Published on MAPNews (https://www.mapnews.ma/am)

Accueil > ⴰⵙⵎⵏⵉⴷ ⵏ ⵓⵎⴰⵡⴰⵍ ⴰⵎⴰⵣⵉⵖ-ⵜⴰⴼⵕⴰⵏⵙⵉⵙⵜ ⵏ ⵜⴰⵏⵜⴰⵍⴰ  ⵏ ⴼⵉⴳⵉⴳ ⵏ ⵓⵎⴰⵔⴰ ⵏⵏⵙ ⵎⵓⵃⵎⵎⴰⴷ ⵉⵄⵄⵓ

ⴰⵙⵎⵏⵉⴷ ⵏ ⵓⵎⴰⵡⴰⵍ ⴰⵎⴰⵣⵉⵖ-ⵜⴰⴼⵕⴰⵏⵙⵉⵙⵜ ⵏ ⵜⴰⵏⵜⴰⵍⴰ  ⵏ ⴼⵉⴳⵉⴳ ⵏ ⵓⵎⴰⵔⴰ ⵏⵏⵙ ⵎⵓⵃⵎⵎⴰⴷ ⵉⵄⵄⵓ

02 ⵎⴰⵕⵚ 2023 Version Imprimable
ⵕⵕⴱⴰⵟ -  ⵉⵜⵜⵓⵙⴽⴰⵔ ⴳ ⵓⵙⵙⴰⵏ ⵣⵔⵉⵏ  ⴳ  ⵓⵙⵖⵉⵎ  ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵎⵏⵉⴷ ⵏ ⵓⵎⴰⵡⴰⵍ ⵜⴰⵎⴰⵣⵉⵖⵜ - ⵜⴰⴼⵕⴰⵏⵙⵉⵙⵜ ⵏ ⵜⴰⵏⵜⴰⵍⴰ ⵏ ⴼⵉⴳⵉⴳ ⵏ ⵓⵎⴰⵔⴰ ⵏⵏⵙ ⵎⵓⵃⵎⵎⴰⴷ ⵉⵄⵄⵓ .

ⵙⴳ ⵜⴰⵣⵡⴰⵔⵜ ⵏ ⵓⵎⴰⵡⴰⵍ,ⵏⵏⴰⴳ ⵍⵍⴰⵏⵜ 965 ⵏ ⵜⴰⵙⵏⴰ ⵏ ⵓⵙⵡⵉⵔ ⴰⵏⴰⵎⵎⴰⵙ ⵙⴳ ⵖⵓⵕ ⵡⴰⵎⵎⴰⵙ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ ⵏⵏⴰ ⵉⵡⴰⵍⴰⵏ ⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ , ⵉⵜⵜⵓⴳⴰ ⵉ ⵉⵎⵔⵣⵓⵜⵏ ⵏⵏⴰ ⵉⵙⵙⵎⵔⴰⵙⵏ ⵉⵎⴰⵡⴰⵍⵏ ⴷ ⵜⵎⴰⵣⵉⵖⵜ ⵙ ⵓⵎⴰⵜⴰ .

ⵙⴳ ⵓⵙⴰⴳⵯⵎ ⴷⴷⵅ ⵏⵉⵜ,ⴰⵎⴰⵡⴰⵍ ⵏ ⵓⴷⵍⵉⵙ ⴷⴷⵅ ⵉⵡⴰⵍⴰ ⵉ ⵜⵙⴳⴰ ⵏ ⴼⵉⴳⵉⴳ ⵏⵏⴰ ⵉⴳⴰⵏ ⴰⵎⵏⴼⴰⵍ ⵓⵜⵍⴰⵢⴰⵏ ⵏ ⵜⴳⵔⴰⵡⵜ ⵏ ⵣⵏⵉⵜ ⵏ ⵜⵙⴳⴳⵉⵡⵉⵏ ⵏ ⵉⵛ ⵡⴰⵢⵜⵙⵖⵔⵓⵛⵛⵏ ⴳ ⵍⵎⵖⵔⵉⴱ ⴷ ⴱⵓⵙⵎⵖⵓⵏ ⴷ ⵜⵉⵎⵉⵎⵓⵏ ⴷ ⵎⵥⴰⴱ , ⵡⵡⵔⵖⴰⵍⴰ ⴳ ⴷⴷⵣⴰⵢⵔ .

