⴼ ⵜⵙⵜⵔⴰⵜⵉⵊⵉⵜ ⵉⵜⵜⵓⴹⴼⴰⵕⵏ ⴷ ⵍⵏⵛⴽ ⵏ ⵉⵎⵣⵡⴰⴳⵏ ⵍⵍⵉ ⴳⵉⵜ ⵉⴷⵔⴰⵏ ⵓⵍⴰ ⵎⵏⵏⴰⵡ ⵏ ⵉⵎⴳⴰⵙⵏ ⵍⵍⵉ ⵢⴹⵕⵏ", ⵎⴰ ⵢⴰⴷ ⵙⵓⵍ ⵜⵏⵏⴰ ⵜⵏⴰⴹⵜ, ⵜⴼⵔⴰ ⵜⵏⵏⴰ ⵎⴰⵙⵙ 23 ⵓⵎⵣⵡⴰⴳ ⴰⴷ ⵉⵎⵎⵓⵜⵏ, ⴷ 217 ⵏ ⵎⴷⴷⵏ ⴰⴷ ⵓⵜⵜⵓⵏⴳⴰⵙⵏ, ⴰⵎⵎⴰⵙⵏ ⵏ ⴳⵉⵜⵙⵏ 140 ⵏ ⵉⴳⵎⴰⵎⵏ ⵏ ⵜⴳⴳⴰⵍⵉⵏ ⵏ ⵓⵏⵎⴰⵍⴰ ⴷ 77 ⴰⵎⵎⴰⵙ ⵏ ⵉⵎⵣⵡⴰⴳⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B5%89%E2%B5%8E%E2%B5%99%E2%B4%B0%E2%B5%94%E2%B5%89%E2%B5%8F-%E2%B5%A3%E2%B5%94%E2%B5%89%E2%B5%8F%E2%B5%89%E2%B5%8F-%E2%B4%B3-%E2%B5%9C%E2%B5%8F%E2%B5%87%E2%B5%87%E2%B5%89%E2%B4%B9%E2%B5%9C-%E2%B5%8F-%E2%B5%93%E2%B5%99%E2%B4%B0%E2%B4%BD%E2%B4%B0-%E2%B5%8F%E2%B5%8F%E2%B4%B0%E2%B4%B9%E2%B5%93%E2%B5%95-%E2%B5%8E%E2%B5%8D%E2%B5%89%E2%B5%8D%E2%B5%A2%E2%B4%B0-%E2%B5%89%E2%B5%8E%E2%B5%8D%E2%B4%B0-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%89%E2%B5%A3%E2%B5%94%E2%B4%BC%E2%B4%B0%E2%B5%8F-%E2%B5%8F