Published on MAPNews (https://www.mapnews.ma/am)

Accueil > ⴰⵎⵙⴰⴳⴰⵔ ⵏ ⵜⵙⴳⴳⵉⵡⵉⵏ ⵏ ⵉⴼⵔⵉⵇⵢⴰ ⴳ ⵙⵙⵄⵉⴷⵉⵢⵢⴰ ⵢⴰⵜ ⵜⵎⵍⴷⴰ ⵏ ⵓⴱⵟⵓ ⵏ ⵜⵉⵔⵎⵉⵜⵉⵏ ⵉ ⵓⵎⵢⴰⵡⴰⵙ ⵡⴰⵔ ⴰⵏⴰⵎⵎⴰⵙ ( ⵎⴰⵙⵙⴰ ⴱⵓⵄⵉⴷⴰ) 

ⴰⵎⵙⴰⴳⴰⵔ ⵏ ⵜⵙⴳⴳⵉⵡⵉⵏ ⵏ ⵉⴼⵔⵉⵇⵢⴰ ⴳ ⵙⵙⵄⵉⴷⵉⵢⵢⴰ ⵢⴰⵜ ⵜⵎⵍⴷⴰ ⵏ ⵓⴱⵟⵓ ⵏ ⵜⵉⵔⵎⵉⵜⵉⵏ ⵉ ⵓⵎⵢⴰⵡⴰⵙ ⵡⴰⵔ ⴰⵏⴰⵎⵎⴰⵙ ( ⵎⴰⵙⵙⴰ ⴱⵓⵄⵉⴷⴰ) 

08 ⵛⵓⵜⴰⵏⴱⵉⵔ 2022 Version Imprimable
ⵙⵄⵉⴷⵉⵢⵢⴰ :  - ⵜⵏⵏⴰ ⵜⵏⵙⵉⵅⴼⵜ ⵏ ⵜⵎⵙⵎⵓⵏⵜ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ,ⵎⴰⵙⵙⴰ ⵎⴱⴰⵕⴽⴰ ⴱⵓⵄⵉⴷⴰ ⴰⵙⵙ ⵏ ⵓⴽⵕⴰⵙ ⴳ ⵙⵙⵄⵉⴷⵉⵢⵢⴰ ⵎⴰⵙⴷ ⵜⴰⵙⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵎⵙⴰⴳⴰⵔ ⵏ ⵜⵙⴳⴳⵉⵡⵉⵏ ⵏ ⵉⴼⵔⵉⵇⵢⴰ ⵉⴳⴰ ⵢⴰⵜ ⵜⵎⵍⴷⴰ ⵏ ⵉⵎⴷⵔⴰⵡⵏ ⴰⴼⴰⴷ ⴰⴷ ⴱⴹⵓⵏ ⵜⵉⵔⵎⵉⵜⵉⵏ ⵏ ⵜⵙⴳⴳⵉⵡⵉⵏ ⵉ ⵜⵏⴰⴼⵓⵜⵉⵏ ⵏ ⵓⵎⵢⴰⵡⴰⵙ ⵡⴰⵔ ⴰⵏⴰⵎⵎⴰⵙ . 

ⴳ ⵢⴰⵜ ⵜⵉⵏⴰⵡⵜ ⵜⴰⵏⴰⵖⵎⴰⵙⵜ,ⵏⵏⴰ ⴳ ⵉⵜⵜⵓⵙⴽⴰⵔ ⵓⵙⵙⴰⵜⵉⴳ ⵏ ⵜⴼⵔⴽⵉⵡⵉⵏ ⵏ ⵓⵎⵙⴰⴳⴰⵔ ⴰⴷ, ⵏⵏⴰ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ ⵙⴳ 8 ⴰⵔ 10 ⵛⵓⵜⴰⵏⴱⵉⵔ ⴰⴷ ⴳ ⵙⵙⵄⵉⴷⵉⵢⵢⴰ , ⵎⴰⵙ ⴳⵉⵙ ⴷⵔⴰⵏ ⵓⴳⴳⴰⵔ ⵏ 20 ⵏ ⵜⵎⴰⵣⵉⵔⵜ ⵜⴰⴼⵔⵉⵇⵉⵜ ⵏⵏⴰ ⵉⵙⵙⵎⵔⵙⵏ ⴰⵏⵎⴰⵍⵍⵓ ⵡⴰⵔ ⴰⵏⴰⵎⵎⴰⵙ,ⴷⵔⴰⵏ ⴳⵉⵙ ⴰⵡⴷ ⵓⴳⴳⴰⵔ ⵏ 85 ⵏ ⵓⵏⵙⵙⵉⵅⴼ ⴷ ⵜⵏⵙⵙⵉⵅⴼⵜ ⵏ ⵜⵙⴳⴳⵉⵡⵉⵏ ⵏ ⵉⴼⵔⵉⵇⵢⴰ . 

