Published on MAPNews (https://www.mapnews.ma/am)

Accueil > ⵉⵏⵖⵎⴰⵙⵏ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵙⵜⵉⵏ ⵜⵓⴷⵎⴰⵡⴰⵏⵉⵏ ⵏ ⵓⵙⴳⴳⵯⴰⵙ ⵏ 2022

ⵉⵏⵖⵎⴰⵙⵏ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵙⵜⵉⵏ ⵜⵓⴷⵎⴰⵡⴰⵏⵉⵏ ⵏ ⵓⵙⴳⴳⵯⴰⵙ ⵏ 2022

30 ⴷⵓⵊⴰⵏⴱⵉⵔ 2022 Version Imprimable
ⵕⵕⴱⴰⵟ -  ⵙⵜⵉⵏ ⵉⵏⴰⵖⵎⴰⵙⵏ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵜⵓⴷⵎⴰⵡⴰⵏⵉⵏ ⵏⵏⴰ ⵉⴱⵓⵖⵍⴰⵏ ⴳ ⵓⵙⴳⴳⵯⴰⵙ ⵏ 2022 ⴳ ⴽⵉⴳⴰⵏ ⵏ ⵉⴳⵔⴰⵏ .

ⵜⵜⵓⵙⵜⴰⵢⵏⵜ ⵜⵓⴷⵎⴰⵡⴰⵏⵉⵏ ⴰⴷ ⴳ ⴽⵉⴳⴰⵏ ⵏ ⵉⴳⵔⴰⵏ ⵉⵎⵢⴰⵏⴰⵡⵏ , ⵙⴳ ⵢⴰⵏ ⵓⵙⵜⴰⵢ ⴰⴳⵯⵏⵙⴰⵏ ⵏⵏⴰⵖ ⵉⵡⵙⵏ 300 ⵏ ⵓⵏⴰⵖⵎⴰⵙ ⴳ ⵜⵙⵏⵓⵔⴰⵢⵜ ⴳⵔ ⵡⴰⵎⵎⴰⵙ ⴰⵏⴰⵎⵎⴰⵙ ⴷ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵏⵏⴰ ⴳⴰⵏⵉⵏ 12 ⴷ ⵉⵎⵏⴰⴷⵏ ⵉⵎⴰⴹⵍⴰⵏⵏ ⵏ ⵜⵙⵏⵓⵔⴰⵢⵜ 

ⵎⴽ ⴰⴷ, ⵉⵜⵜⴰⵡⵙⵜⴰⵢ ⵓⵎⵙⵢⴰⴼⵓ ⴰⵎⵖⵔⵉⴱⵉ ⵏⴰⴷⵉⵔ ⵍⵅⵢⵢⴰⵟ ( ⵍⵍⵉ ⵎⵉ ⵜⵜⵉⵏⵉⵏ ⵔⵉⴷⵡⴰⵏ), ⴰⴷ ⵉⴳ ⴰⵡⵔⵉⴽ ⵏ ⵓⵙⴳⴳⵯⴰⵙ, ⵏⵏⴰ ⵢⵓⵍⵏ ⴰⵛⵏⵢⴰⵍ ⵏ ⵍⵎⵖⵔⵉⴱ ⵙ ⵓⴼⵍⵍⴰ ⴳ ⵓⴱⴰⵔⴰⵣ ⵏ ⵓⵥⴰⵡⴰⵏ ⴰⵎⴰⴹⵍⴰⵏ, ⴳⵔ ⵡⴰⵏⴰⵡ ⵏ "ⵜⵉⵥⵓⵕⵉⵡⵉⵏ ⴷ ⵜⴷⵍⵙⴰ", ⵅⴼ ⵓⵎⵙⴽⴰⵔ ⵏⵏⵙ ⴰⵎⵇⵔⴰⵏ ⵏ ⵢⴰⵏ ⵙⴳ ⵉⵖⵏⵏⵉⵊⵏ ⵓⵏⵚⵉⴱⵏ ⵏ ⵡⴰⵔⵔⴰⵣ ⴰⵎⴰⴹⵍⴰⵏ ⵇⴰⵟⴰⵕ 2022, ⴷⴰⵔ ⵡⴰⵎⵓⵏ ⴰⴳⵔⴰⵖⵍⴰⵏ ⵏ ⵜⵡⵊⵊⴰ ⵏ ⵓⴹⴰⵕ.

