Published on MAPNews (https://www.mapnews.ma/am)

Accueil > ⵜⵙⵏⵎⴰⵍⴰ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⵜⴰⵙⵙⵓⵜⵍⵜ ⵜⵉⵙⵙ ⴽⴽⵓⵚⵟ ⵏ ⵜⵏⴰⵖⵎⴰⵙⵉⵏ ⵏⵏⴰ ⵉⵙⵡⵡⵓⵔⵉⵏ ⴳ ⵜⵙⵏⵓⵔⴰⵢⵉⵏ ⵏ ⵓⵙⵏⵖⵎⵙ ⵜⵄⵕⴰⴱⵉⵏ

ⵜⵙⵏⵎⴰⵍⴰ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⵜⴰⵙⵙⵓⵜⵍⵜ ⵜⵉⵙⵙ ⴽⴽⵓⵚⵟ ⵏ ⵜⵏⴰⵖⵎⴰⵙⵉⵏ ⵏⵏⴰ ⵉⵙⵡⵡⵓⵔⵉⵏ ⴳ ⵜⵙⵏⵓⵔⴰⵢⵉⵏ ⵏ ⵓⵙⵏⵖⵎⵙ ⵜⵄⵕⴰⴱⵉⵏ

05 ⴷⵓⵊⴰⵏⴱⵉⵔ 2022 Version Imprimable
ⵕⵕⴱⴰⵟ - ⵜⵏⵏⵓⵕⵥⵎ ⴰⵙⵙ ⴰⴷ ⵏ ⵓⵢⵏⴰⵙ ⴳ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴳ ⵕⵕⴱⴰⵟ, ⵜⵉⵏⴰⵡⵜ ⵜⵉⵙⵙ ⴽⴽⵓⵚⵟ ⵏ ⵉⵏⴰⵖⵎⴰⵙⵏ ⵏⵏⴰ ⵉⵙⵡⵡⵓⵔⵉⵏ ⴳ ⵜⵙⵏⵓⵔⴰⵢⵜ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ, ⴷⴷⵓ ⵏ ⵜⵎⴰⵜⴰⵔⵜ ⴰⴷⴰⴼ ⵏ ⵉⵏⴰⵖⵎⴰⵙⵏ ⵏⵏⴰ ⵉⵙⵡⵡⵓⵔⵉⵏ ⴳ ⵜⵙⵏⵓⵔⴰⵢⵜ ⵙ ⵉⵖⴱⵓⵍⴰ ⵏ ⵓⵏⵖⵎⵉⵙ ⴷ ⵉⵏⵙⴰⵜⵏ ⵏ ⵉⵡⵏⵏⵉⵜⵏ.

ⵜⵉⵏⴰⵡⵜ ⴰⴷ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙⴳ ⴷⴰⵔ ⵜⴰⵎⵓⵏⵜ ⵏ ⵜⵙⵏⵓⵔⴰⵢⵉⵏ (ⴼⴰⵏⴰ) ⵜⴻⵜⵜⵓⵙⴽⴰⵔ ⵓⵙⵙⴰⵏ ⵏ 5 ⴷ 6 ⴷⵓⵊⴰⵏⴱⵉⵔ ⴰⴷ , ⴰⴼⴷ ⴰⴷ ⵜⵙⴱⵔⵣ ⵜⵉⵍⵉⵜ ⵏ ⵜⵓⵜⵎⵉⵏ ⴳ ⵜⵙⵏⵓⵔⴰⵢⵉⵏ ⵏ ⵓⵙⵏⵖⵎⵙ ⵙⵍⴰⵡⴰⵏ ⴰⴽⴽⵯ ⵉⵏⵎⴰⵍⵍⵓⵜⵏ ⴷ ⵓⴱⵟⵟⵓ ⵏ ⵜⵉⵔⵎⵉⵜⵉⵏ ⴳⵔ ⵜⵏⴰⵖⵎⴰⵙⵉⵏ ⵏⵏⴰ ⵉⵙⵡⵡⵓⵔⵉⵏ ⴳ ⵜⵙⵏⵓⵔⴰⵢⵜ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ.

ⵙⴳ ⵜⴱⵔⴰⵜⵜ ⵏⵏⴰ ⵉⵜⵜⵢⴰⵣⴰⵏⵏ ⵉ ⵜⵎⴷⵔⴰⵡⵉⵏ ⴳ ⵓⵏⵏⵓⵕⵥⵎ ⵏ ⵜⵡⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ, ⵉⵏⵏⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵎⵓⵏⵜ ⵏ ⵜⵙⵏⵓⵔⴰⵢⵉⵏ ⵏ ⵓⵙⵏⵖⵎⵙ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ ⵎⴰⵙⵙ ⴼⴰⵔⵉⴷ ⵉⵢⵢⴰⵕ, ⵍⵍⵉⵖ ⴳⵉⵙ ⵉⵙⵏⵉⵎⵎⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵙⵔⴰⴳ ⵍⵍⵉⵖ ⵜⵙⵏⵎⴰⵍⴰ ⵜⴰⵙⵙⵓⵜⵍⵜ ⴰⴷ, ⴷ ⵓⵙⵏⵉⵎⵎⵔ ⵏ ⵓⵏⵎⵀⴰⵍ ⵏ ⵜⵙⵏⵓⵔⴰⵢⵜ ⴷ ⵉⵎⵙⵡⵡⵓⵔⵉⵏ ⴰⴽⴽⵯ ⵏⵏⴰ ⵜⵙⵏⵓⴱⴳ ⵜⵉⵏⴰⵡⵜ ⴰⴷ, ⵙ ⵜⵙⵏⵜⴰⵢⵜ ⴰⴷ ⵉⴷⵓⵙⵏ , ⵏⵏⴰ ⴷ ⵉⴷⴷⴰⵏ ⵍⵍⵉⵖ ⵣⵔⵉⵏ ⴽⴽⵓⵥ ⵉⵙⴳⴳⵯⴰⵙⵏ ⴼ ⵜⵉⵏⴰⵡⵜ ⵜⴰⵎⵣⵡⴰⵔⵓⵜ ⴳ ⵜⵎⴰⵥⵓⵏⵜ ⵏ ⵍⵓⴱⵏⴰⵏ ⴳ ⵓⵙⴳⴳⵯⴰⵙ ⵏ 1981.

