Published on MAPNews (https://www.mapnews.ma/am)

Accueil > ⵜⴰⵥⵕⵉⴳⵜ "ملحمة أسود الأطلس" ⴰⴷⵍⵉⵙ ⵏⵏⴰ ⵉⵙⵎⴰⵍⵏ ⵜⵉⵡⵡⵓⵔⵉⵡⵉⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵎⵓⵏⴹⵢⴰⵍ 2022

ⵜⴰⵥⵕⵉⴳⵜ "ملحمة أسود الأطلس" ⴰⴷⵍⵉⵙ ⵏⵏⴰ ⵉⵙⵎⴰⵍⵏ ⵜⵉⵡⵡⵓⵔⵉⵡⵉⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵎⵓⵏⴹⵢⴰⵍ 2022

10 ⵎⴰⵕⵚ 2023 Version Imprimable
ⵜⵉⴳⵎⵎⵉ ⵜⵓⵎⵍⵉⵍⵜ - ⵉⴼⴼⴰⵖⴷ ⴳ ⵜⴳⵉⵔⴰ ⴰⴷ ⵙⴳ ⵜⴰⴷⴷⴰⵔⵜ ⵏ ⵜⵥⵕⵉⴳⵜⴱⵔⵉⵎⵉⵔ ⵍⵉⵏ ⵉⴷⵉⵙⵢⵓⵏ ⵢⴰⵏ ⵓⴷⵍⵉⵙ ⵏⵏⴰ ⵉⵍⴰⵏ ⴰⵣⵡⵍ ⵏ “ملحمة أسود الأطلس” ⵏⵏⴰ ⵉⴳⴰⵏ ⴰⵙⵎⵖⵕ ⵏ ⵜⵡⵡⵓⵔⵉⵡⵉⵏ ⵏⵏⴰ ⵜⴳⴰ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵎⵖⵔⵉⴱⵉⵜ ⴳ ⵍⵎⵓⵏⴹⵢⴰⵍ ⵏ 2022 ⴳ ⵇⴰⵟⴰⵕ .

ⵉⵏⵏⴰ ⵓⵙⵉⵡⴹ ⵏ ⵜⴰⴷⴷⴰⵔⵜ ⵏ ⵜⵥⵕⵉⴳⵜ ⵎⴰⵙⴷⴷ ⴰⴷⵍⵉⵙ ⴰⴷ ⵏⵏⴰ ⴳ ⵍⵍⴰⵏⵜ 220 ⵏ ⵜⴰⵙⵏⴰⵔⴰⴷ ⵉⴱⴷⵔ ⵜⴰⵡⵡⵓⵔⵉ ⵏⵏⴰ ⵉⵍⴰⵏ ⵉⵜⴳⴰⵔⵏ ⵉⵎⴰⴹⵍⴰⵏⵏ ⵏⵏⴰ ⵜⵙⴽⵔ ⵜⵔⴰⴱⴱⵓⵜ ⵜⴰⵎⵖⵔⵉⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ .

ⵉⵣⴰⵢⴷ ⵓⵙⴰⴳⵯⵎ ⴰⴷ ⵏⵉⵜ ⵎⴰⵙⴷⴷ ⴰⴷⵍⵉⵙ ⴰⴷ ⵔⴰⴷ ⵉⵙⵔⵙ ⵜⵉⵟⵟ ⴼ ⴰⵢⵏⵏⴰ ⴰⴽⴽⵯ ⵜⵙⴽⵔ ⵜⵔⴰⴱⴱⵓⵜ ⵜⴰⵎⵖⵔⵉⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⴷ ⵓⵖⵔⴼ ⴰⵎⵖⵔⵉⴱⵉ .

ⵉⴳ ⵓⴷⵍⵉⵙ ⴰⴷ ⵡⴰⵏⵏⴰ ⵔⴰⴷ ⵉⵎⵔⴰⵔⴰ ⴰⵡⴰⵍ ⴼ ⵜⵡⴰⵔⴳⵉⵜ ⵏ ⵜⵔⴰⴱⴱⵓⵜ ⴳ ⵉⵎⵏⴰⴷⵏ ⵉⵎⴰⴹⵍⴰⵏⵏ .