ⵜⵏⵏⴰ ⵎⴰⵙⴷ ⴰⵏⵎⵓⴳⴳⴰⵔ ⴰⴷ,ⵏⵏⴰ ⵉⵜⵜⵓⵙⵏⵎⴰⵍⴰⵏ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵔⴰⴷ ⴳⵉⵙ ⵉⵍⵉⵏⵜ ⴽⵉⴳⴰⵏ ⵏ ⵜⵙⴰⵡⵓⵔⵉⵏ ⵜⵉⵎⴰⵙⵙⴰⵏⵉⵏ ⵏⵏⴰ ⴳ ⵔⴰⴷ ⵙⵢⴰⴼⵓⵏ ⵉⵎⴷⵔⴰⵡⵏ ⴰⴽⴽⵯ ⵏⵏⴰ ⵎⵓ ⵉⵍⴽⵎ ⵓⵟⵟⵓⵏ ⵏⵏⵙⵏ 400 ⵏ ⵓⵎⴷⵔⴰⵡ,ⵙⴳ ⴳⵉⵙⵏ ⴽⵉⴳⴰⵏ ⵏ ⵉⵎⵙⵜⴰⵢⵏ ⵉⵙⴳⴰⵡⴰⵏⵏ ⵉⵎⵖⵔⵉⴱⵉⵏ ⴷ ⵉⴼⵔⵉⵇⵉⵏ ⴷ ⵉⵎⵙⵜⴳⴳⴰⵔⵏ ⵏ ⵉⵙⵇⵇⵉⵎⵏ ⵏ ⵜⵙⴳⴳⵉⵡⵉⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵜⵉⴼⵔⵉⵇⵉⵢⵉⵏ . 

ⵜⵙⵎⴰⵍ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ , ⵎⴰⵙⴷ ⵜⵉⵙⴰⵡⵓⵔⵉⵏ ⴰⴷ ⴷⴷⴰⵏⴷⴷ ⴳ ⵓⵙⴰⵜⵉ ⵏ ⵓⵙⵎⵔⵙ ⵏ ⵜⵓⵎⵍⴰⵢⵉⵏ ⵏ ⵜⵎⴰⴳⵔⴰⵡⵜ ⵏ ⵜⵖⵔⵎⴰⵜⵉⵏ ⴷ ⵉⵡⴰⵏⴽⵏ ⵉⵙⴳⴰⵡⴰⵏⵏ ⴷ ⵜⵉⵏ ⵜⵎⵜⵜⴰ ⵜⵉⴼⵔⵉⵇⵉⵢⵉⵏ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ 2018 ⴳ ⵡⴰⵎⵓⵔ ⵏ ⵡⴰⴽⵓⵛ, ⵔⴰⴷ ⴳⵉⵙ ⵉⵍⵉⵏ ⴽⵉⴳⴰⵏ ⵏ ⵉⵣⵡⵉⵍⵏ, ⵙⵍⴰⵡⴰⵏ ⴰⴽⴽⵯ ⴰⴱⵟⵟⵓ ⵔⴰⴽⴰⵍ , ⴷ ⵓⵙⵏⴼⵍ ⵏ ⵓⵏⵣⵡⵉ, ⴷ ⵓⵏⴱⴱⵔ ⵏ ⵉⵙⵓⴳⴰⵎ ⵏ ⵓⵙⴼⵍⵙ ⴷ ⵉⵙⵓⴳⴰⵎ ⵉⵏⴰⴼⴳⴰⵏⵏ,ⴷ ⵉⵎⵓⴽⵔⵉⵙⵏ ⵏⵏⴰ ⵉⵍⵍⴰⵏ ⴳ ⵎⵏⵉⴷ ⵏ ⵜⵏⴼⵍⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴳ ⵜⵙⴳⴳⵉⵡⵉⵏ . 