ⴷⴳ ⵡⴰⵏⴰⵡ ⵏ ⵜⵓⵏⵏⵓⵏⵜ, ⵉⵜⵜⴰⵡⵙⵜⴰⵢ ⵓⵎⵙⴰⵏⵓⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵢⵜ ⵡⴰⵍⵉⴷ ⵔⴳⵔⴰⴳⵉ , ⵅⴼ ⵓⵎⵙⴽⴰⵔ ⵏⵏⵙ ⴰⵎⵇⵔⴰⵏ ⴷ ⵜⵡⵓⵔⵉ ⵏⵏⵙ ⵍⵍⵉ ⴳ ⵉⵙⵙⵉⵡⴹ ⵉⵣⵎⴰⵏ ⵏ ⵍⴰⵟⵍⴰⵚ ⵙ ⵓⵙⵡⵉⵔ ⴰⵎⴰⵜⵜⴰⵢ ⴳ ⵡⴰⵔⵔⴰⵣ ⴰⵎⴰⴹⵍⴰⵏ ⵇⴰⵟⴰⵕ 2022, ⵜⵉⴽⵍⵍⵜ ⵔⴰⵎⵣⴰⵔⵓⵜ ⴳ ⵓⵎⵣⵔⵓⵢ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵏⴰⵎⵓⵔⵜ ⴷ ⵜⴼⵔⵉⵇⵜ.

ⴷⴰⵜ ⵏ ⵓⵎⵙⴽⴰⵔ ⴰⴷ ⵍⵍⵉ ⵊⵊⵓ ⵓⵔ ⵓⵜⵔⴰⵡⵙⴽⴰⵔⵏ ⴰⴽⴷ ⵉⵣⵎⴰⵡⵏ ⵏ ⵡⴰⵜⵍⴰⵚ, ⵉⵎⵓⵔⵙ ⵢⴰⴷⵍⵍⵉ ⵎⴰⵙⵙ ⵡⴰⵍⵉⴷ ⵔⴳⵔⴰⴳⵉ ⴰⴽⴷ ⵜⵔⴰⴱⴱⵓⵜ ⵏ ⵍⵡⵉⴷⴰⴷ ⴳ ⵄⵓⵚⴱⴰ ⵏ ⵉⵏⴱⵔⴰⵣⵏ ⵜⴰⴼⵔⵉⵇⵉⵢⵜ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵎⴰⵢⵢⵓ 2022, ⴹⴰⵕⵜ ⵏ ⵢⴰⵏ ⴰⵢⵢⵓⵔ ⵍⵍⵉ ⴳ ⵢⵉⵡⵉ ⵜⴰⴱⵔⵣⴰ ⵜⴰⵏⴰⵎⵓⵔⵜ.

ⴳ ⵡⴰⵏⴰⵡ ⵏ "ⵜⴷⵎⵙⴰ ⴷ ⵓⵥⵕⴼ" ⵉⵜⵜⴰⵡⴷⵜⴰⵢ ⴱⴰⵏⴽ ⵍⵎⵖⵔⵉⴱ ⵅⴼ ⵜⵓⴳⴳⴰⵙ ⵍⵍⵉ ⵏⵏ ⵉⴳⴰ ⴰⴼⴰⴷ ⴰⴷ ⵜⵖⴰⵎⴰ ⵜⴷⵎⵙⴰ ⵜⴰⵎⵖⵔⵉⴱⵉⵢⵜ ⴳ ⵜⵖⵏⵏⴰⵏⵜ ⵜⴰⴳⵔⴰⵖⵍⴰⵏⵜ ⵎⵇⵇⴰⵔ ⵍⵍⴰⵏ ⵜⵓⴳⵜⵜ ⵏ ⵉⵎⵓⴽⵔⵉⵙⵏ.

ⴳ ⵓⵙⵡⵉⵔ ⵏ ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⴷ ⵓⵏⵢⴰⵍⴽⴰⵎ ⴷ ⵍⴰⵏⵜⵉⵔⵏⵉⵜ ⴷ ⵜⵔⴰⵜⵙⵉⵡⵉⵏ ⵜⵉⵏⴰⵎⵓⵏⵉⵏ, ⵉⵜⵜⵓⵡⴼⴽⴰ ⵓⵡⵔⵉⴽ ⵏ ⵓⵙⴳⴳⵯⴰⵙ ⴷⵉⵖ ⵉ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵜⵏⵖⵎⴰⵙⵜ ⵉ ⵉⵃⵙⴰⵏ ⴱⵏⵄⵍⵍⵓⵛ ( ⵜⴰⵎⵙⴽⴰⵔⵜ ⵏ ⵜⵓⵎⴰⵢⵜ ⴳ ⵡⴰⵏⵙⴰ ⵢⵓⵜⵉⴱ), ⵏⵏⴰ ⵢⵉⵡⵉⵏ ⴰⵡⵔⵉⴽ ⴰⵎⴰⴼⴰⵢ ⴳ ⵡⴰⵏⵙⴰⵜⵏ ⵏ ⵓⵏⵢⴰⵍⴽⴰⵎ ⴰⵏⴰⵎⵓⵏ ⴳ ⵓⵎⴰⴹⴰⵍ ⴰⵄⵕⴰⴱ.

