ⵜⴰⵡⵊⵊⴰ ⵏ ⵓⴹⴰⵔ.. ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⵔⴰⴷ ⵜⵙⴽⵔ ⴰⵙⵙⴰⵏⵓⵏ ⵏ ⵙⵉⵏ ⵉⵏⵎⵓⵇⵇⴰⵔⵏ ⵓⵔⵜⴰ ⵜⵍⵍⵉ ⵜⴱⵔⵣⴰ ⴷ ⵛⵛⵉⵍⵉ ⴷ ⵍⴱⴰⵕⴳⵡⴰⵢ

20 ⵛⵓⵜⴰⵏⴱⵉⵔ 2022 Version Imprimable

ⵜⵉⴳⵎⵎⵉ ⵜⵓⵎⵍⵉⵍⵜ - ⵜⵙⴽⵔ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵡⴰⵙⵙ ⵏ ⵓⵢⵏⴰⵙ ⵢⴰⵏ ⵓⵏⵎⵓⵇⵇⴰⵔ ⵏ ⵓⵙⵙⴰⵏⵓⵏ ⵓⵔⵜⴰ ⵔⴰⴷ ⵉⵙⴽⵔ ⵜⴰⴱⵔⵣⴰ ⵎⵏⵉⴷ ⵏ ⵜⵔⴰⴱⴱⵓⵜ ⵏ ⵛⵛⵉⵍⵉ ⴳ ⴱⴰⵕⵛⴰⵍⵓⵏⴰ ⴰⵙⵙ ⵏ ⵓⵙⵉⵎⵡⴰⵙ 23 ⵛⵓⵜⴰⵏⴱⵉⵔ 2022 ⴷ ⵍⴱⴱⴰⵕⴳⵡⴰⵢ ⴳ ⵡⴰⵙⵙ ⵏ ⵓⵢⵏⴰⵙ 27 ⵛⵓⵜⴰⵏⴱⵉⵔ ⴳ ⵜⵖⵔⵎⵜ ⵏ ⵉⵛⴱⵉⵍⵢⴰ .

ⵜⵏⵏⴰ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵢⴰⵏ ⵓⵙⵉⵡⴷ ⵏⵏⵙ ⵏⵏⴰ ⵜⴼⵙⵔ ⴳ ⵡⴰⵏⵙⴰ ⵏⵏⵙ ⴰⵎⴰⴷⴷⵓⴷ ⵎⴰⵙⴷ ⵉⵎⵓⵔⴰⵔⵏ ⴰⴽⴽⵯ ⵜⵜⵓⴼⴽⴰ ⴰⵙⵏ ⵜⵙⵖⵔⵜ ⵙ ⵡⴰⵏⵙⴰ ⵏ ⵜⵓⵏⵙⴰ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵓⴷⴷⵉⵙ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵍⵎⴰⵄⵎⵓⵕⴰ,ⴱⵍⴰ ⵏⵓⵚⵉⵕ ⵎⵣⵔⴰⵡⵉ ⴷ ⵃⴰⴽⵉⵎ ⵣⵉⵢⵢⴰⵛ ⴷ ⵙⵓⴼⵢⴰⵏ ⴰⵎⵕⴰⴱⵟ ⴷ ⵢⴰⵙⵉⵏ ⴱⵓⵏⵓ ⵏⵏⴰ ⵔⴰⴷ ⵉⴽⵛⵎ ⵙ ⵓⴷⴷⵉⵙ ⴰⵙⵏⵎⴰⵍⴰⵢ ⵏ ⵉⵎⴰⵡⵏ ⵏ ⵡⴰⵟⵍⴰⵚ .

ⵉⵣⵢⴷ ⵓⵙⴰⴳⵯⵎ ⴰⴷ ⵏⵉⵜ ⵏ ⵉⵏⵖⵎⵉⵙⵏ, ⵉⵏⵏⴰ ⵎⴰⵙⴷ ⴰⵎⵙⵙⴰⵏⵓⵏ ⵡⴰⵍⵉⴷ ⵔⵔⴳⵔⴰⴳⵉ ⵉⵙⴷⴷⵉⴷ ⵉⵜⴳⴰⵔⵏ ⵏ ⵜⵓⴽⴽⵙⴰ ⵏ ⵓⵕⵎⴰⵢ ⴷ ⵓⵙⵓⵙⵙⵏ ⴳⵔ ⵉⵎⵓⵔⴰⵔⵏ .