ⵎⴽⵍⵍⵉ ⵉⵏⵏⴰ ⵓⵙⵉⵡⴹ ⵎⴰⵙ ⵍⵍⴰⵏⵜ ⵜⵡⵍⴰⴼⵉⵏ ⵉⵖⵓⴷⴰⵏ ⴳ ⵓⴷⵍⵉⵙ ⴰⴷ ⴽⵉⴳⴰⵏ ⴳⵉⵙⵏⵜ ⴳⴰⵏⵜ ⵜⵉⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵏⵏⴰ ⵉⴹⴼⵕⵏ ⴰⵎⵓⵔⵙ ⵏ ⵉⵣⵎⴰⵡⵏ ⵏ ⵡⴰⵟⵍⴰⵙ ⴷ ⵉⵎⵖⵔⵉⴱⵉⵏ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵏ ⵓⵎⴰⴹⴰⵍ .

ⵍⵍⴰⵏ ⴽⴽⵓⵥ ⵉⵎⵏⴰⴷⵏ ⴳ ⵓⴷⵍⵉⵙ ⴰⴷ ⴰⵎⵣⵡⴰⵔⵓ “ملحمة فريق شجاع” ⴷ “حماسة شعب”, “القيم الرائعة ” ⴰⵎⴳⴳⴰⵔⵓ “المغرب يحتفل به في العالم”.

"ملحمةفريق شجاع" ⵜⴳⴰ ⵢⴰⵜ ⵜⵓⵍⵍⵉⵙⵜ ⵏⵏⴰ ⵉⵥⵍⵉⵏ ⴰⵎⵣⵔⵓⵢ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵎⵖⵔⵉⴱⵉⵜ ⴷ ⵉⵎⵓⵔⴰⵔⵏ ⵉⵡⵡⵓⵔⴰⵏⵏ ⴷⴷⴰⵔ ⵜⵍⵍⴰ ⵜⵏⴼⴽⵉⵜ ⵏⵏⴰ ⵉⵙⵙⵏⵄⵜⵏ ⵢⴰⵏ ⵡⵓⴷⵎ ⴰⵎⴰⵢⵏⵓ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵏⴰⵎⵓⵔⵜ

ⴳ ⵎⴰⴷ ⵉⵥⵍⵉⵏ ⵙ ⵓⴳⵟⵟⵓⵎ ⵏ “القيم الرائعة” ⵍⴰ ⵉⵙⴰⵡⴰⵍ ⴼ ⵡⴰⵜⵉⴳⵏ ⵏⵏⴰ ⵎⵍⴰⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏⵏⴰ ⵉⴷⵀⵛⵕⵏ ⴰⵎⴰⴹⴰⵍ ⴽⵓⵍⵍ ⵍⵍⵉⵖ ⵉⴳⵓⵍⴰ ⴰⵙⵡⵉⵔ ⵢⴰⵜⵜⵓⵢⵏ ⴼⴽⴰⵏ ⵢⴰⵜ ⵜⵡⵍⴰⴼⵜ ⵉⵥⵉⵍⵏ ⵏⵏⴰ ⵉⵙⴽⴰⵏ ⵅⴼ ⵜⴷⵍⵙⴰ ⵜⴰⵎⵖⵔⵉⴱⵉⵜ .