ⴳ ⵡⴰⵏⴰⵡ ⵏ "ⵜⵡⵓⵔⵉ ⵜⴰⵏⴰⵎⵓⵏⵜ ⴷ ⵜⵙⵏⵜⴰⵢⵜ ⵏ ⵜⵏⵎⵓⵔⵉ ⴷ ⵜⵏⴼⵉⵍⵜ ⵜⴰⵏⴼⴳⴰⵏⵜ, ⵉⵜⵜⵡⴰⵙⵜⴰⵢ ⵓⴳⵔⴰⵖⵍⴰⵏ ⵃⴰⴽⵉⵎ ⵣⵉⵢⵢⴰⵛ , ⵢⴰⵏ ⴳ ⵉⵏⴱⵔⴰⵣⵏ ⵏ ⵉⵣⵎⴰⵡⵏ ⵏ ⵡⴰⵜⵍⴰⵚ ⴳ ⵇⴰⵟⴰⵕ , ⵉⴳ ⴰⵡⵔⵉⴽ ⵏ ⵓⵙⴳⴳⵯⴰⵙ ⵅⴼ ⵜⵡⵓⵔⵉⵡⵉⵏ ⵏ ⵓⴼⵓⵍⴽⵉ ⵍⵍⵉ ⵉⵙⴽⴰⵔ ⵉ ⵜⵡⵊⵉⵡⵉⵏ ⵜⵉⵎⵥⵍⴰⴹ ⴷ ⵜⵎⵙⵎⵓⵏⵉⵏ ⵏ ⵡⴰⴼⵓⵍⴽⵉ.

ⵎⴽ ⵍⵍⵉ ⵙ ⵙⵜⵉⵏ ⵉⵏⵖⵎⴰⵙⵏ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⴳ ⵡⴰⵏⴰⵡ ⵏ ⵜⵙⵔⵜⵉⵜ ⴷ ⵜⵏⴱⴰⴹⵜ ⵎⴰⵙⵙ ⴼⴰⵣⵉ ⵍⵇⵊⵄ ⴰⴷ ⵉⴳ ⴰⵡⵔⵉⴽ ⵏ ⵓⵙⴳⴳⵯⴰⵙ ⵅⴼ ⵜⵡⵓⵔⵉ ⵏⵏⵙ ⵉⵥⵉⵍⵏ ⴳ ⵓⵙⵡⵓⴷⴷⵓ ⴰⵥⵕⴼⴰⵏ ⴰⴳⴷⵓⴷⴰⵏ, ⴷ ⵜⵡⵊⵊⴰ ⵏ ⵓⴹⴰⵕ ⵜⴰⵏⴰⵎⵓⵔⵜ ⴳ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⵡⵊⵊⴰ ⵏ ⵓⴹⴰⵕ, ⴰⵡⴷ ⵜⴰⵡⵓⵔⵉ ⵏⵏⵙ ⴳ ⵢⵉⴳⵔ ⵏ ⵜⵎⵙⴰⵙⵜⵍⵜ ⴳ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ.

ⵙⴳ ⵜⵔⴰⵜⵙⴰ ⴰⴷ ⵅⴼ ⵉⵡⵔⵉⴽⵏ ⵏ ⵓⵙⴳⴳⵯⴰⵙ, ⴰⵡⵜⵜⴰⵙ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵉⴳⴰ ⴰⴷ ⴼⴽⵉⵏ ⴰⴷⴷⵓⵔ ⵉ ⵎⴰⵕⵕⴰ ⵎⴰⴷ ⵉⵙⵡⵓⵔⵉⵏ ⴽⵔⴰ ⵉⴳⴰ ⵜⵜ ⵢⴰⵏ ⴳ ⵢⵉⴳⵔ ⵏⵏⵙ ⵙⵍⴰⵡⴰⵏ ⴰⴽⴽ ⵜⴰⵥⵓⵕⵉ, ⵜⴰⴷⵍⵙⴰ, ⵜⴰⵙⵔⵜⵉⵜ, ⵜⴰⴷⵎⵙⴰ, ⴷ ⵢⵉⴳⵔ ⵏ ⵓⵏⵢⴰⵍⴽⴰⵎ ⴷ ⵜⵏⵖⵍⴰⵙⵜ ⴷ ⵜⵓⵏⵏⵓⵏⵜ.

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8F%E2%B5%96%E2%B5%8E%E2%B4%B0%E2%B5%99%E2%B5%8F-%E2%B5%8F-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F-%E2%B5%93%E2%B5%99%E2%B5%8F%E2%B5%96%E2%B5%8E%E2%B5%99-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B5%99%E2%B5%9C%E2%B5%89%E2%B5%8F-%E2%B5%9C%E2%B5%93%E2%B4%B7%E2%B5%8E%E2%B4%B0%E2%B5%A1%E2%B4%B0%E2%B5%8F%E2%B5%89%E2%B5%8F-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B5%8F-2022