ⵜⵔⴰⴱⴱⵓⵜ ⵜⴰⵎⵖⵔⴰⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⴰⴳⵏⵙ ⵏ ⵜⴷⴰⵍⴰ ⵜⴰⴼⵙⵏⴰ ⵜⵉⵙ ⵜⴰⵎⵜ ⴷ ⵜⴹⴼⵕ ⵜⵉⵎⵎⵓⵣⵔⴰ ⴳ ⵓⵙⵡⵉⵔ ⴰⵄⵕⴰⴱ ⴷ ⵓⴼⵔⵉⵇⵉ

06 ⵛⵓⵜⴰⵏⴱⵉⵔ 2022 Version Imprimable

ⵜⵉⴳⵎⵎⵉ ⵜⵓⵎⵍⵉⵍⵜ - ⵢⵓⵍⵉ ⵉⵎⵙⵜⵉ ⴰⵏⴰⵎⵓⵔ ⴰⵎⵖⵔⴰⴱⵉ ⵏ ⵜⵡⵊⵊⴰ ⵏ ⵓⴹⴰⵕ ⴰⴳⵏⵙ ⵏ ⵜⴷⴰⵍⴰ, ⵙ ⵜⵙⴽⵯⴼⵍⵜ ⵜⵉⵙ ⵜⴰⵎⵜ ⴳ ⵓⵎⴰⴹⴰⵍ, ⵉⵎⵙⴰⵙⴰⵏ ⴷ ⵜⵙⵏⴰⵡⴰⵢⵜ ⴷ ⵉⴼⴼⵖⵏ ⵉⴹⴳⴰⵎ ⵏ ⵓⵙⴰⵎⴰⵙ, ⴳ ⵡⴰⵏⵙⴰ "Futsal World Ranking " ⴰⵎⵥⵍⴰⵢ ⴳ ⵜⵙⵏⴰⵡⴰⵢⵜ ⵏ ⵉⵎⵙⵜⵉⵢⵏ ⵏ ⵜⵡⵊⵊⴰ ⵏ ⵓⴹⴰⵕ ⴰⴳⵏⵙ ⵏ ⵜⴷⴰⵍⴰ, ⵙ ⵔⴰⴷ ⵉⴹⴼⵕ ⵜⵉⵎⵎⵓⵣⵔⴰ ⴳ ⵓⵙⵡⵉⵔ ⴰⵄⵕⴰⴱ ⴷ ⵓⴼⵔⵉⵇⵉ.

ⵢⴰⵖⵓⵍ ⵉⵎⵙⵜⵉ ⴰⵏⴰⵎⵓⵔ ⵏ ⵜⵡⵊⵊⴰ ⵏ ⵓⴹⴰⵕ ⴷⴰⵔⵙ 1441 ⵏ ⵜⵏⵇⵇⵉⴹⵜ, ⴹⴰⵕⵜ ⵉⵏⵏ ⵉⴽⴽⴰ ⴳ ⵜⵙⴽⵯⴼⵍⵜ ⵜⵉⵙ ⵜⵥⴰⵜ ⴳ ⵜⵙⵏⴰⵡⴰⵢⵜ ⴷ ⵉⴼⴼⵖⵏ ⴳ ⵡⴰⵢⵢⵓⵔ ⵏ ⵢⵓⵏⵢⵓ ⵉⵣⵔⵉⵏ ⵙ 1429 ⵏ ⵜⵏⵇⵇⵉⴹⵜ.