ⴰⵙⵙ ⵡⵉⵙⵙ ⵙⵉⵏ ⵏ ⵓⵎⵓⵙⵙⵓ ⴰⴷ, ⵔⴰⴷ ⴳⵉⵙ ⵢⵉⵍⵉ ⵓⴱⵔⴰⴳⵔⴰⵡ ⵏ ⵓⵙⵏⵎⴰⵍⴰ ⵏ ⵓⵎⵙⴰⴳⴰⵔ,ⵔⴰⴷ ⴳⵉⵙ ⵉⵜⵜⵓⵙⵜⴰⵢ ⵓⵏⵙⵙⵉⵅⴼ ⵏ ⵓⵙⵉⵔⴰ ⴷ ⵓⵙⵍⵡⴰⵢ,ⴰⴼⴰⴷ ⴰⴷ ⵙⵙⴳⵎⴹⵏ ⴼ ⵓⵏⵎⴰⵍⵍⵓ ⴰⴳⵯⵏⵙⴰⵏ, ⴷ ⵜⵎⴰⵎⴽⵜ ⵏ ⵓⵣⵣⵉⴳⵣ ⵏ ⵓⵎⵙⴰⴳⴰⵔ ⴷ ⵉⵎⴰⵍ ⵏ ⵜⵉⴼⴹⴰⵏⵜ ⵏ 2030 ⵏⵏⴰ ⵜⵙⵔⵙ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⵓⵙⴳⴳⴰⵙ ⵏ 2063 . 

ⵔⴰⴷ ⵉⴳ ⵓⵎⵙⴰⴳⴰⵔ ⴰⴷ ⵢⴰⵏ ⵓⵏⵎⴰⵍⵍⵓ ⵓⵏⴱⵉⴹ ⴳ ⵓⴳⵏⵙⵓ ⵏ ⵜⵎⴰⴳⵔⴰⵡⵜ ⵏ ⵜⵖⵔⵎⴰⵜⵉⵏ ⴷ ⵉⵡⴰⵏⴽⵏ ⵉⵙⴳⴰⵡⴰⵏⵏ ⵏ ⵜⵎⵜⵜⴰ ⵜⵉⴼⵔⵉⵇⵉⵢⵉⵏ , ⴰⴼⴰⴷ ⴰⴷ ⵎⵢⴰⴷⴰⵙⵏ ⵉⴳⵎⴰⵎⵏ ⴰⴼⴰⴷ ⴰⴷ ⵙⴽⵔⵏ ⵢⴰⵜ ⵜⵏⴼⵍⵉⵜ ⵉⴷⵓⵙⵏ ⴳ ⵓⵙⵡⵉⵔ ⴰⴼⵔⵉⵇⵉ . 

ⵜⵉⵏⴰⵡⵜ ⴰⴷ ⵜⴰⵏⵖⵎⴰⵙⵜ ⵜⴷⵔⴰ ⴳⵉⵙ ⵜⵏⵙⵙⵉⵅⴼⵜ ⵏ ⵜⵎⴰⴳⵔⴰⵡⵜ ⵏ ⵜⵖⵔⵎⴰⵜⵉⵏ ⴷ ⵉⵡⴰⵏⴽⵏ ⵉⵙⴳⴰⵡⴰⵏⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⵎⴰⵙⵙⴰ ⴼⴰⵟⵉⵎⴰ ⴱⵏⵜ ⵄⴱⴷⵍⵎⴰⵍⴽ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⴳⵔⴰⵡⵜ ⴰⴷ, ⵎⴰⵙⵙ ⵊⴰⵏ ⴱⵉⵕ ⴰⴱⵍⵓⵏⵖⴰⵎⴱⴰⵙⵉ,ⴷ ⵓⵏⵙⵙⵉⵅⴼ ⵏ ⵜⵙⴳⴰ ⵏ ⵓⵏⵇⵇⵔ, ⵎⴰⵙⵙ ⵄⴱⴷⵏⵏⴱⵉ ⴱⵄⵡⵉ, ⴷ ⵉⵏⵙⵙⵉⵅⴼⵏ ⵏ ⴽⵔⴰ ⵏ ⵜⵙⴳⴳⵉⵡⵉⵏ ⵢⴰⴷⵏ ⵏ ⵍⵎⵖⵔⵉⴱ . 

