Published on MAPNews (https://www.mapnews.ma/am)

Accueil > ⵔⴰⴷ ⵉⴳ ⵎⴰⵙⵙ ⵏⵉⵄⵎⴰ ⵎⵢⴰⵔⴰ ⴰⵏⴱⴳⵉ ⵏ ⵓⵙⴳⵔⴰⵡ ⵏ "ⵍⴰⵎⴰⴱ" 

ⵔⴰⴷ ⵉⴳ ⵎⴰⵙⵙ ⵏⵉⵄⵎⴰ ⵎⵢⴰⵔⴰ ⴰⵏⴱⴳⵉ ⵏ ⵓⵙⴳⵔⴰⵡ ⵏ "ⵍⴰⵎⴰⴱ" 

13 ⴽⵟⵓⴱⵕ 2022 Version Imprimable
ⵕⵕⴱⴰⵟ - ⵔⴰⴷ ⵉⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏⵉⵄⵎⴰ ⵎⵢⴰⵔⴰ ⴰⵙⵙ ⵏ ⵓⵙⵉⵏⴰⵙ ⵢⵓⵛⴽⴰⵏ , ⴰⵏⴱⴳⵉ ⵏ ⵓⵙⴳⵔⴰⵡ ⵏ ⵜⵙⵎⵓⵔⴰⵢⵜ ⵜⴰⵎⴰⵖⵔⵉⴱⵉⵜ ⵏ ⵉⵏⵖⵎⵉⵙⵏ"ⵍⴰⵎⴰⴱ" ⵎⵔⴰ ⴰⴷ ⵉⵎⴹⴰⴽⴰⵕ ⵅⴼ ⴰⵙⴳⵓⵎ "ⴰⴽⵛⵛⵓⵎ ⴰⴱⵕⵍⴰⵎⴰⵏⵉ : ⵜⵉⵏⵥⵕⵉⵏ ⴷ ⵉⵎⵏⵉⴷⵏ" 

ⵉⴳⴰ ⵓⵎⵎⴰⴳⴳⴰⵔ ⴰⴷ ⵍⵍⵉ ⵔⴰⴷ ⵜⵜⵓⵙⵏⵎⴰⵍⴰ ⴳ ⵓⵙⵖⵉⵎ ⵏ ⵜⵙⵎⵓⵔⴰⵢⵜ ⵜⴰⵎⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵖ ⵕⵕⴱⴰⵟ ⴳ ⵍⴱⴷⵓ ⵏ ⵜⵙⵔⴰⴳⵜ ⵏ 09:00 ⵏ ⵜⴼⴰⵡⵜ ⴰⵣⵎⵣⵣⵓ ⵏ ⵓⵎⴷⴰⴽⴰⵕ ⵅⴼ ⵎⵏⵏⴰⵡⵜ ⵏ ⵜⵖⴰⵡⵙⵉⵡⵉⵏ ⵉⵣⴷⵉⵏ ⵏ ⵓⴽⵛⵛⵓⵎ ⴰⴱⵔⵍⴰⵎⴰⵏⵉ ⴷ ⵜⵉⵏⵥⵕⵉⵏ ⴷⴰⵜ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵓⵙⴰⵜⵉ ⴰⵏⴰⵎⵓⵔ ⴷ ⵓⵎⴰⴹⴰⵍ ⵉⵙⵏⴼⵍⴰⵏ .

ⵉⴳⴰ ⵓⵍⵍⴰ ⴰⵣⵎⵎⵣⵓ ⵏ ⵉⵙⴰⵡⵍ ⵅⴼ ⵉⴱⵔⵉⴷⵏ ⵏ ⵓⵙⴷⵓⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵉⵙⵡⵉⵔⵏ ⵉⵏⴰⵎⵓⵔⵏ ⴷ ⵉⵎⵏⵣⴰⵡⵏ ⴷ ⵉⵙⴳⵡⴰⵏⵏ ⴷ ⵉⵎⴰⴹⵍⴰⵏⵏ ⴳ ⵓⵙⴰⵜⵉ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵜⵙⵏⵜⴰⵢⵜ ⵏⵏⵙ ⵜⵉⵔⵡⵉ.

ⵔⴰⴷ ⵉⵏⴼⵔⵓ ⵓⵣⵣⵓⵣⵔ ⵓⵔⵉⴷ ⵏ ⵓⵎⴰⴳⵔ ⴰⴷ ⴳ ⵓⵙⵙⴰⵔⵓ ⵏ ⵜⵏⵖⵎⴰⵙⵜ ⵜⴰⵎⵖⵔⴰⴱⵉⵜ ⴷ ⵓⵙⵙⴰⵔⵓ ⵏ ⵉⵏⵖⵎⵉⵙⵏ ⵉⵎⵖⵔⴰⴱⵢⵉⵏ (M24) ⴷ "ⵔⵉⵎ ⵕⴰⴷⵢⵓ" ⵉⴹⴼⴰⵕⵏ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ, ⵓⵍⴰ "ⵎⴰⴱ-ⵍⴰⵢⴼ" ⴳ ⵓⵙⵉⵜ ⵏ ⵜⵙⵏⵓⵕⴰⵢⵜ "ⵎⴰⴱ ⵉⴽⵙⴱⵔⵉⵙ" ⴷ ⵜⵙⵏⴰ ⵏ ⵜⵙⵏⵓⵕⴰⵢⵜ ⴳ ⵓⵙⵉⵜ ⵏ ⵓⵎⵢⴰⵡⴰⴹ ⴰⵏⴰⵎⵓⵏ "ⴼⵉⵢⵙⴱⵓⴽ".

ⵉⵙⵙⵏ ⵓⵙⴳⵔⴰⵡ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ, ⵎⴰ ⵢⴰⴷ ⵉⴳⴰⵏ ⴰⵏⵙⴰ ⵏ ⵉⵎⴷⴰⴽⴰⵕⵏ ⵅⴼ ⵉⵙⴳⵓⵎⵏ ⵏ ⴷⵖⵉ ⴳ ⵉⴳⵔⵏ ⵉⵙⵔⵜⴰⵏⵏⴷ ⵉⴷⵍⵙⴰⵏ ⴷ ⵉⵏⴰⵎⵓⵏ ⵜⴷⵔⴰⵡⵜ ⵏ ⵉⵙⵎⴷⵢⵡⵏ ⵏ ⵜⵉⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵎⵉⴷⴷⵏ ⵏ ⵎⵛⵜⴰ ⵏ ⵉⵎⵏⵉⴷⵏ ⵜⴰⵎⴰⵏ ⵏ ⵉⵙⵎⴷⵢⵡⵏ ⵏ ⵜⵏⵖⵎⴰⵙⵜ ⵍⵍⵉ ⵜⵜⵓⵖⵔⵉⵏ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%89%E2%B4%B3-%E2%B5%8E%E2%B4%B0%E2%B5%99%E2%B5%99-%E2%B5%8F%E2%B5%89%E2%B5%84%E2%B5%8E%E2%B4%B0-%E2%B5%8E%E2%B5%A2%E2%B4%B0%E2%B5%94%E2%B4%B0-%E2%B4%B0%E2%B5%8F%E2%B4%B1%E2%B4%B3%E2%B5%89-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%8D%E2%B4%B0%E2%B5%8E%E2%B4%B0%E2%B4%B1%C2%A0