ⵉⴽⴽⴰ ⵜⵜ ⵉⵏⵏ ⵎⴰⵙ ⵡⵍⵉⴷ ⵔⵔⴳⵔⴰⴳⵉ ⴳ ⵉⵎⴰⵍⴰⵙⵙ ⴰⴷ ⵉⵣⵔⵉⵏ ⵉⵏⵏⴰ ⵉⵙⵎⴰⵡⵏ ⵏ ⵉⵎⵓⵔⴰⵔⵏ ⵏⵏⴰ ⵎⵓ ⵜⵜⵓⴼⴽⴰ ⵜⵙⵖⵔⵜ ⴰⴼⴰⴷ ⴰⴷ ⵓⵔⴰⵔⵏ ⴳ ⵙⵏⴰⵜ ⵜⴱⵔⵣⵉⵡⵉⵏ ⴰⴷ ⵏⵏⴰ ⵉⵜⵜⵓⵙⵙⴰⵏ ⵙ ⵓⵖⵓⵍ ⵏ ⵣⵉⵢⵢⴰⵛ ⴷ ⵢⵓⵏⵙ ⴱⵍⵍⵀⵏⴷⴰ .

ⵉⵎⵓⵔⴰⵔⵏ ⵉⵍⴽⵎ ⵓⵟⵟⵓⵏ ⵏⵏⵙⵏ 31 ⵏ ⵓⵎⵓⵔⴰⵔ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵖⵔⴰ ⵓⵎⵙⵙⴰⵏⵓⵏ ⴰⵏⴰⵎⵓⵔ ⵜⴰⴽⴽⵍⵉⵜ ⵉⵣⵡⴰⵔⵏ ⵉ ⵓⵎⵏⵣⴰⵖ ⴰⵎⵓⵔⴰⵔ ⵡⴰⵍⵉⴷ ⵛⴷⵉⵔⴰ ⴳ ⵓⵙⴰⵉⵔⴰ ⵏ ⴱⴰⵕⵉ ⵏ ⵉⵟⴰⵍⵢⴰ ⴰⴼⴰⴷ ⴰⴷ ⵢⵓⵔⴰⵔ ⴷ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ, ⴷ ⵓⵖⵓⵍ ⵏ ⴱⴰⴹⵕ ⴱⴰⵏⵓⵏ ⴷ ⵄⴱⴷⵚⵚⴰⵎⴰⴷ ⵣⵣⵍⵣⴰⵍⵉ ⵜⴰⵎⴰ ⵏ ⵙⵎⵎⵓⵙ ⵏ ⵉⵎⵓⵔⴰⵔⵏ ⵏ ⵜⴱⵔⵣⴰ ⵜⴰⵏⴰⵎⵓⵔⵜ ⵜⴰⵡⵡⵓⵔⴰⵏⵜ ⵏⵏⴰ ⵢⵓⵔⴰⵔⵏ ⵙ ⵉⵙⵎ ⵏ ⵉⵙⵉⵔⴰⵜⵏ ⵏ ⵜⵓⵏⵏⵓⵏⵜ ⵏ ⵕⵕⴰⵊⴰ ⵍⴱⵉⴹⴰⵡⵉ ⴷ ⵏⴰⵀⴹⴰⵜ ⴱⵔⴽⴰⵏ .

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B5%A1%E2%B5%8A%E2%B5%8A%E2%B4%B0-%E2%B5%8F-%E2%B5%93%E2%B4%B9%E2%B4%B0%E2%B5%94-%E2%B5%9C%E2%B4%B0%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%94%E2%B4%B0%E2%B4%B7-%E2%B5%9C%E2%B5%99%E2%B4%BD%E2%B5%94-%E2%B4%B0%E2%B5%99%E2%B5%99%E2%B4%B0%E2%B5%8F%E2%B5%93%E2%B5%8F-%E2%B5%8F-%E2%B5%99%E2%B5%89%E2%B5%8F-%E2%B5%89%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94%E2%B5%8F-%E2%B5%93%E2%B5%94%E2%B5%9C%E2%B4%B0-%E2%B5%9C%E2%B5%8D%E2%B5%8D%E2%B5%89-%E2%B5%9C%E2%B4%B1%E2%B5%94%E2%B5%A3%E2%B4%B0