ⴳ ⵜⵙⴳⴰ ⵏⵏⵙ, ⵉⵙⵏⵓⴱⴳ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ, ⴳ ⵢⴰⵜ ⵜⴳⵓⵔⵉ ⵏⵏⴰ ⵉⵏⵏⴰ ⴳ ⵓⴷⵖⴰⵔ ⵏⵏⵙ ⴰⵏⵎⵀⴰⵍ ⵏ ⵓⵎⵢⴰⵡⴰⴹ ⴷ ⵓⵎⵢⴰⵡⴰⵙ ⴳ ⵜⵙⵏⵓⵔⴰⵢⵜ, ⵎⴰⵙⵙ ⵕⴰⵛⵉⴷ ⵜⵜⵉⵊⴰⵏⵉ, ⵙ ⵉⵎⴷⵔⴰⵡⵏ ⴰⴽⴽⵯ ⴷ ⵜⵎⴷⵔⴰⵡⵉⵏ ⵏ ⵜⵉⵏⴰⵡⵜ ⴰⴷ, ⵏⵏⴰ ⵜⵙⵏⵓⴱⴳ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⵜⴰⴽⴽⵍⵉⵜ ⵜⴰⵎⵣⵡⴰⵔⵓⵜ.

ⴳ ⵜⵙⴳⴰ ⵏⵏⵙ , ⵜⵙⵙⵎⵖⵕ ⵜⵙⵎⵉⵔⵉⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵜⵎⵖⴰⵔⵜ, ⵎⴰⵙⵙ ⵍⴰⵢⵍⴰ ⵕⵃⵉⵡⵉ ⵙ ⵜⵣⵎⵎⴰⵔ ⵏⵏⴰ ⵏⵏ ⵜⵜⴳⴳⴰ ⵜⵙⵏⵓⵔⴰⵢⵜ ⴳ ⵉⴳⵔ ⵏ ⵓⵙⵎⴳⵉⴷⴷⵉ ⴳⵔ ⵡⴰⵏⴰⵡⵏ ⴷ ⵓⵥⵥⵓ ⵅⴼ ⵉⵜⴳⴰⵔⵏ ⵏ ⵓⵙⵏⵓⵃⵢⵓ ⵙⴳ ⵜⴰⵢⵎⵓⵏⵜ ⵏ ⵓⵙⵎⴳⵉⴷⴷⵉ ⴷ ⵓⵙⵎⵙⴰⵙⴰ .

ⴰⵀⵉⵍ ⵏ ⵜⵙⵙⵓⵜⵍⵜ ⴰⴷ ⵏⵏⴰⵖ ⵉⵡⵙⵏⵜ ⵜⵏⴰⵖⵎⴰⵙⵉⵏ ⴳ ⴽⵉⴳⴰⵏ ⵏ ⵜⵙⵏⵓⵔⴰⵢⵉⵏ , ⴰⵙⵏⵎⴰⵍⴰ ⵏ ⵙⵏⴰⵜ ⵏ ⵜⵙⴰⵡⵓⵔⵉⵏ ⴳ ⵡⴰⵙⵙ ⴰⵎⵣⵡⴰⵔⵓⴷ ⵙⵏⴰⵜ ⵢⴰⴹⵏ ⴳ ⵡⴰⵙⵙ ⵡⵉⵙⵙ ⵙⵉⵏ , ⴷ ⵓⵙⵏⵎⴰⵍⴰ ⵏ ⵢⴰⵏ ⵓⴼⵙⴰⵔ ⴷ ⵓⵙⴰⵍⴰⵢ ⴰⵎⴰⴹⵍⴰⵏ ⵏ ⵜⵡⴰⴷⴰ ⵏ ⵜⵎⴰⵣⴰⵏⵜ ⵏ ⴱⴰⴱ ⵏ ⵉⴳⵏⵡⴰⵏ ⴷ ⵓⵙⴳⴷ ⴳ ⵡⴰⵏⵙⴰ ⵏ ⵍⵉⵙⵉⵙⴽⵓ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F-%E2%B5%93%E2%B5%99%E2%B5%8F%E2%B5%96%E2%B5%8E%E2%B5%99-%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B4%BD%E2%B5%93%E2%B5%9A%E2%B5%9F-%E2%B5%8F-%E2%B5%9C%E2%B5%8F%E2%B4%B0%E2%B5%96%E2%B5%8E%E2%B4%B0%E2%B5%99%E2%B5%89%E2%B5%8F-%E2%B5%8F%E2%B5%8F%E2%B4%B0-%E2%B5%89%E2%B5%99%E2%B5%A1%E2%B5%A1%E2%B5%93%E2%B5%94%E2%B5%89%E2%B5%8F-%E2%B4%B3-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%89%E2%B5%8F