Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵏ ⵓⴷⴰⴱⵓ : ⴰⵙⴽⵯⵜⵉ ⵙ ⵜⵣⴷⴰⵢⵜ ⵉⴷⵓⵙⵏ ⴳⵔ ⵓⴷⴰⴱⵓ ⴷ ⵓⵖⵔⴼ

ⵜⴰⴼⵓⴳⵍⴰ ⵏ ⵓⴷⴰⴱⵓ : ⴰⵙⴽⵯⵜⵉ ⵙ ⵜⵣⴷⴰⵢⵜ ⵉⴷⵓⵙⵏ ⴳⵔ ⵓⴷⴰⴱⵓ ⴷ ⵓⵖⵔⴼ

21 ⵢⵓⵍⵢⵓⵣ 2022 Version Imprimable
ⵕⵕⴱⴰⵟ - ⵉⴳⴰ ⵓⴽⵯⵜⵜⴰⵢ ⵡⵉⵙⵙ ⵙⵉⵎⵔⴰⵡ ⴷ ⴽⵕⴰⴹ ⵏ ⵓⵍⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⵓⴷⴰⴱⵓ ⵏⵏⴰ ⵙ ⵔⴰⴷ ⵉⵙⴼⵓⴳⵍⵓ ⵓⵖⵔⴼ ⴰⵎⵖⵔⵉⴱⵉ ⴳ 30 ⵢⵓⵍⵢⵓⵣ ⴷ ⵉⴷⴷⴰⵏ, ⵢⴰⵜ ⵜⵎⵍⴷⴰ ⵏ ⵓⵙⵎⴰⵢⵏⵓ ⵏ ⵜⵣⴷⴰⵢⵉⵏ ⴳⵔ ⵓⴷⴰⴱⵓ ⴷ ⵓⵖⵔⴼ, ⴷ ⵜⵡⵀⴰⵍⵜ ⴼ ⵉⴱⴷⴷⵓ ⵅⴼ ⵜⵡⵡⵓⵔⵉⵡⵉⵏ ⵏⵏⴰ ⵉⵜⵜⵓⵙⴽⴰⵔⵏ ⴷⴷⵓ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ.

ⵉⴳ ⵡⴰⴽⵓⴷ ⵏ 30 ⵢⵓⵍⵢⵓⵣ ⴷ ⵢⵓⵛⴽⴰⵏ ⵢⴰⵏ ⵓⵏⵎⵓⵇⵇⴰⵔ ⵏⵏⴰ ⵎⵓ ⵎⵎⵔⵏ ⵉⵎⵖⵔⵉⴱⵉⵏ ⴰⴽⴽⵯ ⴰⴼⴰⴷ ⴰⴷ ⵎⵢⴰⵎⴰⵥⵏ ⴷ ⵓⴷⴰⴱⵓ ⵏ ⵜⵙⵓⵍⴰⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴳⵍⵍⵉⴷ ⵏⵏⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴳ ⵜⵙⴳⴰ ⵢⴰⴹⵏ, ⵜⴳⴰ ⵜⴼⵓⴳⵍⴰ ⵏ ⵓⴷⴰⴱⵓ ⵢⴰⵜ ⵜⵎⵍⴷⴰ ⵏ ⵓⵎⵢⴰⵎⴰⵥ ⴷ ⵓⵎⵢⴰⴷⴰⵙ ⴳⵔ ⵡⴰⵎⵓⵏ ⴷ ⵓⵖⵔⴼ ⴰⵎⵖⵔⵉⴱⵉ ⴷ ⵜⵡⵊⴰ ⵜⴰⴳⵍⴷⴰⵏⵜ ⵜⴰⵄⴰⵍⴰⵡⵉⵜ, ⴷ ⵓⵎⵢⴰⵡⴰⵙ ⵉⴷⵓⵙⵏ ⵉ ⵓⵙⴷⵓⵙ ⵏ ⵜⴷⵔⴼⵉⵜ ⴷ ⵜⵙⵉⵎⴰⵏⵜ ⵏ ⵜⴳⵍⴷⵉⵜ ⵏⵏⵖ ⴰⴼⴰⴷ ⴰⴷ ⴷⴰⵔⵙ ⵢⵉⵍⵉ ⵢⴰⵏ ⵉⵎⴰⵍ ⵉⵣⴷⴷⵉⴳⵏ ⴷ ⵜⵙⵓⵍⴰⵏⵜ ⵏ ⵜⵏⴼⵍⵉⵜ ⵏ ⵜⴳⵍⴷⵉⵜ ⵏⵏⵖ.