ⵉⵏⵏⴰ ⵓⵎⴰⵔⴰ ⵏ ⵓⵎⴰⵡⴰⵍ ⴳ ⵓⵅⴼⴰⵡⴰⵏ ⵏⵏⵙ ⴷ ⵜⴰⴳⴳⵓⵔⵜ ⵜⴰⵎⴰⵣⵉⵖⵜ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵎⴰⵙⴷ ⵜⴰⵥⵕⵉⴳⵜ ⴷⴷⵅ ⵜⴳⴰ ⵜⴰⵡⵡⵓⵔⵉ ⵏ ⵙⵉⵏ ⵉⴳⵏⴰⵔⵏ ⵏ ⵜⵡⵡⵓⵔⵉ ⵉⴷⵓⵙⵏ ⵉⴳ ⴰⵙⵏⴼⴰⵕ ⵏⵏⴰ ⵉⵙⴽⵔ ⵢⴰⵏ ⵓⵎⵔⵣⵓ ⵓⵔⴷ ⵜⴰⵔⴰⴱⴱⵓⵜ ⵏ ⵜⵡⵡⵓⵔⵉ .

ⵉⵣⴰⵢⴷ ⵎⴰⵙⵙ ⵉⵄⵄⵓ ⵎⴰⵙⴷ ⴰⵎⴰⵡⴰⵍ ⴷⴷⵖ ⵉⵍⴰ ⴰⵜⵉⴳ ⴰⵅⴰⵜⴰⵔ ⵙⵍⴰⵡⴰⵏ ⴰⴽⴽⵯ ⵍⵍⵉⴳ ⵉⴳⴰ ⴰⵖⴱⴰⵍⵓ ⵏ ⵜⴰⵏⵜⴰⵍⴰ ⵏ ⵜⵙⴳⴰ ⵏ ⴼⵉⴳⵉⴳ ⵏⵏⴰ ⵉⵖⵉⵏ ⴰⴷ ⵉⵏⵖⵓⴱⵓ ⵉⵙⴽⵓ ⴰⵡⴷ ⵅⴼ ⵜⵡⵡⵓⵔⵉ ⵏ ⵡⴰⵢⴷⴰ ⵙⴳ ⵓⵏⵎⵓⵇⵇⴰⵔ ⵏⵏⵙ ⴷ ⴽⵉⴳⴰⵏ ⵏ ⵉⵎⵙⵎⵔⵙⵏ ⵏ ⵜⴰⵏⵜⴰⵍⴰ ⴷⴷⵅ ⵙ ⵜⴰⵏⵜⴰⵍⵉⵡⵉⵏ ⵉⵎⵢⴰⵏⴰⵡⵏ ⵉⵙⴽⵓ ⴰⵡⴷ ⵅⴼ ⴽⵉⴳⴰⵏ ⵏ ⵉⵎⴰⵡⴰⵍⵏ ⵢⴰⴷⴹⵏⵉⵏ .

ⴳ ⵜⵙⴳⴰ ⵏⵏⵙ , ⵉⵏⵏⴰ ⵎⴰⵙⵙ ⴼⵓⵡⴰⴷ ⵙⴰⵄⴰ ⴰⵙⵍⵎⴰⴷ ⴳ ⵜⵣⵓⵏⵉ ⵏ ⵜⵖⵓⵕⵉⵡⵉⵏ ⵜⵉⵎⴰⵣⵉⵖⵉⵏ ⴳ ⵜⵙⴷⴰⵡⵉⵜ ⵏ ⵄⵉⵏ ⵛⵛⵇ  ⴳ ⵜⴳⵎⵎⵉ ⵜⵓⵎⵍⵉⵍⵜ , ⵎⴰⵙⴷ ⴰⵎⴰⵡⴰⵍ ⴷⴷⵖ ⴳⵉⵙ ⴽⵉⴳⴰⵏ ⵏ ⵉⵎⴷⵢⴰⵜⵏ ⴷ ⵜⴳⵓⵔⵉⵡⵉⵏ ⴷ ⵉⵙⴽⵛⴰⵎ ⵏ ⵓⵎⴰⵡⴰⵍ ⵏ ⵜⵙⴳⴰ ⵏ ⴼⵉⴳⵉⴳ , ⵉⵍⵍⴰ ⴷⵉⴳⵙⵏ ⵎⴰⵢⴷ ⵉⵜⵜⵓⵙⵎⵔⴰⵔⴰⵏ ⵢⵉⵍⵉ ⵡⴰⵏⵏⴰ ⵎⵓ ⵉⴷⵔⵓⵙ ⵓⵙⵎⵔⴰⵔⴰ ⵏⵏⵙ , ⵉⵣⴰⵢⴷ ⵉⵏⵏⴰ ⵎⴰⵙ ⵉⴳⴰ ⵢⴰⵏ ⵓⵏⵎⴰⵍⵍⵓ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ , ⴷ ⵓⵙⴰⴳⵯⵎ ⵉⴷⵓⵙⵏ ⵏ ⵓⵔⵣⵣⵓ ⴰⵏⴰⴼⴳⴰⵏ ⴷ ⵡⵉⵏ ⵜⵓⵜⵍⴰⵢⵜ ⴷ ⵜⵡⵏⵖⴰ ⵅⴼ ⵜⵓⵜⵍⴰⵢⵜ ⵜⴰⵎⴰⵉⵖⵜ .