ⴰⵎⵎⴰ “حماسة الشعب” ⵍⴰ ⵉⵙⴰⵡⴰⵍ ⴼ ⵓⴳⴷⵓⴷ ⵉⴷⵓⵙⵏ ⵉⵎⵖⵔⵉⴱⵉⵏ ⵏⵏⴰ ⵉⵃⴰⴹⵕⵏ ⴳ ⵍⵎⵓⵏⴹⵢⴰⵍ ⴰⴼⴰⴷ ⴰⴷ ⵙⵏⵉⵍⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⴷ ⴰⵡⴷ ⴽⵉⴳⴰⵏ ⵏ ⵜⵖⵔⵎⵉⵏ ⵜⵉⵎⵖⵔⵉⴱⵉⵢⵢⵉⵏ ⵏⵏⴰⵖⴷ ⴼⴼⴰⵖⵏ ⵉⵎⵖⵔⵉⴱⵉⵏ ⵙ ⵉⵙⵡⴰⴽ ⵙⴽⵔⵏ ⴰⵙⴼⵓⴳⵍⵓ ⵙ ⵓⵔⵏⵏⵓ ⵉⵎⵎⴹⴼⴰⵕⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ .

ⴳ ⵓⵎⴳⴳⴰⵔⵓ ”المغرب يحتفل به في العالم” ⴰⵔ ⵉⵎⵎⴰⵍⴰ ⵓⴷⵍⵉⵙ ⵎⴰⵙ ⵉⵙⵙⴷⵀⵛⵔ ⵓⵔⵏⵏⵓ ⴷ ⵓⵙⵡⵉⵔ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴰⵎⴰⴹⴰⵍ ⴰⴽⴽⵯ ⵍⵍⵉⵖ ⵙⵙⵔⵖⵓⴷⵏⵜ ⴽⵉⴳⴰⵏ ⵏ ⵜⵓⴷⵎⴰⵡⴰⵏⵉⵏ ⵉⵜⵜⴰⵡⵙⵙⴰⵏⵏ ⵙⴳ ⴳⵉⵙⵏ ⵉⵍⵓⵏ ⵎⴰⵚⴽ ⴷ ⴽⵉⴳⴰⵏ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ, ⵎⴰⵢⴰⵏ ⴰⴷ ⵢⵓⵊⵊⴰⵏ ⵍⵎⵖⵔⵉⴱ ⴰⴷ ⵉⵣⵏⵥⵕ, ⴰⵡⴷ ⵜⴰⵏⵖⵎⴰⵙⵜ ⵜⴰⵎⴰⴹⵍⴰⵏⵜ ⵜⵣⵣⵔⵉ ⵉⵏⵖⵎⵉⵙⵏ ⵏ ⵜⵔⴰⴱⴱⵓⵜ .

ⵉⴳⴳⵯⵔⴰ ⵓⵙⵉⵡⴹ ⵎⴰⵙⴷ ⵙⴳ ⵉⴷⵍⵉⵙⵏ ⵏⵏⴰ ⴷ ⵜⵙⵙⴼⴰⵖ ⵜⴰⴷⴷⴰⵔⵜ ⵏ ⵜⵥⵕⵉⴳⵜ, ⵎⴰⵙⴷ ⴰⴷⵍⵉⵙ ⴰⴷ ⵔⴰⴷ ⵉⵖⵓⴷⵓ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴰⴽⴽ ⵉⴱⴷⵔ ⵉⵔⵏⵏⵓⵜⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵎⵖⵔⵉⴱⵉⵜ ⴷ ⵓⵛⵏⵢⴰⵍ ⵏⵏⵖ ⴰⵣⴳⴳⵯⴰⵖ ⵙ ⵜⵉⵜⵔⵉⵜ ⵜⴰⵣⴳⵣⴰⵡⵜ .

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B5%A5%E2%B5%95%E2%B5%89%E2%B4%B3%E2%B5%9C-%D9%85%D9%84%D8%AD%D9%85%D8%A9-%D8%A3%D8%B3%D9%88%D8%AF-%D8%A7%D9%84%D8%A3%D8%B7%D9%84%D8%B3-%E2%B4%B0%E2%B4%B7%E2%B5%8D%E2%B5%89%E2%B5%99-%E2%B5%8F%E2%B5%8F%E2%B4%B0-%E2%B5%89%E2%B5%99%E2%B5%8E%E2%B4%B0%E2%B5%8D%E2%B5%8F-%E2%B5%9C%E2%B5%89%E2%B5%A1%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C