Published on MAPNews (https://www.mapnews.ma/am)

Accueil > Rabat Magique ⵜⴰⵥⵕⵉⴳⵜ ⵜⴰⵎⴰⵢⵏⵓⵜ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵅⴼ ⵜⵖⵔⵎⵉⵏ ⵜⵉⵎⵖⵔⵉⴱⵉⵢⵢⵉⵏ

Rabat Magique ⵜⴰⵥⵕⵉⴳⵜ ⵜⴰⵎⴰⵢⵏⵓⵜ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵅⴼ ⵜⵖⵔⵎⵉⵏ ⵜⵉⵎⵖⵔⵉⴱⵉⵢⵢⵉⵏ

18 ⴽⵟⵓⴱⵕ 2022 Version Imprimable
ⵕⵕⴱⴰⵟ -  ⵜⵙⵙⴼⴰⵖⴷ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴳ ⵜⴳⵉⵔⴰ ⴰⴷ , ⵢⴰⵏ ⵓⴷⵍⵉⵙ ⴷⴷⵓ ⵏ ⵓⵣⵡⵍ Rabat Magique ⵏⵏⴰ ⵉⵍⴰⵏ ⵉⵙⵏⵜⴰⵍⵎ ⵏ ⵜⵖⵔⵎⵉⵏ ⵏ ⵍⵎⵖⵔⵉⴱ .

ⴰⴷⵍⵉⵙ ⴰⴷ ⴳⵉⵙ 180 ⵏ ⵜⴰⵙⵏⴰ ⴰⵔ ⵉⵙⴰⵡⴰⵍ ⵅⴼ ⴼ ⵓⴱⵓⵖⵍⵓ ⵏ ⵜⴰⵢⵙⵉ ⵏ ⵜⵎⴰⵥⵓⵏⵜ ⵏ ⵜⴳⵍⴷⵉⵜ,ⴰⵔ ⵉⵜⵜⴰⵊⵊⴰ ⵉⵎⵖⵔⵉ ⴰⴷ ⵉⵎⵎⵓⴷⴷⵓ ⴳ ⵓⵎⵣⵔⵓⵢ ⵏ ⵜⵖⵔⵎⵜ ⴰⴷ ⴷ ⵓⵏⵡⴰⵍ ⵏⵏⵙ ⴷ ⵜⴰⵢⵙⵉ ⵏⵏⵙ ⵙ ⵓⵎⴰⵜⴰ .

ⴰⴷⵍⵉⵙ ⴰⴷ ⵉⵜⵜⵢⴰⵔⴰ ⵙ ⵜⵓⵜⵍⴰⵢⵉⵏ ⵜⵉⵏⴳⵍⵉⵣⵜ ⴷ ⵜⴼⵕⴰⵏⵙⵉⵙⵜ,ⵙ ⵓⵙⵎⵔⵙ ⵏ ⵜⵣⵎⵎⴰⵔ ⵏⵏⴰ ⵉⵍⵍⴰⵏ ⵖⵓⵔ ⵜⵖⵔⵎⵜ ⵏ ⵕⵕⴱⴰⵟ ⴳ ⵓⵙⵡⵉⵔ ⵏ ⵜⵎⴰⵍⵍⴰⵢⵜ ⴷ ⵓⵎⵣⵔⵓⵢ ⴷ ⵜⴷⵍⵙⴰ ⵓⵍⴰ ⵜⴰⴷⵎⵙⴰ ⴷ ⵜⵡⵏⵏⴰⴹⵜ, ⴰⴼⴰⴷ ⴰⴷ ⵉⵙⵏⵓⵏⴼ ⵉⵎⵖⵔⵉ ⴰⴼⵓⵍⴽⵉ ⴷ ⵓⴱⵓⵖⵍⵓ ⵏ ⵜⵖⵔⵎⵜ ⴰⴷ ⵏⵏⴰ ⵉⴳⴰⵏ ⵜⴰⵎⴰⵥⵓⵏⵜ ⵏ ⵜⴳⵍⴷⵉⵜ ⵏⵏⵖ .

ⵉⵏⵏⴰ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ, ⴳ ⵜⵣⵡⴰⵔⵜ ⵏ ⵓⴷⵍⵉⵙ ⴰⴷ ⵎⴰⵙⴷ ⵕⵕⴱⴰⵟ ⵜⴰⵎⴰⵥⵓⵏⵜ ⵏ ⵜⴷⵍⵙⴰ ⵜⵉⵡⵙ ⴽⵉⴳⴰⵏ ⴳ ⵓⵙⴽⵓ ⵏ ⵓⵎⵣⵔⵓⵢ ⵏ ⵍⵎⵖⵔⵉⴱ ⴰⴽⴽⵯ ⵏⵏⴰ ⵉⵙⴽⴰⵔ ⵜⴰⵎⴰⴳⵉⵜ ⵏ ⵉⵏⵎⵓⵔⵉⵏ ⴰⴽⴽⵯ .

