Published on MAPNews (https://www.mapnews.ma/am)

Accueil > ⴼⴰⵙ . . ⵜⴰⵙⵙⵓⵜⵍⵜ ⵜⵉⵙⵙ ⴽⴽⵓⵙⵟ ⵏ ⵓⵏⵎⵓⵇⵇⴰⵔ ⵏ ⵜⵙⴽⵍⴰ ⵜⴰⵎⵣⵡⴰⴳⵜ ⵜⵙⴽⵔ ⵢⴰⵏ ⵓⵔⵏⵏⵓ ⵉⴷⵓⵙⵏ

ⴼⴰⵙ . . ⵜⴰⵙⵙⵓⵜⵍⵜ ⵜⵉⵙⵙ ⴽⴽⵓⵙⵟ ⵏ ⵓⵏⵎⵓⵇⵇⴰⵔ ⵏ ⵜⵙⴽⵍⴰ ⵜⴰⵎⵣⵡⴰⴳⵜ ⵜⵙⴽⵔ ⵢⴰⵏ ⵓⵔⵏⵏⵓ ⵉⴷⵓⵙⵏ

03 ⴽⵟⵓⴱⵕ 2022 Version Imprimable
ⴼⴰⵙ - ⵜⵙⴽⵔ ⵜⵙⵙⵓⵜⵍⵜ ⵜⵉⵙⵙ ⴽⴽⵓⵙⵟ ⵏ ⵓⵏⵎⵓⵇⵇⴰⵔ ⵏ ⵜⵙⴽⵍⴰ ⵜⴰⵎⵣⵡⴰⴳⵜ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵜⴰⵎⴰⵣⵓⵏⵜ ⵜⴰⵏⵉⵎⴰⵏⵜ ⴼⴰⵙ  ⴰⵙⵙ ⵏ ⵓⵙⵉⴹⵢⴰⵙ ⵢⴰⵏ ⵓⵔⵏⵏⵓ ⵉⴷⵓⵙⵏ ⵙ ⵜⵣⵎⵔⵜ ⵏ ⵜⵡⵉⵙⵉ ⵏ ⴽⴽⵓⵎⵔⴰⵡ ⵏ ⵓⵎⴰⵔⴰ ⵏⵏⴰ ⵉⵜⵜⴰⵡⵙⵙⴰⵏⵏ,  ⴷ ⵓⴳⴷⵓⴷ ⵏⵏⴰ ⵜⴰⵖ ⵜⵖⵓⴼⵉ ⵏ ⵜⵖⵔⵉ ⴷ ⴽⵉⴳⴰⵏ ⵏ ⵉⴷⵍⵉⵙⵏ ⵉⵎⴰⵢⵏⵓⵜⵏ , ⴰⴳⵏⵙⵓ ⵏ ⵢⴰⵏ ⵡⴰⵏⵙⴰ ⴰⵎⵣⵔⵓⵢⴰⵏ .

ⴷⴷⴰⵏ ⴽⵉⴳⴰⵏ ⵏ ⵉⵎⵖⵔⵉⵜⵏ ⵏⵏⴰ ⴽⵓⵍⵍⵓ ⵉⴳⴰⵏ ⵖⴰⵙ ⵉⵄⵔⵔⵉⵎⵏ ⵙ ⵊⵏⴰⵏ ⵙⵙⴱⵉⵍ ⴳ ⴼⴰⵙ ⵜⴰⵎⴰⵥⵓⵏⵜ ⵜⴰⵏⵉⵎⴰⵏⵜ ⴷ ⵜⴷⵍⵙⴰⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ,  ⴰⴼⴰⴷ ⴰⴷ ⵎⵎⴰⴳⴰⵔⵏ ⴷ ⴽⵉⴳⴰⵏ ⵏ ⵉⵎⴰⵔⴰⵜⵏ ⵙⴳ 24 ⵏ ⵜⵎⴰⵣⵉⵔⵜ, ⵍⵎⵖⵔⵉⴱ ⴷ ⴼⵉⵍⵉⵙⵟⵉⵏ ⴷ ⵍⵓⵕⴹⵓⵏ, ⵎⵉⵚⵕ, ⵎⵓⵕⵉⵟⴰⵏⵢⴰ, ⵍⴽⴰⵎⵉⵕⵓⵏ , ⵍⵓⴱⵏⴰⵏ , ⴷⴷⵣⴰⵢⵔ,ⵜⵓⵏⵙ , ⵜⵓⵕⴽⵢⴰ, ⵙⵙⵓⴷⴰⵏ ⴷ ⵍⴽⵓⴷⴷⵉⴼⵡⴰⵕ .

