ⵎⵓⵅⵍⵉⵚ, ⵉⵙⵙⴼⴰⵡ ⴳ ⵡⴰⵡⴰⵍ ⵏⵏⵙ ⵉ ⵉⵏⵏⴰ ⵉ ⵜⵡⵡⵓⵔⵜ ⵜⴰⵎⴰⵣⵉⵖⵜ ⵏ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⴰⵎⵇⵇⵔⴰⵏ ⵉ ⵉⵏⵖⵎⵉⵙⵏ ⵉⵍⴰ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵉⵎⵎⵍ ⴷ ⴳ ⵓⵛⵔⴰⴽ ⵏⵏⵙ ⴳ ⵜⵡⴰⵍⴰⵜ ⵜⵉⵙ 28 ⴳ ⵓⵙⴼⵙⵔ ⵉⵜⵜⵡⴰⴳⴳⵏ ⴳ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ (ⵙⴳ 01 ⴰⵔ 11 ⵢⵓⵏⵢⵓ ⴳ ⵕⵕⴱⴰⵟ), ⵎⴰⵏⵉ ⵉⵙⵜⵉ ⴰⴷ ⵉⴳⴳ « ⵜⴰⵏⴽⵔⴰ ⵙ ⵓⴷⵍⵉⵙ ⴰⵎⴰⵣⵉⵖ ⵙⴳ ⵜⵎⵙⵙⴰⵍⴰⵢⵉⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ. »
ⵣⴳⴳⴰ ⵉⴱⴷⵔ ⵙ ⵜⴰⵢⵏⵉⵜ ⵏ ⵓⴷⵍⵉⵙ ⴰⵎⴰⵣⵉⵖ ⵡⴰⵎⵉ ⵉⴷⵡⵍ ⴷ ⵉⵎⵉⵙⵙ ⵏ ⵓⵣⵎⵎⴻⵎ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⴱⴷⴷⵏ ⵅ ⵜⵏⴰⵎⵉⵜⵉⵏ ⵏ ⵜⵎⵢⵉⵡⴰⵏⵜ ⴷ ⵓⵙⵙⵎⵖⵔ ⵙⴳ ⵓⵎⵢⴰⵏⴰⵡ ⴰⴷⵍⵙⴰⵏ ⴳ ⵍⵎⵖⵔⵉⴱ ⵉⵍⴰ ⴰⴷⵍⵉⵙ ⴰⵎⴰⵉⵣⵖ ⵖⵔⵙ ⵉⵎⵅⵓⵎⴱⴰⵍ ⴳ ⵓⴼⵙⴰⵔ ⴷ ⵓⴱⵟⵟⵓ.
ⵉⵔⵏⵉ ⵉⵏⵏⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⵜⵜⵉⵛ ⵛⴰ ⵏ ⵜⵎⵢⴰⵡⴰⵙⵉⵏ ⴽⵓ ⴰⵙⵙⴳⴳⵯⴰⵙ ⴳ ⵓⵙⵓⴼⵖ ⴷ ⵓⴼⴰⵔⵙ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳⵔ 30 ⴰⵔ 40 ⵏ ⵓⴷⵍⵉⵙ ⴳ ⵓⵙⴳⴳⵯⴰⵙ, ⵉⵏⵏⴰ ⵉⵍⴰ ⴰⵙⴼⵙⵔ ⵉⴷⵡⵍ ⴷ ⵉⵊⵊⵏ ⵃⵎⴰ ⴰⴷ ⴼⵔⵙⵏ ⴰⵟⵟⴰⵚ ⵏ ⵓⵙⵉⵏⴰⴳ ⴰⴳⵍⴷⴰⵏ ⵜⵡⴹ ⴰⵔ 500 ⵏ ⵓⵙⵓⴼⵖ ⵙⴳ ⵡⴰⵎⵉ ⵉⵜⵜⵡⴰⴳⴳ.
