ⵉⵏⵏⴰ ⵎⴰⵙⵙ ⵇⵉⵛⵓⵃ, ⴷⴳ ⵢⴰⵏ ⵓⵎⵙⴰⴳⴰⵔ ⴰⴽⴷ ⵜⴱⴰⴷⵓⵜ ⵏ ⵉⵏⵖⵎⵉⵙⵏ “M24” ⵏⵏⴰ ⵉⴹⴼⴰⵕⵏ ⵉ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵏ ⵉⵏⵖⵎⵉⵙⵏ ⵎⴰⵙ ⴷ ⴷⴳ ⵓⵙⴳⴳⵯⴰⵙ ⵏ 2018, ⵜⴰⵎⵔⵙⵍⵜ ⵜⵜⵓⵖⴰ ⴷⴰⵔⵙ 500 ⵏ ⵜⴷⴰⵍⴰ ⵏ ⵜⵖⵓⵔⵉ, ⴷ 2000 ⵏ ⵜⴷⴰⵍⴰ ⴳ 2019. ⴷ 12000 ⵏ ⵜⴷⴰⵍⴰ ⵏ ⵜⵖⵓⵔⵉ ⴷⴳ ⵓⵙⴳⴳⵯⵙ ⵏ 2021, ⵉⴳⴳⵓⵔ ⴰⴷ ⵜⵣⵔⵉ 18000 ⵏ ⵜⴷⴰⵍⴰ ⵏ ⵜⵖⵓⵔⵉ ⴷⴳ ⵛⵓⵜⵏⴱⵉⵔ ⵉ ⴷ ⵢⵓⵛⴽⴰⵏ .
ⵉⵙⵎⴷ ⵉⵏⵏⴰ ⵎⴰⵙⴷ ⵜⴰⵎⵔⵙⵍⵜⵜⴰⵎⵖⵔⵉⴱⵉⵜ ⵏ ⵓⵙⴱⵓⵖⵍⵓ ⵏ ⵓⵙⵙⵍⵎⴷ ⴰⵎⵏⵣⵓ ⵜⴳⴰ ⵜⴰⵎⵍⵜⴰⵖⵜ ⴳ ⵉⵏⵎⴰⵍⵍⵓⵜⵏ ⵉⵙⴳⴰⵡⴰⵏⵏ ⴷ ⵡⴰⵎⵎⴰⵙⵏ,ⵉⵏⵏⴰ ⵎⴰⵙ ⵔⴰⴷ ⵜⵙⴳⴳⴷ ⴰⵙⵡⵉⵔ ⴷ ⵜⵎⴰⵎⴽⵜ ⵏ ⵓⵙⵡⵓⵔⵉ ⵏⵏⵙ , ⴰⴼⴰⴷ ⴰⴷ ⵜⵉⴹⴼⵓⵕ ⴰⴱⵓⵖⵍⵓ ⴰⵏⵎⵏⴰⴹ,ⴰⴼⴰⴷ ⴰⴷ ⵜⵉⵍⵉ ⴳ ⵓⵙⵡⵉⵔ ⵏ ⵉⵙⵙⵓⵜⵓⵔⵏ ⵏⵏⴰ ⵉⵍⵍⴰⵏ ⵎⵏⵉⴷ ⵏ ⵜⵏⵖⵍⴰⴼⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ ⵉ ⵜⵏⴰⴼⵓⵜⵉⵏ ⵏ ⵡⴰⵣⵣⴰⵏ ⴰⵎⵖⵔⵉⴱⵉ .
ⵉⵙⵎⴷ ⵎⴰⵙⵙ ⵇⵉⵛⵓⵃ ⴰⵡⴰⵍ ⵏⵏⵙ , ⵉⵏⵏⴰ ⵎⴰⵙⴷ ⴰⴱⵓⵖⵍⵓ ⵏ ⵓⵙⵡⵉⵔ ⴰⵎⵏⵣⵓ ⴳ ⵓⵙⵙⵍⵎⴷ ⵉⴳⴰ ⴰⵏⴰⵣⴰⵕ ⵉ ⴽⵉⴳⴰⵏ ⵏ ⵜⵎⵔⵙⴰⵍ ⵏ ⵓⵙⵙⵍⵎⴷ ⴳ ⵎⴰⴷ ⵉⵥⵍⵉⵏ ⵙ ⵓⵖⵓⴷⵓ ⵏ ⵓⵙⵙⵍⵎⴷ .
ⵉⵏⵏⴰ ⴳ ⵉⴳⵔ ⴰⴷ , ⵎⴰⵙⴷ ⵜⵉⵎⵔⵙⵍⵜ ⵜⵖⵔⴰ ⵉ ⵉⵎⴰⵙⵙⴰⵏⵏ ⵉⴳⵔⴰⵖⵍⴰⵏⵏ ⴰⴼⴰⴷ ⴰⴷ ⴰⴽⴽⴰⵏ ⵜⵉⵎⴰⵎⴽⵉⵏ ⵏ ⵓⵙⵙⵍⵎⴷ ⵉⵖⵓⴷⴰⵏ ⵉ ⵡⴰⵣⵣⴰⵏⵏ,ⵉⵣⴰⵢⴷ ⵉⵏⵏⴰ ⵎⴰⵙⴷ ⵜⵉⵎⴰⵎⴽⵉⵏ ⵏ ⵓⵙⵙⵍⵎⴷ ⴰⵎⴰⴹⵍⴰⵏ ⵜⵜⵓⵙⴽⴰⵔⵏⵜ ⴰⵡⴷ ⴳ ⵓⵙⵙⵍⵎⴷ ⵏ ⵍⵎⵖⵔⵉⴱ .