ⵢⵓⵛⴽⴰ ⴷ ⵓⵍⵓⵢ ⵏ ⵉⵎⵙⵜⵉ ⴰⵏⴰⵎⵓⵔ ⵉ ⵜⵡⵊⵊⴰ ⵏ ⵓⴹⴰⵕ ⴰⴳⵯⵏⵙ ⵏ ⵜⴷⴰⵍⴰ ⵙ ⵜⵙⴽⵯⴼⵍⵜ ⵜⵉⵙ ⵜⴰⵎⵜ ⴳ ⵓⵙⵡⵉⵔ ⴰⵎⴰⴹⵍⴰⵏ ⴹⴰⵕⵜ ⵢⵉⵡⵉ ⵜⴰⴽⵓⵙⵜ ⵏ ⵍⵄⴰⵕⴰⴱ ⵏⵏⴰ ⵉⵎⵙⴰⵔⵏ ⵉⵣⵎⴰⵣ ⵏⵏⵙ ⴳ ⵜⴳⵍⴷⵉⵜ ⵜⴰⵄⵕⴰⴱⵉⵜ ⵜⴰⵙⴰⵄⵓⴷⵉⵜ ⴳ ⵡⴰⵢⵢⵓⵔ ⵏ ⵢⵓⵏⵢⵓ ⵉⵣⵔⵉⵏ.

ⵢⵉⵡⵉ ⵓⴽⴰⴱⴰⵕ ⵏ ⵓⵎⵙⵜⴰⵢ ⴰⵏⴰⵎⵓⵔ ⵀⵉⵛⴰⵎ ⴷⴷⴽⵉⴽ ⵜⴰⴽⵓⵙⵜ ⵏ ⵍⵄⴰⵕⴰⴱ, ⴹⴰⵕⵜ ⵏ ⵡⴰⵔⵔⴰⵣ ⵏⵏⵙⵏ ⵅⴼ ⵉⵎⵙⵜⵉ ⵏ ⵍⵄⵉⵔⴰⵇ ⵙ ⴽⵕⴰⴹⵜ ⵜⵎⵙⵡⵉⵜⵉⵏ ⴳ ⵓⵎⵏⵉⴷ ⵏ ⵓⵎⵢⴰ, ⴳ ⵓⵎⵏⴰⵍⴰ ⵏⵏⴰ ⵜⵏ ⵉⵙⵎⵓⵏⵏ ⴳ ⵜⵖⵔⵎⵜ ⵏ ⴷⴷⵎⵎⴰⵎ ⴳ ⵙⵙⴰⵄⵓⴷⵉⵢⴰ.

ⵉⵜⵜⵓⵙⵎⴰⵜⴰⵔ ⵎⴰⵙ ⴷ ⵉⵎⵙⵜⵉ ⵏ ⵍⴱⵕⴰⵣⵉⵍ ⵢⵓⵎⵣ ⵜⵉⵣⵡⵉⵔⵉ ⵏ ⵓⵙⵓⴷⵙ ⴰⵎⴰⴹⵍⴰⵏ ⵙ 1796 ⵏ ⵜⵏⵇⵇⵉⴹⵜ, ⵢⵉⵜⵜⵉ ⵉⵏⵏ ⵅⴼ ⵚⴱⴰⵏⵢⴰ ⵏⵏⴰ ⴷ ⴷⴰⵔ (1754) ⴷ ⵍⴱⵓⵔⵜⵓⵖⴰⵍ ⵙ (1744).

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%8F-%E2%B5%9C%E2%B5%A1%E2%B5%8A%E2%B5%8A%E2%B4%B0-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B4%B0%E2%B4%B3%E2%B5%8F%E2%B5%99-%E2%B5%8F-%E2%B5%9C%E2%B4%B7%E2%B4%B0%E2%B5%8D%E2%B4%B0-%E2%B5%9C%E2%B4%B0%E2%B4%BC%E2%B5%99%E2%B5%8F%E2%B4%B0-%E2%B5%9C%E2%B5%89%E2%B5%99-%E2%B5%9C%E2%B4%B0%E2%B5%8E%E2%B5%9C-%E2%B4%B7-%E2%B5%9C%E2%B4%B9%E2%B4%BC%E2%B5%95-%E2%B5%9C%E2%B5%89%E2%B5%8E%E2%B5%8E%E2%B5%93%E2%B5%A3%E2%B5%94%E2%B4%B0-%E2%B4%B3