ⵉⵣⴰⵢⴷ ⵎⴰⵙⵙ ⵀⴰⵛⵉⵎⵉ, ⴳ ⵜⵣⵡⴰⵔⵜ ⴰⴷ ⵏⵏⴰ ⵢⵓⵙⵉⵏ ⴰⵣⵡⵍ ⵏ ⵜⵓⵍⵍⵉⵙⵜ ⵏ ⴱⵍⵍⴰⵔⵊ ⵎⴰⵙⴷ ⵜⵉⵍⴰⵍ ⵏ ⵜⵖⵔⵎⵜ ⴰⴷ ⵏⵏⴰ ⵉⴳⴰⵏ ⵜⴰⵎⴰⵥⵓⵏⵜ ⵏ ⵜⴳⵍⴷⵉⵜ ⵏⵏⵖ, ⵍⵍⵉⵖ ⵉⵍⵍⴰ ⵉⵖⵔⵎ ⴰⴳⵍⴷⴰⵏ ⵏⵏⴰ ⵢⴰⵣⴹⵏ ⵉ ⵓⵙⵓⴽ ⵏ ⵜⵜⵡⴰⵔⴳⴰ ⴷ ⵜⵎⵣⴳⵉⴷⴰ ⵏ ⴰⵢⵜ ⴼⴰⵙ ⴰⵇⵇⴱⵓⵔ ⵏⴼⵍⵏ ⵉⵎⵣⴷⴰⵖ ⵏⵏⵙ ⴼ ⵉⵎⵣⴷⴰⵖ ⴰⴽⴽⵯ ⵏ ⵜⴳⵍⴷⵉⵜ.

ⴰⵎⵎⴰⵥ ⵏ ⵓⵎⵙⴰⵔⴰⵙ ⵓⵖⵔⵉⵎ ⵏ ⵜⵖⵔⵎⵜ ⴰⴷ ,ⵉⴳⴰ ⵢⴰⵏ ⵓⵙⵏⴼⴰⵕ ⴰⴷⵍⵙⴰⵏ ⵏⵏⴰ ⵅⴼ ⵉⵜⵜⴰⵡⵣ ⴱⴰⴱ ⵏ ⵡⴰⴷⴷⵓⵔ, ⵍⵍⵉⵖ ⵔⴰⴷ ⵜⴳ ⵕⵔⴱⴰⵟ ⵢⴰⵜ ⵜⵎⴰⵥⵓⵏⵜ ⵜⴰⴷⵍⵙⴰⵏⵜ ⵙ ⵜⵣⵎⵎⴰⵔ ⴷ ⵜⵓⵥⵍⴰⵢⵉⵏ ⵜⵉⴷⵍⵙⴰⵏⵉⵏ ⵏⵏⵙ .

ⵉⵙⵎⴷ ⵎⴰⵙⵙ ⵀⴰⵛⵉⵎⵉ ⴰⵡⴰⵍ ⵏⵏⵙ ⵉⵏⵏⴰ ⵎⴰⵙⴷ ⵉⵎⴰⵍⵍⴰⵢⵏ ⴰⵔ ⵜⵜⵉⵔⵉⵏ ⴽⵉⴳⴰⵏ ⵜⵉⵖⵔⵎⵜ ⴰⴷ ⵍⵍⵉⵖ ⵍⵍⴰⵏ ⵉⵙⴰⵍⴰⵢⵏ ⵜⴳ ⴰⵎ ⵜⵓⵍⵍⵉⵙⵜ ⵏ ⴱⵍⵍⴰⵔⵊ ⵜⵉⵍⵉ ⴳⵉⵙ ⵜⵏⴼⵔⵓⵜ ⴷ ⵓⵎⵙⴰⴷⴷⴰⵔ ⴷ ⵜⵓⴷⵔⵜ ⵉⵣⴷⴷⵉⴳⵏ .