ⴳ ⵎⴰⴷ ⵉⵥⵍⵉⵏ ⴰⵡⴷ ⵙ ⵜⵡⵉⵙⵉ ⵏ ⵜⵉⵔⵎⵉⵜ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵏⴼⵍⵉⵜ ⵜⴰⵏⴼⴳⴰⵏⵜ ⵏ ⵓⵙⴳⴳⵯⴰⵙ ⵏ 2019ⴷ 2020 ⵏⵏⴰ ⵉⴼⴽⴰⵏ ⵜⵉⵢⴰⴼⵓⵜⵉⵏ ⵉⴱⵓⵖⵍⴰⵏ ⵛⵉⴳⴰⵏ
ⴳ ⵜⵙⴳⴰ ⵢⴰⴹⵏ,ⵎⴰⵙ ⵉⵍⵍⴰ ⵓⵃⵢⵢⵍ ⵉ ⵉⵎⵉⵔ ⴰⵏⵎⵍⴰⵏ ⵙⴳ ⴷⵓⵊⴰⵏⴱⵉⵔ ⵉⵣⵔⵉⵏ , ⴷⴼⴼⵉⵔ ⵏ ⴽⵉⴳⴰⵏ ⵏ ⵉⴳⵉⵡⵔⵏ ⵏⵏⴰ ⵉⵜⵜⵓⵙⴽⴰⵔⵏ ⴷ ⵜⵎⴰⵡⵙⴰⵙⵜ ⴷ ⵉⵎⴷⵔⴰⵡⵏ ⵢⴰⴹⵏ .
ⵉⵣⴰⵢⴷ ⵉⵏⵏⴰ ⵎⴰⵙⴷ ⵉⴳⵉⵡⵔⵏ ⴰⴷ ⵙⵢⴰⴼⵓⵏ ⴰⵙⴽⴽⵉⵔ ⵏ ⴽⵉⴳⴰⵏ ⵏ ⵜⵎⵢⴰⵇⵇⴰⵏⵉⵏ ⴰⴼⴰⴷ ⴰⴷ ⵉⴱⵓⵖⵍⵓ ⵓⴱⵔⵉⴷ ⵏ ⵓⵙⵙⵍⵎⴷ , ⵎⴽⵍⵍⵉ ⵜⴳⴰ ⵜⵎⵔⵙⵍⵜ ⵜⴰⵎⵖⵔⵉⴱⵉⵜ ⵏ ⵓⵙⴱⵓⵖⵍⵓ ⵏ ⵓⵙⵙⵍⵎⴷ ⴰⵎⵏⵣⵓ ⵜⴰⵎⵙⵜⴳⴳⴰⵔⵜ ⴳ ⵉⴳⵔ ⵏ ⵓⵙⴱⵓⵖⵍⵓ ⴷ ⵓⴹⴼⵓⵕ ⵏ ⵓⵙⵡⵉⵔ ⵏ ⵓⵙⵙⵍⵎⴷ ⴳ ⵜⵎⴰⵣⵉⵔⵜ ⵏⵏⵖ .
ⵎⴽⵍⵍⵉ ⵜⵙⴽⵔ ⵜⵎⵔⵙⵍⵜ ⵢⴰⵏ ⵓⵎⵃⵉⵣⵡⴰⵔ ⵏ ⵉⵙⵍⵎⴰⴷⵏ ⵏⵏⴰ ⵔⴰⴷ ⵉⵙⵙⵏⵜⵉ ⵜⴰⵡⵡⵓⵔⵉ ⵏ ⵓⵙⵙⵍⵎⴷ ⴳ ⵛⵓⵜⴰⵏⴱⵉⵔ ⴷ ⵢⵓⵛⴽⴰⵏ, ⵏⵏⴰ ⵉⴳⴰⵏ 8000 ⵏ ⵓⵎⵙⵙⴳⵎⵉ ⴳ ⵓⵙⵡⵉⵔ ⴰⵏⴰⵎⵓⵔ ⵏⵏⴰ ⵔⴰⴷ ⵉⵙⴽⵔ ⴰⵙⵎⵓⵜⵜⴳ 400 ⵏ ⵜⵙⵔⴰⴳⵜ ⵏⵏⴰ ⵉⵜⵜⵓⴱⴹⴰⵏ ⵅⴼ 11 ⵏ ⵉⵎⴰⵍⴰⵙⵙ .
ⴷⴼⴼⵉⵔ ⵏ ⵓⵙⵡⵉⵔ ⴰⵏⵎⵍⴰⵏ ⵔⴰⴷ ⵉⵜⵜⵓⵙⴽⴰⵔ 550 ⵏ ⵜⵙⵔⴰⴳⵜ ⵏ ⵓⵙⵎⵓⵜⵜⴳ ⵉ ⴽⵓ ⴰⵎⵙⵎⵓⵜⵜⴳ ⵏⵏⴰ ⵉⵜⵜⵓⴱⴹⴰⵏ ⴼ ⵓⵙⴳⴳⵯⴰⵙ ⴰⵏⵎⵍⴰⵏ ⴰⴽⴽⵯ , ⴷ ⵜⵢⴰⴷⵓⵣⵉⵏ ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ ⵓⵜⵓⵢ ⴳⵉⵙ 950 ⵏ ⵜⵙⵔⴰⴳⵜ ⵏ ⵓⵙⵎⵓⵜⵜⴳ ⴳ ⵎⴰⴷ ⵉⵜⵜⴳⴳⴰⵏ 18 ⵏ ⵡⴰⵢⵢⵓⵔ .