ⵉⵙⵎⴷ ⵎⴰⵙⵙ ⴼⵓⵡⴰⴷ ⴰⵡⴰⵍ ⵏⵏⵙ ⵉⵏⵏⴰ ⵎⴰⵙⴷⴷ ⴰⵎⴰⵡⴰⵍ ⴷⴷⵅ ⵉⴳⴰ ⵢⴰⵏ ⵡⴰⵜⵉⴳ ⵉⵜⵜⵓⵙⵎⴰⴷⵏ ⵉ ⵉⴳⵔ ⵏ ⵉⵎⴰⵡⴰⵍⵏ ⵉⵎⴰⵣⵉⵖⵏ ⵙⵍⴰⵡⴰⵏ ⴰⴽⴽⵯ ⵡⵉⵏ ⵓⵎⴰⵔⴰ ⵃⴰⵙⴰⵏ ⴱⵏⵄⵎⴰⵕⴰ ⵅⴼ ⵉⵖⵔⵎ ⵏ ⵥⵏⴰⴳⴰ ⴳ ⴼⵉⴳⵉⴳ ⵉⵙⴽⵔ ⴰⵙ ⴰⵙⵎⴰⴷ .

ⴰⵎⵔⵣⵓ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙⵙ ⵃⴰⵙⴰⵏ ⴰⴽⵢⵓⴷ,ⵉⵏⵏⴰ ⵎⴰⵙⴷ ⴰⵎⴰⵡⴰⵍ ⴷⴷⵖ ⵉⴳⴰ ⵢⴰⵏ ⵓⵔⵏⵏⵓ ⴷ ⵓⵙⵎⴰⴷ ⵉ ⵜⵙⴷⵍⵉⵙⵜ ⵜⴰⵎⴰⵣⵉⵖⵜ ⴳ ⵜⵎⴰⵣⵉⵔⵜ ⵏⵏⵖ .

ⵉⵣⴰⵢⴷ ⵎⴰⵙⵙ ⴰⴽⵢⵓⴹ ⵉⵏⵏⴰ ⵎⴰⵙⴷ ⵜⴰⵥⵕⵉⴳⵜ ⵏ ⵓⵎⴰⵡⴰⵍ ⴷⴷⵅ ⵉⴷⴷⴰⴷ ⴳ ⵓⵙⴰⵜⵉ ⵏ ⵓⵙⵉⵏⴰⴳ ⴰⴳⵍⵎⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵉⴳⵔ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵍⵍⵉⵖ ⵉⵜⵜⵓⵙⵎⴰⴷ ⵉ ⵢⴰⵏ ⵓⵏⵎⴰⵍⵍⵓ ⵏ ⵉⵎⴰⵡⴰⵍⵏ ⵏⵏⴰ ⵉⵙⴽⵔ ⵓⵙⵉⵏⴰⴳ ⴷ ⵓⵎⴰⵡⴰⵍ ⴰⵎⴰⵜⴰⵢ ⵏ ⵜⵎⴰⵣⵉⵖⵜ ⵏⵏⴰ ⵉⵍⵍⴰⵏ ⴰⵡⴷ ⴳ ⵜⵙⵏⵙⵉ ⵜⴰⵍⵉⴽⵜⵔⵓⵏⵉⵜ .

 

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%93%E2%B5%8E%E2%B4%B0%E2%B5%A1%E2%B4%B0%E2%B5%8D-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B5%9C%E2%B4%B0%E2%B4%BC%E2%B5%95%E2%B4%B0%E2%B5%8F%E2%B5%99%E2%B5%89%E2%B5%99%E2%B5%9C-%E2%B5%8F-%E2%B5%9C%E2%B4%B0%E2%B5%8F%E2%B5%9C%E2%B4%B0%E2%B5%8D%E2%B4%B0%C2%A0-%E2%B5%8F-%E2%B4%BC%E2%B5%89%E2%B4%B3%E2%B5%89%E2%B4%B3-%E2%B5%8F-%E2%B5%93%E2%B5%8E%E2%B4%B0%E2%B5%94%E2%B4%B0-%E2%B5%8F%E2%B5%8F%E2%B5%99-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B0%E2%B4%B7-%E2%B5%89%E2%B5%84%E2%B5%84%E2%B5%93