ⵉⵣⵎⵎⴻⵎ ⵉⵍⴰ ⵉⵅⵚⵚ ⴰⴷ ⵜⵉⵍⵉ ⵙ ⵉⵊⵊⵏ ⵜⵙⵜⵔⴰⵜⵉⵊⵉⵜ ⵙ ⵓⵥⵍⴰⵢ ⵣⴳⴳⴰ ⵙⵙⵉⴷⴼⵏ ⵛⴰ ⵏ ⵓⵏⴳⴰⵍⵏ ⴷ ⵜⵎⵣⴳⵓⵏⵉⵏ ⴷ ⵡⴰⵎⵎⵓⴷⵏ ⵏ ⵓⵙⴼⵔⵓ ⴳ ⵓⵙⵡⵉⵔ ⵏ ⵜⵙⴷⴰⵡⵉⵢⵉⵏ, ⴰⵎ ⵉⵙⵙⵉⴷⴼ ⵓⵏⴳⴰⵍⵏ ⵏ ⵜⴼⵔⴰⵏⵙⵉⵙⵜ.
ⵉⵍⴰⵖⴰ ⵃⵎⴰ ⴰⴷ ⵙⵖⵏ ⴽⵙⵉⵏ ⵉⴷⵍⵉⵙⵏ ⵏ ⵜⵎⴰⵣⵉⵖⵜ ⵙⴳ ⵜⵖⵉⵡⴰⵏⵉⵏ ⵎⴰⵎⴽ ⵉⵅⵚⵚ ⴰⴷ ⴰⵙⵏ ⵔⵔⵏ ⵜⴰⵢⵏⵉⵜ.
ⵙⴳ ⵓⵖⵣⴷⵉⵙ ⵏⵏⵙ, ⵉⵏⵏⴰ ⵓⴳⵎⴰⵎ ⵏ ⵜⵎⵙⵎⵓⵏⵜ ⵏ ⵜⵉⵔⵔⴰ ⵏ ⵉⴷⵍⵉⵙⵏ ⵏ ⵜⵎⴰⵣⵉⵖⵜ « ⵜⵉⵔⵔⴰ » ⵚⴰⵍⵃ ⴰⴳⵯⵔⵔⴰⵎ, ⵉⵍⴰ ⵜⴰⵎⵙⵎⵏⵜ ⵜⴰⵎⵎⵉ ⴳ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ ⵙ ⵉⵙⵓⴼⴰⵖ ⵏ ⴽⵓⵥ ⵉⵙⴳⴳⵓⵙⴰ ⵉⵎⴳⴳⵉⵔⴰ ⵉⵡⵡⴹⵏ ⵛⴰ ⵏ 200 ⵏ ⵓⴷⵍⵉⵙ ⵙ ⵜⵎⴰⵣⵉⵖⵜ
ⵉⵏⵏⴰ ⴰⴳⵯⵔⵔⴰⵎ, ⴳ ⵡⴰⵡⴰⵍ ⵏⵏⵙ ⵉⵍⴰ ⵉⴷⵍⵉⵙⵏ ⵏ ⵜⵎⴰⵣⵉⵖⵜ ⴳ ⵓⵙⴼⵙⵔ ⵓⴷⵔⵓⵙⵏ ⵎⴰⵍⴰ ⵏⵙⵎⵇⵓⴷⴷⴰ ⵜⵏ ⴰⴽⴷ ⵜⵥⵕⵉⴳⵉⵏ ⵏⵏⵉⴹⵏ, ⵎⴰⵏⵉ ⵉⵏⵏⴰ ⵉⵅⵚⵚ ⴰⴷⵍⵉⵙ ⴰⵎⴰⵣⵉⵖ ⴰⴷ ⵖⵔⵙ ⵉⵍⵉ ⴰⴷⵖⴰⵔ ⵏⵏⵙ ⵉⵙⵜⴰⵀⵍⵍⴰ ⴳ ⵓⵣⵎⵣ ⴰⴷ ⴰⴷⵍⵙⴰⵏ ⵏ ⵓⵙⴳⴳⵯⴰⵙ.
ⵉⴱⴷⵔ ⴷ ⵎⴰⵙ ⴷ ⴰⵙⴳⴳⵯⴰⵙ ⴰⵛⵔⴰⴽ ⵉⵇⵇⵏ ⵅⴼ ⵜⵎⵙⵎⵓⵏⵜ ⵏ ⵓⴷⵍⵉⵙ ⴰⵎⴰⵣⵉⵖ ⵜⵉⵔⵔⴰ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵙⵖⵓⵏⵜ ⵏ « ⴰⴷⵍⵉⵙ » ⵎⴰⵏⵉ ⵉⵏⵏⴰ ⵉⵍⴰ ⴰⵢⴰ ⵉⵜⵜⵄⵇⴰⴱ ⵖⵔ ⵓⵙⵉⴷⵔⵓⵙ ⵏ ⵓⴼⴰⵔⵙ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.