ⵙⴳ ⵍⵍⵉⵖ ⵉⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵅⴼ ⵓⴷⴰⴱⵓ ⴰⵎⵖⵔⵉⴱⵉ ⴰⴷ ⵉⵙⴽⵔ ⴽⵉⴳⴰⵏ ⵏ ⵉⵙⵏⴼⴰⵕⵏ ⵉⵏⴰⵎⵓⵏⴷⵎⵙⴰⵏⵏ ⴷ ⴽⵉⴳⴰⵏ ⵏ ⵡⴰⵀⵉⵍⵏ ⵏ ⵓⵙⴳⴳⴷ ⵏⵏⴰ ⵉⵍⵍⴰⵏ ⴳ ⵓⵙⵡⵉⵔ ⵏ ⵉⵙⵙⵓⵜⵓⵔⵏ ⵏ ⵓⵖⵔⴼ ⴰⵎⵖⵔⵉⴱⵉ, ⵙⵍⴰⵡⴰⵏ ⴰⴽⴽⵯ ⴰⵡⵇⵇⵔ ⵏ ⵉⵜⴳⴰⵔⵏ ⵏ ⵓⴼⴳⴰⵏ ⴰⵎⵖⵔⵉⴱⵉ.

ⵏⵏⴰⵏ ⴽⵉⴳⴰⵏ ⵏ ⵉⵏⵎⵎⴰⵙⵙⵓⵜⵏ ⵎⴰⵙⴷ ⵙⴳ ⵓⵍⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵙ ⵓⵏⴱⴱⴹ ⴳ 30 ⵢⵓⵍⵢⵓⵣ 1999 ⵉⵙⴽⵔ ⴽⵉⴳⴰⵏ ⵏ ⵜⵡⵡⵓⵔⵉⵡⵉⵏ ⵜⵉⴷⵙⵍⴰⵏⵉⵏ ⴳ ⵉⴳⵔⴰⵏ ⵏ ⵜⵙⵔⵜⵉⵜ ⴷ ⵜⴷⵉⴱⵍⵓⵎⴰⵙⵉⵜ ⵜⴰⵏⴰⵎⵓⵏⵜ.

ⵙⴳ ⵜⴰⵏⵏⴰⵢⵜ ⵉⴼⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵍⵜⵜⵖ ⵍⵎⵖⵔⵉⴱ ⴳ ⴽⵉⴳⴰⵏ ⵏ ⵜⵙⵏⵜⴰⵢⵉⵏ ⵏ ⵓⵙⴳⴳⴷ ⴰⵜⵔⴰⵔ ⵏ ⵓⵙⴱⵓⵖⵍⵓ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵜⵙⵔⵜⵉⵜⵉⵏ ⵏ ⵉⴳⵔⴰⵏ ⵎⵢⴰⵏⴰⵡⵏⵉⵏ ⴷ ⵓⵙⵙⵍⵎⴷ ⴷ ⵜⵖⴹⵎⵜ ⴷ ⵜⵎⴳⵓⵔⵉ ⵓⵍⴰ ⵜⴰⵔⵏⴰ ⵜⴰⴽⵔⵣⴰⵏⵜ ⴷ ⵉⴳⵔⴰⵏ ⵢⴰⴹⵏⵉⵏ ⵎⵢⴰⵏⴰⵡⵏⵉⵏ.

ⵜⴰⴷⵉⵏⴰⵎⵉⵜ ⴰⴷ ⵜⵙⴽⴰ ⴼ ⵜⵣⵎⵔⵜ ⵏ ⴱⴰⴱ ⵏ ⵡⴰⴷⴷⵓⵔ ⵉⴳⵔⴰⵏ ⵏ ⵜⵏⴼⵍⵉⵜ ⴳ ⵜⴳⵍⴷⵉⵜ ⴰⴽⴽⵯ, ⴷ ⵓⵙⴽⵓ ⵏ ⵜⵖⴹⵎⵜ ⵉⵣⴷⴷⵉⴳⵏ ⴳ ⵉⴳⵔⴰⵏ ⴰⵏⴰⵎⵓⵏ ⴷ ⵓⵎⴰⴹⵍⴰⵏ, ⴷ ⵓⵙⴽⵓ ⵏ ⵉⵜⴳⴰⵔⵏ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵎⵙⴰⵙⴰ ⴳⵔ ⵉⵜⴳⴰⵔⵏ ⵏ ⵜⵎⴰⴳⵉⵜ ⵜⴰⵎⵖⵔⵉⴱⵉⵜ ⴷ ⵉⵜⴳⴰⵔⵏ ⵏ ⵜⵎⵔⵙⴰⵍ ⵏ ⵓⵡⴰⵏⴽ ⵜⵉⵏⴰⵎⵓⵏⵉⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%B7%E2%B4%B0%E2%B4%B1%E2%B5%93-%E2%B4%B0%E2%B5%99%E2%B4%BD%E2%B5%AF%E2%B5%9C%E2%B5%89-%E2%B5%99-%E2%B5%9C%E2%B5%A3%E2%B4%B7%E2%B4%B0%E2%B5%A2%E2%B5%9C-%E2%B5%89%E2%B4%B7%E2%B5%93%E2%B5%99%E2%B5%8F-%E2%B4%B3%E2%B5%94-%E2%B5%93%E2%B4%B7%E2%B4%B0%E2%B4%B1%E2%B5%93-%E2%B4%B7-%E2%B5%93%E2%B5%96%E2%B5%94%E2%B4%BC