ⴰⵡⵜⵜⴰⵙ ⵏ ⵓⴷⵍⵉⵙ ⵏⵏⴰ ⵉⵡⴰⵍⴰⵏ ⵉ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴰⴼⴰⴷ ⴰⴷ ⵉⵙⵓⵙⵙⵏ ⵙ ⵜⵖⵔⵎⵉⵏ ⵏ ⵍⵎⵖⵔⵉⴱ, ⴷ ⵜⵙⴳⴳⵉⵡⵉⵏ ⵏⵏⵙ ⴰⴽⴽⵯ,ⵙ ⵓⴼⵙⴰⵔ ⵏ ⵜⵣⵎⵎⴰⵔ ⵏⵏⵙ ⴰⴽⴽⵯ ⴷ ⵓⴱⵓⵖⵍⵓ ⵏ ⵓⵎⵣⵔⵓⵢ ⵏⵏⵙ ⴷ ⵜⴻⵜⵉⴽⵏⵓⵍⵓⵊⵉⵜ ⵏⵏⵙ ⴰⵡⴷ ⵏⵜⵜⴰⵜ, ⵍⵍⵉⵖ ⴳⵉⵙ ⴽⵉⴳⴰⵏ ⵏ ⵉⴷⵔⵉⵣⵏ ⵉⵇⵇⴱⵓⵔⵏ ⴷ ⵜⵓⵙⴽⵉⵡⵉⵏ ⵜⵉⴷⵍⵙⴰⵏⵉⵏ ⴷ ⵜⵉⵏ ⵜⵓⵏⵏⵓⵏⵜ ⴷ ⵉⵎⴰⵏ ⴷ ⴽⵉⴳⴰⵏ ⵏ ⵜⵓⵙⴽⵉⵡⵉⵏ ⵢⴰⴹⵏ .

ⴷ ⴽⵉⴳⴰⵏ ⵏ ⵉⴹⵕⵉⵙⵏ ⵏⵏⴰ ⴳⵉⵙ ⵉⵍⵍⴰⵏ , ⵔⴰⴷ ⵉⵜⵜⵓⵥⵕⴳ ⵓⴷⵍⵉⵙ ⴰⴷ ⵣⵓⵏⴷ ⴰⵎⵣⵡⴰⵔⵓ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴳⵉⵙ ⴽⵉⴳⴰⵏ ⵏ ⵜⵡⵍⴰⴼⵉⵏ ⵏ ⵓⵎⵣⵔⵓⵢ ⴷ ⵜⵙⴷⵍⵉⵙⵉⵏ ⴷ ⵉⵏⵙⴰⵜⵏ ⵏ ⵓⵙⴱⵔⵔⴽ ⴷ ⵉⵙⵏⵙⵓⵜⵏ ⵓⵍⴰ ⵜⵉⵙⵏⵓⵔⴰⵢⵉⵏ ⵏ ⵉⵎⵓⴷⴷⵓⵜⵏ , ⵉⴳ ⵜⵉⵡⵉⵙⵉ ⵏ ⵜⵙⵏⵓⵔⴰⵢⵜ ⴳ ⵓⵙⴰⵜⵉ ⵏ ⵓⴱⵓⵖⵍⵓ ⵏ ⵓⵙⴰⵢⵙ ⴰⵏⴰⵎⵓⵔ .

ⴷⴼⴼⵉⵔ ⵏ ⵓⴷⵍⵉⵙ ⴰⴷ , ⵔⴰⴷ ⴷ ⴷⴷⵓⵏ ⴽⵉⴳⴰⵏ ⵏ ⵜµⵥⵕⵉⴳⵉⵏ ⵢⴰⴹⵏⵉⵏ ⴰⴼⴰⴷ ⴰⴷ ⴰⵡⵙⵏ ⴳ ⵓⵙⵓⵙⵙⵏ ⵙ ⵓⵎⵣⵔⵓⵢ ⵏ ⵜⵎⴰⵣⵉⵔⵜ ⵏⵏⵖ, ⵣⵓⵏⴷ ⵡⵉⵏ ⴼⴰⵙ ⴷ ⴰⵎⴽⵏⴰⵙ ⴷ ⵜⴳⵎⵎⵉ ⵜⵓⵎⵍⵉⵍⵜ,ⵟⴰⵏⵊⴰ, ⵜⵉⵟⵟⴰⵡⵉⵏ,ⴰⵎⵓⵔ ⵏ ⵡⴰⴽⵓⵛ, ⴰⴳⴰⴷⵉⵔ, ⵍⵄⵢⵓⵏ, ⴷⴷⴰⵅⵍⴰ ⴷ ⵡⵊⴷⴰ ⴷ ⵜⵖⵔⵎⵉⵏ ⵢⴰⴹⵏ .

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/rabat-magique-%E2%B5%9C%E2%B4%B0%E2%B5%A5%E2%B5%95%E2%B5%89%E2%B4%B3%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C-%E2%B5%8F-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F-%E2%B5%93%E2%B5%99%E2%B5%8F%E2%B5%96%E2%B5%8E%E2%B5%99-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B5%85%E2%B4%BC-%E2%B5%9C%E2%B5%96%E2%B5%94%E2%B5%8E%E2%B5%89%E2%B5%8F-%E2%B5%9C%E2%B5%89%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%A2%E2%B5%A2%E2%B5%89%E2%B5%8F