ⵉⵍⵍⴰ ⵓⵎⵔⴰⵔⴰ ⵏ ⵡⴰⵡⴰⵍ ⴳ ⵜⵉⵏⴰⵡⵜ ⴰⴷ ⵅⴼ ⵜⵉⵍⴰⵍ ⵏ ⵓⵎⵙⴰⴳⴰⵔ ⴳ ⵓⵙⵡⵉⵔ ⵏ ⵜⵏⴼⵍⵉⵜ ⵜⴰⴼⵔⵉⵇⵉⵜ ⴷ ⵜⴳⵔⴰⵖⵍⴰⵏⵜ, ⵜⴳ ⴰⵡⴷ ⵢⴰⵜ ⵜⵎⵍⴷⴰ ⵏ ⵓⴱⵟⵟⵓ ⵏ ⵜⵉⵔⵎⵉⵜⵉⵏ ⵏ ⵉⵡⴰⵏⴽⵏ ⴷ ⵓⵙⵙⵓⴼⵖ ⵏ ⵓⵏⵎⴰⵍⴰ ⵏⵏⴰ ⵔⴰⴷ ⵉⵜⵜⵓⴷⴼⴰⵕ ⴳ 2030/2063 ⴳ ⵓⵙⴰⵜⵉ ⵏ ⵜⵡⵉⵙⵉ ⵏ ⵉⵡⴰⵏⴽⵏ ⴳ ⵜⵏⴼⵍⵉⵜ ⵜⴰⴼⵔⵉⵇⵉⵜ ⵜⴰⵙⵓⵍⴰⵏⵜ ⴷ ⵓⵎⵢⴰⴷⴰⵙ ⴳ ⵓⵙⵡⵉⵔ ⴰⴼⵔⵉⵇⵉ . 

ⵔⴰⴷ ⵉⵜⵜⵓⵙⵏⵎⴰⵍⴰ ⵓⵎⵙⴰⴳⴰⵔ ⴰⴷ ⴷⴷⵓ ⵜⵎⴰⵜⴰⵔⵜ : ⵜⵉⵡⵉⵙⵉ ⵏ ⵜⵙⴳⴳⵉⵡⵉⵏ ⴳ ⵜⵏⴼⵍⵉⵜ ⵜⴰⵙⵓⵍⴰⵏⵜ ⴷ ⵓⵎⵙⴰⴷⴷⴰⵔ ⴳ ⵓⵙⵡⵉⵔ ⴰⴼⵔⵉⵇⵉ.

ⵙ ⵜⴷⵔⴰⵡⵜ ⴷ ⵜⵎⴰⴳⵔⴰⵡⵜ ⵏ ⵜⵖⵔⵎⴰⵜⵉⵏ ⴷ ⵉⵡⴰⵏⴽⵏ ⵉⵙⴳⴰⵡⴰⵏⵏ ⴷ ⵜⵎⵜⵜⴰ ⵜⵉⴼⵔⵉⵇⵉⵢⵉⵏ, ⴷ ⵓⵙⵇⵇⵉⵎ ⵏ ⵜⵙⴳⴰ ⵏ ⵓⵏⵇⵇⵔ ⵙ ⵜⵏⴰⵍⵉⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ ⵏⵏⴰ ⵉⵡⴰⵍⴰⵏ ⵉ ⵜⵏⵖⵍⴰⴼⵜ ⵏ ⵓⴳⵯⵏⵙ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%99%E2%B4%B0%E2%B4%B3%E2%B4%B0%E2%B5%94-%E2%B5%8F-%E2%B5%9C%E2%B5%99%E2%B4%B3%E2%B4%B3%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B4%B0-%E2%B4%B3-%E2%B5%99%E2%B5%99%E2%B5%84%E2%B5%89%E2%B4%B7%E2%B5%89%E2%B5%A2%E2%B5%A2%E2%B4%B0-%E2%B5%A2%E2%B4%B0%E2%B5%9C-%E2%B5%9C%E2%B5%8E%E2%B5%8D%E2%B4%B7%E2%B4%B0-%E2%B5%8F-%E2%B5%93%E2%B4%B1%E2%B5%9F%E2%B5%93-%E2%B5%8F-%E2%B5%9C%E2%B5%89%E2%B5%94%E2%B5%8E%E2%B5%89%E2%B5%9C%E2%B5%89%E2%B5%8F-%E2%B5%89-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B5%A1%E2%B4%B0%E2%B5%94