ⴰⵏⵎⵓⵇⴰⵔ ⴰⴷ ⵜⴻⵜⵜⵓⵙⵜⴰⵢ ⴰⵙ ⵜⵖⵔⵎⵜ ⵏ ⴼⴰⵙ ⴳ ⵜⵙⵙⵓⵜⵍⵜ ⵏⵏⵙ ⵜⵉⵙⵙ ⴽⴽⵓⵙⵟ ⴳ ⵢⴰⵏ ⵡⴰⵙⵙ ⵙ ⵜⵏⴰⴼⵓⵜ ⵏ ⵉⵙⴰⵣⵣⴹ ⵏ ⵉⴷⵍⵉⵙ ⵉ ⵓⴳⴷⵓⴷ ⴷ ⵉⵎⵖⵔⵉⵜⵏ ⵙ ⵓⵎⴰⵜⴰ .

ⵉⴳ ⴰⴷⴷⵓⵔ ⵉ ⴽⵉⴳⴰⵏ ⵏ ⵉⵎⴷⵔⴰⵡⵏ ⵏ ⵓⵏⵎⵓⵇⵇⴰⵔ ⴰⴷ, ⵎⴰ ⴰⵏⵏ ⴰⴷ ⴰⵙ ⵉⴼⴽⴰⵏ ⵢⴰⵏ ⵓⵔⵏⵏⵓ ⴳ ⴽⵉⴳⴰⵏ ⵏ ⵉⵙⵡⵉⵔⵏ, ⵍⵍⵉⵖ ⵉⵍⴰ ⵉⵜⴳⴰⵔⵏ ⵏ ⵓⵎⵣⵔⵓⵢ ⴷ ⵜⴷⵍⵙⴰ ⵎⴰ ⴰⵏⵏ ⴰⴽⴽⵯ ⴰⴷ ⴰⵙ ⵉⴼⴽⴰⵏ ⴰⴷⴷⵓⵔ ⵉⵣⵏⵥⵕⵏ .

ⵏⵏⴰⵏ ⵉⵎⴷⵔⴰⵡⵏ ⵏ ⵓⵏⵎⵓⵇⵇⴰⵔ ⴰⴷ ⵎⴰⵙ ⵜⵏ ⵉⵙⵙⵓⵙⵎ ⵡⴰⵏⵙⴰ ⵏ ⵓⵙⵏⵎⴰⵍⴰ ⵏ ⵓⵎⵓⵙⵙⵓ ⴰⴷ,ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴳⵉⵙ ⴽⵉⴳⴰⵏ ⵏ ⵉⴷⵔⵉⵣⵏ ⵉⵇⵇⴱⵓⵔⵏ ⵏⵏⴰ ⵉⵙⴽⵔ ⵓⴳⵍⴷⵓⵏ ⵎⵓⵍⴰⵢ ⵄⴱⴷⵓⵍⵍⴰⵀ ⴳ ⵜⴰⵙⵓⵜ ⵜⵉⵙⵙ 18 

ⵍⵍⴰⵏ ⴽⵉⴳⴰⵏ ⵏ ⵉⴷⵍⵉⵙⵏ ⴳ ⵓⵏⵎⵓⵇⵇⴰⵔ ⴰⴷ, ⵣⴷⵉⵏⵉⵏ ⴷ ⵜⵙⴽⵍⴰ ⵣⵓⵏⴷ ⵡⵉⵏ ⴼⵓⵡⴰⴷ ⵍⵄⵓⵕⵡⵉ, ⴼⵉⵔⵓⵏⵉⴽ ⵜⴰⴷⵊⵓ,ⵉⴼⴰⵏ ⵊⴰⴱⵍⵓⵏⴽⴰ,ⴽⵔⵉⵙⵜⵢⴰⵏ ⵜⵓⴱⵉⵔⴰ,ⵀⵓⵢⴰⵎ ⵢⴰⵔⴹ, ⵎⴱⴰⵕⴽ ⵡⵍⴷ ⴱⵉⵔⵓⴽ,ⵄⴱⴷⵍⴼⵜⵜⴰⵃ ⴽⵉⵍⵉⵟⵓ,ⵣⵉⵏⴱ ⵍⵄⵡⵊ,ⵏⵊⵡⴰⵏ ⴷⴷⵔⵉⵡⵛ ⴷ  ⵄⴱⴷⵍⵄⵣⵉⵣ ⴱⴰⵕⴰⴽⴰ ⵙⵙⴰⴽⵏ 

ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵉ ⵉⵎⴷⵔⴰⵡⵏ ⴰⴼⴰⴷ ⴰⴷ ⵙⴽⵔⵏ ⵢⴰⵏ ⵓⴳⵔⴰⵡ, ⵏⵏⴰ ⵉⵍⴰⵏ ⵉⵜⴳⴰⵔⵏ ⵏ ⵓⵙⵏⴼⵍ ⵏ ⵜⵓⵎⵍⴰⵢⵉⵏ ⴳⵔⴰⵙⵏ ⴷ ⵉⵎⵖⵔⵉⵜⵏ ⵏⵏⵙⵏ ⴷ ⵓⵙⴳⵎⴹ ⵏ ⵜⵥⵕⵉⴳⵉⵏ ⵏⵏⵙⵏ ⴳ ⵡⴰⵏⵙⴰ ⵏ ⵊⵏⴰⵏ ⵙⵙⴱⵉⵍ , ⵏⵏⴰ ⵉⴳⴰⵏ ⴰⵎⵣⵔⵓⵢⴰⵏ ⵜⵜⵓⵏⵣⴰⵏ ⴳⵉⵙ ⴰⵡⴷ ⴽⵉⴳⴰⵏ ⵏ ⵉⴷⵍⵉⵙⵏ 

ⵉⵏⵏⴰ ⵓⵎⴰⵔⴰ ⴰⵎⵖⵔⵉⴱⵉ ⴼⵓⵡⴰⴷ ⵍⵄⵓⵕⵡⵉ, ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⵎⴰⵙ ⵉⴳⴰ ⵓⵎⵓⵙⵙⵓ ⴰⴷ ⵢⴰⵜ ⵜⵎⵍⴷⴰ ⵏ ⵓⵏⵎⵓⵇⵇⴰⵔ ⴳⵔ ⵓⵎⴰⵔⴰ ⴷ ⵉⵎⵖⵔⵉ ⵏⵏⵙ ⴷ ⵓⵎⵔⴰⵔⴰ ⵏ ⵉⵙⵡⵉⵏⴳⵉⵎⵏ ⴳⵔⴰⵜⵙⵏ, ⴰⴼⴰⴷ ⴰⴷ ⵏⵙⴽⵓ ⵢⴰⵏ ⵓⵎⴰⴹⴰⵍ ⵉⵎⵙⴰⵙⴰⵏ .

ⵉⵡⵙⵏ ⵎⴰⴷ ⵉⵜⵜⴳⴳⴰⵏ 40 ⵏ ⵓⵎⴰⵔⴰ ⴳ ⵓⵎⵓⵙⵙⵓ ⴰⴷ ⴰⴷⵍⵙⴰⵏ ⵏⵏⴰ ⵔⴰⴷ ⵉⵙⵙⴷⵓⵙ ⵉⴳⵔ ⵏ ⵜⴷⵍⵙⴰ ⴷ ⵜⵙⴽⵍⴰ ⴳ ⵜⵎⴰⵥⵓⵏⵜ ⵜⴰⵏⵉⵎⴰⵏⵜ ⴷ ⵜⴷⵍⵙⴰ ⵏ ⵜⴳⵍⴷⵉⵜ ⵏⵏⵖ , ⴰⴼⴰⴷ ⴰⴷ ⴳⵉⵙ ⵙⵏⵉⴼⵍⵏ ⵉⵙⵡⵉⵏⴳⵉⵎⵏ ⴳⵔⴰⵜⵙⵏ ⴷ ⵉⵎⵖⵔⵉⵜⵏ ⵏⵏⵙⵏ ⵙ ⵓⵎⴰⵜⴰ .

ⴳ ⵓⵙⴰⵜⵉ ⴰⴷ, ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵜⵉⴷⵜ ⵏ ⵓⵙⵏⴼⵍ ⵏ ⵜⵡⵏⴳⵉⵎⵉⵏ ⴳⵔ ⵓⵎⴰⵔⴰ ⴷ ⵉⵎⵖⵔⵉ ⴰⴼⴰⴷ ⴰⴷ ⵉⵜⵜⵓⵙⴽⵓ ⵢⴰⵏ ⵓⵎⴰⴹⴰⵍ ⵏⵏⴰⵖ ⵜⵍⵍⴰ ⵜⵏⴼⵔⵓⵜ ⴷ ⵓⵎⵙⴰⵙⴰ ⵏ ⵉⵙⵡⵉⵏⴳⵉⵎⵏ .

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%BC%E2%B4%B0%E2%B5%99-%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B4%BD%E2%B5%93%E2%B5%99%E2%B5%9F-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%8F-%E2%B5%9C%E2%B5%99%E2%B4%BD%E2%B5%8D%E2%B4%B0-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B4%B3%E2%B5%9C-%E2%B5%9C%E2%B5%99%E2%B4%BD%E2%B5%94-%E2%B5%A2%E2%B4%B0%E2%B5%8F-%E2%B5%93%E2%B5%94%E2%B5%8F%E2%B5%8F%E2%B5%93-%E2%B5%89%E2%B4%B7%E2%B5%93%E2%B5%99%E2%B5%8F